ជីវិតកម្សាន្ដ
ស៊ឹម ស្រីនិច បញ្ជាក់ច្បាស់ៗ ខណៈមានការសង្ស័យបញ្ចប់អាជីពសិល្បៈជាថ្មី
គេចាំថា តារាសម្តែងរូបស្រស់កញ្ញា ស៊ឹម ស្រីនិច កាលពីកំឡុងពាក់កណ្ដាលឆ្នាំ ២០២១ នាងបានប្រកាសយ៉ាងភ្ញាក់ផ្អើលអំពីដំណឹងលាឈប់ពីអាជីពសិល្បៈដែលខំសាងកេរ្តិ៍ឈ្មោះឡើងអស់ពេលច្រើនឆ្នាំកន្លងមកនោះ។ ប៉ុន្តែអ្វីដែលគេចាប់អារម្មណ៍ថែមទៀត ថ្មីៗនេះ ស្រីនិច ស្រាប់តែលេចវត្តមានសម្តែងក្នុងរឿងខ្នាតធំបែបប្រវត្តិសាស្ត្រ«អប្សរាមហាអង្គរ»។
យ៉ាងណាមិញ កញ្ញា ស៊ឹម ស្រីនិច ក៏ធ្លាប់បានប្រកាសដែរថា ចាប់តាំងពីដើមឆ្នាំ មកដល់ខែកក្កដា រូបនាងខកខានថតអស់ចំនួន ១៥ រឿង ហើយ។ ដោយឡែកកាន់តែធ្វើឲ្យអ្នកគាំទ្រសង្ស័យនោះ តារាសម្តែង ស៊ឹម ស្រីនិច ហាក់បង្ហាញតម្រុយជាថ្មីពីការបញ្ចប់នូវអាជីពសិល្បៈរបស់ខ្លួន បន្ទាប់ពី នាងបានចូលប្រឡូកក្នុងអាជីពមួយនេះអស់រយៈពេលជិត ១០ ឆ្នាំ។
អ្នកគាំទ្រ បានដាក់ការសង្ស័យដែរថា តារាសម្ដែងរូបស្រស់ ស៊ឹម ស្រីនិច អាចនឹងឈប់ពីការសម្តែង ក្រោយពេលនាងថតបញ្ចប់រឿង«អប្សរាមហាអង្គរ» ដែលដឹកនាំដោយលោក ហ្វៃ សំអាង ដោយសារតែមានធុរៈផ្ទាល់ខ្លួន។ ទោះយ៉ាងណា ក៏មានអ្នកគាំទ្រមួយចំនួនទៀតចង់ឲ្យ ស្រីនិច នៅបន្តអាជីពសិល្បៈដូចដើម ដើម្បីបំពេញទីផ្សារអ្នកគាំទ្រផងដែរ។
ឆ្លើយប្រាប់កម្ពុជាថ្មីកាលពីរសៀលថ្ងៃទី ១៣ ខែវិច្ឆិកា ឆ្នាំ ២០២៣ តារាស្រី ស៊ឹម ស្រីនិច បានបញ្ជាក់ថា សម្រាប់ការងារសិល្បៈ នាងនៅបន្តធ្វើដូចដើម គ្រាន់តែមិនសូវមានពេលវេលាច្រើនដូចកាលពីចូលសិល្បៈដំបូងៗ ទេ។ កញ្ញា ស៊ឹម ស្រីនិច បាននិយាយទៀតថា អ្វីដែលអាចចូលរួមចំណែកបាននៅក្នុងអាជីពសិល្បៈ គឺនាងនឹងចូលរួមដូចដើម។
ស្រីនិច និយាយបន្តថា «ខ្ញុំ មិនអាចមានពេលវេលាច្រើនដើម្បីចំណាយទៅលើសិល្បៈទេ អញ្ចឹងអ្វីដែលខ្ញុំទទួលធ្វើសុទ្ធតែក្តីស្រលាញ់ ហើយព្យាយាមចង់មានអ្វីដែលថ្មី ដែលល្អ សម្រាប់ទស្សនិកជនខ្មែរយើងយល់ដឹងពីវប្បធម៌ និងអរិយធម៌»។ ចំពោះមូលហេតុ ត្រូវបាន កញ្ញា ស៊ឹម ស្រីនិច បញ្ជាក់ដែរថា នាងត្រូវចំណាយពេលវេលាផ្ទាល់ខ្លួនខ្លះ ដើម្បីមុខរបររកស៊ីផ្សេងៗទៀតជាដើម។ ប៉ុន្តែលុះត្រាតែការងាររកស៊ីនោះខ្លួនស្រលាញ់ពេញចិត្តដែរ ទើបផ្តាច់ពីសិល្បៈទាំងស្រុងតែម្ដង។
កញ្ញា ស៊ឹម ស្រីនិច បន្ថែមថា បច្ចុប្បន្នមានបណ្ដាក្រុមហ៊ុន ផលិតកម្ម និងស្ថានីយទូរទស្សន៍មួយចំនួន បានទាក់ទងហៅថតសម្តែងជាបន្តបន្ទាប់ គ្រាន់តែរឿងភាគត្រូវការពេលវេលាច្រើនក្នុងការថត ដូច្នេះនាងពុំមានពេលគ្រប់គ្រាន់ឡើយ។ នាងថា គ្រាន់តែរឿង«អប្សរាមហាអង្គរ» បានចំណាយពេលវេលាយ៉ាងច្រើនក្នុងការហាត់រៀន ក៏ដូចជាការសម្តែង ហេតុនេះទើបនាងមិនទាន់មានពេលគ្រប់គ្រាន់ទទួលរឿងថ្មី។ ក្នុងនោះ បើសិនរឿងថ្មីណាដែលជាទីចាប់អារម្មណ៍ ឬមានចំណុចណាល្អសម្រាប់ខ្លួន នាងនឹងឆ្លៀតពេលសម្ដែង៕
អត្ថបទ ៖ ចាន់រ៉ា
លោក សាំ ពិសិដ្ឋ៖ ការបាក់ស្រុតផ្លូវបេតុងនៅសង្កាត់ស្ទឹងមានជ័យទី២ ដោយសារទឹកហូរច្រោះខាងក្រោមផ្លូវ
ឯកឧត្តម ហ៊ុន ម៉ានី បើកសិក្ខាសាលាយុទ្ធសាស្រ្តខេត្តកំពង់ស្ពឺត្រៀមលក្ខណៈឆ្ពោះទៅកាន់ការបោះឆ្នោត
IU ក្លាយជាតារាចម្រៀងស្រីដំបូងគេ ដែលប្រគំតន្ត្រីនៅកីឡដ្ឋានធំបំផុតរបស់កូរ៉េ
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា