ជីវិតកម្សាន្ដ
សុគន្ធ នីសា ទម្លាយអាថ៌កំបាំងរក្សារាង ក្រោយអ្នកគាំទ្រសួរនាំច្រើនរឿងស្លៀកអ្វីក៏សម
តារាចម្រៀងសំឡេងមនោសញ្ចេតនាអ្នកនាង សុគន្ធ នីសា ទោះពេលនេះមានវ័យជ្រេបន្តិចក្តី តែរូបសម្ផស្សរបស់នាងនៅតែរក្សាបានភាពស្រស់ស្អាត មិនចាញ់ក្រមុំឡើយ។ ចំណុចនេះបានធ្វើឲ្យអ្នកគាំទ្រមួយចំនួន លួចសរសើរពីការថែរក្សាសម្រស់ និងរាងស្រស់ស្អាតរបស់ នីសា។
រឿងអ្នកគាំទ្រចាប់អារម្មណ៍ និងរឹតតែចង់ដឹងថែមទៀតនោះ គឺការថែរក្សារាងរបស់តារាចម្រៀង សុគន្ធ នីសា ដែលរាល់ការស្លៀកពាក់នាងតែងតែមានភាពលេចធ្លោ និងស្រស់ស្អាត មិនថាស្លៀកពាក់ឈុត ឬទម្រង់បែបណាទេ មានលក្ខណៈសមសួនជានិច្ច។
ស្រាយចម្ងល់នេះ ត្រូវបានអ្នកនាង សុគន្ធ នីសា បញ្ជាក់ថា ចំណុចចាប់ផ្ដើមស្ថិតលើខ្លួនយើងដោយផ្ទាល់តែម្ដង។ សុគន្ធ នីសា បានលើកឡើងថា «មានគេសួរខ្ញុំច្រើនណាស់ថា បង Nisa ស្លៀកអ្វីក៏សម គឺចង់ចែករំលែកទៅដល់បងប្អូនថា គឺមិនថាយើងជាស្រី ឬក៏ជាមនុស្សប្រុសទេ ការថែទាំសុខភាព និងរូបសម្រស់ជារឿងសំខាន់ បងប្អូនត្រូវចេះស្រឡាញ់ខ្លួនឯង ញាំអាហារត្រូវគិត ត្រូវរើស ហាត់ប្រាណឲ្យបានច្រើន កុំបណ្តោយឲ្យខ្លួនឡើងគីឡូខ្លាំង វាពិបាកសម្រកណាស់»។
តារាចម្រៀងមុខស្រទន់ អ្នកនាង សុគន្ធ នីសា បានបញ្ជាក់បន្ថែមថា «បើយើងថែគីឡូ និងរាងយើងបានស្អាត បងប្អូនចង់ស្លៀកអ្វីក៏ស្អាតដែរ មិនថាតែខ្ញុំជាតារាទេ ស្រឡាញ់ខ្លួន ថែខ្លួន និងថែសុខភាព មើលថែអារម្មណ៍ឲ្យបានល្អណាបងប្អូនជាទីស្រឡាញ់»។
សុគន្ធ នីសា ថ្វីត្បិតបច្ចុប្បន្ននាងមានវ័យច្រើនបន្តិចក៏ពិតមែន ប៉ុន្តែបើកត់សម្គាល់ប្រជាប្រិយភាព និងការគាំទ្រ នៅតែរក្សាបានដូចដើម។ ការរក្សាបានប្រជាប្រិយភាព និងការគាំទ្រនេះ ក៏ព្រោះតែស្រីស្រស់ សុគន្ធ នីសា គឺជាអ្នកចម្រៀងខ្មែរមួយរូបដែលមានសមត្ថភាពច្រៀងបានល្អ បូករួមនឹងទេពកោសល្យសិល្បៈខ្ពស់ផងដែរ។
គេកត់សម្គាល់ថា បើទោះបីជាមានវ័យជ្រេបន្តិចទៅហើយក្តី តែសម្រស់ នីសា នៅតែរក្សាបានភាពស្រស់ស្អាត និងទាក់ទាញខ្លាំងសម្រាប់ក្រសែភ្នែកអ្នកគាំទ្រ។ ជាការពិត សុគន្ធ នីសា មកទល់ពេលនេះ នាងមានអាយុ ៣៩ ឆ្នាំហើយ។ អ្នកនាង សុគន្ធ នីសា ក៏ត្រូវបានគេចាត់ទុកជាតារាចម្រៀងម្នាក់ដ៏មានប្រជាប្រិយភាព និងមានសម្រស់ស្រស់ស្អាតពីធម្មជាតិផងដែរ។ លើសពីនេះ នាងក៏ទទួលបានការសរសើរថា ជាតារាស្រីដែលមានអត្តចរិតស្លូតបូត និងសុភាពរាបសារទៀតផង៕
អត្ថបទ ៖ ចាន់រ៉ា
កំណើនឱកាសការងារ និងការវិនិយោគ ក្នុងឆ្នាំ២០២៤ ឆ្លុះបញ្ចាំងពីស្ថេរភាពនយោបាយ និងសេដ្ឋកិច្ចរបស់កម្ពុជា
រាជធានីភ្នំពេញ៖ ជំងឺគ្រុនឈាមបានថយចុះប្រមាណជាង៤០% បើប្រៀបធៀបឆ្នាំ២០២៣ និងឆ្នាំ២០២៤
សហជីពនៅកម្ពុជា និងប្រជាពលរដ្ឋថា លិមគិមយ៉ា គ្មានតម្លៃនឹងឱ្យរដ្ឋាភិបាលសម្លាប់ទេ ព្រោះជាអ្នកនយោបាយគ្មានសំឡេង
ព្រះរាជដំណាក់ស្តេច ជាកន្លែងកត់ត្រា ទុកជាប្រវត្តិសាស្ត្ររបស់យុវជនជំនាន់ក្រោយ
បណ្ឌិត គិន ភា៖ ៤០ឆ្នាំមកនេះ សម្តេចតេជោ ហ៊ុន សែន បានកសាងសមិទ្ធផលធំៗចំនួន៩ជូនប្រជាជាតិកម្ពុជា
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
អ្នករករ៉ែ១០០នាក់ជាប់គាំងក្នុងអណ្តូងរ៉ែស្លាប់ដោយសារការអត់អាហារជាច្រើនខែ
រលកខ្យល់ល្បឿនជាង១០០គ.ម/ម៉ោង នឹងធ្វើឲ្យ LA កើតភ្លើងឆេះព្រៃ កាន់តែសាហាវៗថែមទៀត
កម្ពុជា បន្តចុះត្រជាក់ ១៨°C ដល់ថ្ងៃទី១៦មករា
-
ចរាចរណ៍២ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៤ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១២ ម៉ោង agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី