លេចមុខ Mint ចូលរួមមង្គលការ Mark-Kim ក្រោយល្បីថាមានជម្លោះនឹងគ្នាជាយូរ

​ពិធី​មង្គលការ​ដ៏​អស្ចារ្យ និង​កក់ក្តៅ​បំផុតរបស់គូស្នេហ៍ Mark-Prin និង Kimberly Ann បានប្រារព្ធឡើងជាលើកទីពីឬលើទឹកដីនៃប្រទេសថៃ ក្នុងបរិយាកាសរ៉ូមែនទិកដែលបង្កើតដោយផ្កាកុលាបពណ៌សរាប់ម៉ឺនទងពោរពេញដោយក្តីស្រលាញ់កាលពីថ្ងៃទី ១២ ខែវិច្ឆិកាកន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីរៀបការរបស់តារាសម្ដែងប្រចាំប៉ុស៍លេខ៣នេះ​ មានទាំង​មិត្តភ័ក្តិ​ជិតស្និតនិង​អ្នកក្រៅរង្វង់សិល្បៈ​កម្សាន្ត​ព្រមទាំងមហាជន​ចូល​រួម​​យ៉ាង​ច្រើន​កុះករ។ តួយ៉ាង តារាស្រីវ័យក្មេង Mint Chalida និងអ្នកគ្រប់គ្រងកំពូល A Supachai ក៏បានមកចូលរួមអបអរសាទរគូស្នេហ៍ថ្មីថ្មោងផងដែរ។ មុន​ពេល​មាន​ការ​ថត​ជា​មួយ​គ្នា ទាំងកូនកំលោះនិងកូនក្រមុំបានជជែកជាមួយគ្នាដោយបង្ហាញស្នាមញញឹមពព្រាយ។

តាមរយៈរូបភាពប៉ុន្មានសន្លឹកនោះដែរវាបានបង្ហាញពីពេលវេលាមួយដែលកម្រឃើញបំផុតរបស់តារារួមទ្រនំប៉ុស៍លេខ៣ជាមួយគ្នា។លើសពីនេះទៀតសោតរូបភាពរបស់អ្នកទាំង៣ត្រូវបានចាត់ទុកថាជាពេលវេលាដ៏គួរឲ្យចាប់អារម្មណ៍មួយផ្សេងទៀតនៅក្នុងព្រឹត្តិការណ៍នេះផងដែរ។

មិនត្រឹមប៉ុណ្ណឹងនោះទេ តារាសម្ដែង Mint Chalida ក៏បានបង្ហោះរូបភាពតាមរយៈ IG ផ្ទាល់ខ្លួនអមជាមួយនឹងចំណងជើងយ៉ាងកក់ក្ដៅថា​​ “អបអរសាទរអ្នកទាំងពីរ #MarkKimThewedding”

ដោយឡែកងាកទៅ A Supachai អតីតអ្នកគ្រប់គ្រងផ្ទាល់ខ្លួនរបស់ Mark ហើយ​ត្រូវ​បាន​គេ​ចាត់​ទុក​ថា​ជា​អ្នក​ដឹក​នាំ​តារាសម្ដែងរូបនេះឲ្យ​ចូល​ក្នុង​វិស័យ​កម្សាន្ត បានសរសេរសារអបអរសាទរ Mark-Kim តាមរយៈ Instagram ផ្ទាល់ខ្លួនរបស់គាត់ថា “សូមអបអរសាទរចំពោះប្អូន Mak និងប្អូន Kim ថ្ងៃនេះជាថ្ងៃដ៏រីករាយសម្រាប់អ្នកទាំងពីរ។ បង A បានឃើញអ្នកទាំងពីរតាំងពីថ្ងៃដំបូង គ្រប់រឿង រហូតដល់ថ្ងៃពិសេសរបស់ប្អូនៗ ដែលបង A ទន្ទឹងមកជាយូរហើយ។

ទោះយ៉ាងណាក៏ដោយ ក្នុង​ព្រឹត្តិការណ៍​នេះ អ្នកគាំទ្រ​ចាប់អារម្មណ៍ធំបំផុតគឺចំពោះតែ Mint Chalida និង Mark-Prin ប៉ុណ្ណោះ! ព្រោះកន្លងមកមានពត៌មានអំពីរអ្នកទាំងពីរថាមិនត្រូវគ្នា ហើយកាលណោះក៏លេចឮចចាមអារ៉ាមថា Mint តាមស្រលាញ់ Mark ថែមទៀតផង។ រហូតធ្វើឲ្យមានជម្លោះកើតឡើងរវាងអ្នកទាំងបី ចាប់តាំងពីពេលនោះមក៕

ប្រែសម្រួល៖ សាង ស្រីល័ក្ខ

ចុចអាន៖Lisa រៀបរាប់រឿងរ៉ាវមួយចំនួន ក្រោយឪពុកអញ្ជើញមកទឹកដីកម្ពុជា