ជាសេដ្ឋីមានទ្រព្យចាយលែងខ្វះ តែគូស្នេហ៍ Patricia-Note នៅតែឡាយលក់ផលិតផលទាំងយប់

ទស្សនិកជនជាច្រើនបានដឹងហើយថា​ តារាសម្ដែង Patricia Good និងស្វាមី Note Wiset​ គឺជាសេដ្ឋីមានទ្រព្យសម្បត្តិពាន់លានប្រចាំប្រទេសថៃ សឹងថាចាយមិនខ្វះនៅក្នុងជិវិត។ ប៉ុន្តែអ្នកទាំងពីរបានធ្វើឲ្យមហាជនភ្ញាក់ផ្អើលយ៉ាងខ្លាំង ក្រោយឡាយលក់ផលិតផលទាំងយប់ម៉ោង១១។

កាលពីពេលថ្មីៗ​នេះ​ក្នុង​ពិភព​បណ្តាញ​សង្គម tiktok ឃ្លិប​របស់ពួកគេត្រូវ​បាន​គេ​ចែក​រំលែក ​ខណៈ​ពេល​នោះ ពួកគេ​ទាំង​ពីរ​កំពុង​ធ្វើ​ការ​លក់​ផ្ទាល់​ពេល​យប់ក្នុងម៉ោងប្រហែល១១:១៥ ធ្វើ​ឲ្យមហាជនជា​ច្រើន​ចាត់​ទុក​ពួក​គេ​ថា​ជា​តារាលក់ឥវ៉ាន់។

បន្ទាប់ពីបានទស្សនារួចមក អ្នកលេងអ៊ីនធឺណិតជាច្រើនបានបញ្ចេញមតិជាសញ្ញាគ្រវីទង់សសុំចុះចាញ់ប្ដីប្រពន្ធនេះតាមសម្រួលដោយគ្មានប្រកែក។ក្នុងនោះម្នាក់ៗសុទ្ធតែនិយាយថា ទាំង Patricia Good និងស្វាមី Note Wiset​ សុទ្ធតែជាអ្នកមានទ្រព្យហូរហៀរម្នាក់ជាតារាសម្ដែងស៊ីខ្លួនថ្លៃខ្ពស់ក្នុងមួយរឿង។ ចំណែកម្នាក់ទៀតមានជំនួញច្រើនសន្ធឹកប្រចាំប្រទេស ជាពិសេសនោះគឺ Note ក៏ជាអ្នកស្នងមរតករបស់គ្រួសារ Rangsisingpipat ផងដែរ។

លើសពីនេះអ្នកគាំត្រមួយចំនួនធំបានបញ្ចេញមតិស្របគ្នាថា ពួកគេមានឋានៈដល់ទៅជាសេដ្ឋីមានទ្រព្យចាយលែងខ្វះ ប៉ុន្តែគូស្វាមីភរិយា Patricia Good និង Note Wisetនៅតែបង្ហាញសកម្មភាពឧស្សាហ៍ព្យាយាមរកលុយបន្ថែមទៀត។ ត្បិតថាការឡាយលក់នេះយប់រាងជ្រៅបន្តិចប៉ុន្តែនេះបង្ហាញពី​ឆន្ទៈតស៊ូនិងជាការដាស់តឿនដល់អ្នកផ្សេងទៀតថាមានទ្រព្យច្រើនប៉ុណ្ណាក៏ដោយបើយើងមិនប្រឹងរកមិនព្យាយាមរកបន្ថែមទេយើងក៏គ្មានប្រាក់កាសទៅថ្ងៃខាងមុខដែរ៕

ប្រែសម្រួល៖ សាង ស្រីល័ក្ខ

ចុចអាន៖បង្ហាញមុខម្ដង សម្រស់របស់តួចៀវៃ រងភាពចម្រូងចម្រាសលើបណ្តាញសង្គម