ជីវិតកម្សាន្ដ

ណាន ណាន សម្រេចក្តីស្រមៃទិញរថយន្តតម្លៃរាប់ ម៉ឺនដុល្លារ ខណៈបំណងធំបន្ទាប់ផ្ទះវីឡា

បានផុស

១ year មុន

នៅ

ថ្ងៃអង្គារ ១៤ វិច្ឆិកា ២០២៣

ដោយ

ខណៈទីផ្សារការងារសិល្បៈកាន់តែមានសន្ទុះកញ្ញា ង៉ា ស្រីណាន ហៅ ណាន ណាន ជាកូនស្រីបង្កើតរបស់អ្នកនាង ស្រីអ៊ីត បានបង្ហាញក្តីរំភើបដោយបានបញ្ជាក់ថា ទីបំផុតនាងបានសម្រេចបំណងប្រាថ្នារបស់ខ្លួន ពោលគឺការដូររថយន្តថ្មីតម្លៃរាប់ម៉ឺនដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រីស្អាត ណាន ណាន ដែលមានឈាមជ័រម្តាយជាអ្នកសិល្បៈដែរនោះ គឺក៏ត្រូវបានគេកត់សម្គាល់ថានាងមានទេពកោសល្យ និងសមត្ថភាពសិល្បៈមិនចាញ់ម្តាយប៉ុន្មានឡើយ ខណៈកាលពីថ្មីៗ ណាន ណាន ទើបដណ្តើមបានជ័យលាភីលំដាប់រងទី៣ នៃកម្មវិធីប្រកួតបវរកញ្ញាយុវតីកម្ពុជា២០២៣ (Miss Preteen International Cambodia 2023)។ លទ្ធផលនេះត្រូវបានអ្នកគាំទ្រចាត់ទុកថា ជាជោគជ័យមួយសម្រាប់ ណានណាន ផងដែរ។

ទន្ទឹមគ្នានេះដែរស្រីស្អាត ណាន ណាន បានធ្វើឲ្យអ្នកគាំទ្រចាប់អារម្មណ៍ជាថ្មី បន្ទាប់ពីនាងបានប្រកាសថាក្តីប្រាថ្នារបស់ខ្លួនបានសម្រេចដូចបំណង។ តារាស្រីវ័យក្មេង ណាន ណាន បានឲ្យដឹងថាបំណងប្រាថ្នារបស់ខ្ញុំក្លាយជាការពិតស្រី សរបស់ ណាន ណាន។

ណាន ណាន បានបញ្ជាក់ថា” អរគុណម៉ាក់ៗ ពុកម៉ែបងប្អូន អ៊ំ ពូមីង តែងតែគាំទ្រលើកទឹកចិត្ត ណាន ខ្ញុំនឹងខំប្រឹងតស៊ូបន្តទៀតជំហានទី២ បានហើយនៅ ជំហ៊ានទី៣ផ្ទះវីឡា សកម្មភាពមុនម៉ាក់ surprise ខ្ញុំអរគុណម៉ាក់គ្រប់យ៉ាងដែលតែងតែធើ្វរឿងល្អៗឲ្យកូនរហូតក៏អរគុណយាយតា បងប្អូន FanFan ធើ្វឲ ណាន ណាន មានថៃ្ងនេះ“។

ចំណែកតារាកំប្លែងអ្នកនាង ស្រីអ៊ិត ដែលជាម្តាយបានជូនពរកូនស្រីដែរថា ហេង ហេងកូនស្រីម្ដាយ ស៊ូរៗបន្ដទៀតកូន ម៉ាក់នឹងខំដើម្បីកូន កូនខំដើម្បីម្ដាយ អរគុណបងប្អូននៅការស្រលាញ់ចំពោះពួកខ្ញុំ។ ស្រីស្អាត ណានណាន ក៏មានទេពកោសល្យក្នុងវិស័យសិល្បៈ មិនចាញ់អ្នកម្ដាយប៉ុន្មានដែរ ដោយនាងមានជំនាញផ្នែកចម្រៀង,រាំ និងដើរម៉ូដផងដែរ។

គេក៏នៅចាំបានថាកន្លងមក គឺមហាជនធ្លាប់បានឃើញវត្តមានរបស់កញ្ញា ណាន ណាន ផងដែរក្នុងការចូលរួមប្រកួតក្នុងកម្មវីធី X Factor Cambodia នាអំឡុងឆ្នាំ២០១៩ កន្លងទៅតែកាលណោះ ណាន ណាន ពុំបានជោគជ័យទៅវគ្គបន្តឡើយ៕

អត្ថបទ៖ ចាន់រ៉ា