ជីវិតកម្សាន្ដ

Liu Yifei ជះលុយទិញអំណោយម៉ាក LV ជូនដល់ក្រុមការងារផលិតកម្មជាច្រើននាក់

បានផុស

១ year មុន

នៅ

ថ្ងៃចន្ទ ២០ វិច្ឆិកា ២០២៣

ដោយ

តារាសម្ដែងចិន Liu Yifei វ័យ ៣៥ ឆ្នាំ ដែលមហាជនភាគច្រើនស្គាល់នាងតាមរឿង Mulan របស់ Disney ជះលុយទិញអំណោយម៉ាក Louis Vuitton ជូនដល់ក្រុមការងារផលិតកម្មជាច្រើននាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាដូទាំងនេះគឺ Yifei ជូនពួកគេក្នុងឱកាសថតរឿង The Tale of Rose ចប់ ដែលមានតួសម្ដែងល្បីៗផ្សេងទៀតដូចជា Wallace Huo, Lin Gengxin និង Tong Dawei ។ សូមជម្រាបថា រឿង The Tale of Rose បានចំណាយពេលថតដល់ទៅ ៥ ខែ ទើបក្រុមការងារនាំគ្នាជប់លៀងយ៉ាងសប្បាយរីករាយ ។

Yifei មិនត្រឹមតែទិញ តែទឹកដោះគោ សម្រាប់គ្រប់គ្នាប៉ុណ្ណោះទេ នាងក៏បានទិញអំណោយពីម៉ាក LV សម្រាប់បុគ្គលសំខាន់ៗដែរ ។ យើងដឹងរួចមកហើយថា LV ជាម៉ាកល្បី ដែលផលិតផលនីមួយៗមានតម្លៃពីខ្ទង់រយដល់ម៉ឺនដុល្លារឯណោះ ។

ជាក់ស្ដែងកាលពីឆ្នាំ ២០២២ Yifei ក៏បានទិញកាបូបពី LV ជូនក្រុមការងារដែរ បន្ទាប់ពីថតរឿង A Dream Of Splendor ចប់ ៕

ប្រែសម្រួល៖ វារី

ប្រភព៖ 8days

ចុចអាន៖ អ្នកគាំទ្រជីកកកាយរូបថតគ្រួសាររបស់ Liu Yifei ទើបដឹងថាមួយផ្ទះនេះសុទ្ធតែជារាជិនីសម្រស់