ជីវិតកម្សាន្ដ

ឡើងទម្ងន់ខ្លាំង ប៉ុន្តែ Liu Yifei មិនត្រូវគេរិះគន់លើរូបរាងសូម្បីបន្តិច

បានផុស

១ year មុន

នៅ

ថ្ងៃអង្គារ ២១ វិច្ឆិកា ២០២៣

ដោយ

ប៉ុន្មានថ្ងៃចុងក្រោយនេះ សម្រស់ដ៏ស្រស់ស្អាតរបស់ Liu Yifei បានធ្វើឲ្យមានការកក្រើកក្នុងព្រឹត្តិការណ៍កម្សាន្តនានាក្នុងប្រទេសចិន។ រូបភាព និងពាក្យគន្លឹះទាក់ទងនឹងរូបរាងរបស់ ទេពអប្សរ បានឡើងកំពូលទាំងការមើល និងការស្វែងរកនៅលើបណ្តាញសង្គម Weibo ។ មហាជនសរសើរសម្រស់ដែលមើលឃើញថានាងនៅតែស្អាតជាងគេបើទោះបីជាឡើងទំងន់ខ្លាំងក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម QQ ក្នុងការបង្ហាញខ្លួនទាំងពីរលើកថ្មីៗនេះ តារាស្រីរូបនេះ មិនល្អឥតខ្ចោះទេ។ ក្នុងរូបភាពជាច្រើនដែលមិនបានកែសម្រួល Liu Yifei បានបង្ហាញរូបរាងឆើតឆាយ ស្មាចំណោត និងក្បាលពោះធំ។ យ៉ាងណាមិញ ចម្លែកត្រង់អ្នកលេងអ៊ីនធឺណិតមិនមានពាក្យប្រមាថចំពោះនាងទេ ខុសពីប្រតិកម្មអវិជ្ជមានលើកមុនទាំងស្រុង។

ដូច្នេះ តើអ្វីទៅដែលធ្វើឲ្យមតិសាធារណៈរបស់ប្រទេសផ្លាស់ប្តូរអាកប្បកិរិយាចំពោះលោក Liu Yifei?

យោងតាម Sina នៅក្នុង showbiz របស់ចិន Liu Yifei ច្បាស់ជាសិល្បករស្រីដែលទម្ងន់ត្រូវបានពិនិត្យច្រើនបំផុត។ ឈានចូលវ័យកណ្តាល តារាស្រីប្រឈមមុខនឹងការលំបាកជាច្រើនក្នុងការគ្រប់គ្រងរាងកាយ និងរក្សារាងស្លីម។ មានពេលមួយ ដែលសាធារណជនចង់ដកតំណែងជាទេពអប្សរសម្រស់របស់តារារូបនេះ ដោយហេតុផលថា Liu Yifei កាន់តែធាត់។

រូបរាងរបស់នាងត្រូវបានអ្នកលេងអ៊ីនធឺណេតចាប់អារម្មណ៍យ៉ាងខ្លាំងចាប់តាំងពីឆ្នាំ២០២០។ បន្ទាប់ពីព្រឹត្តិការណ៍ Weibo Night ភាពខុសគ្នារបស់តារាស្រីរូបនេះបើធៀបនឹងកម្មវិធី showbiz របស់ចិនត្រូវបានបង្ហាញយ៉ាងច្បាស់។ នាងត្រូវបានគេវាយតម្លៃថា “ធាត់ជាងគេក្នុងឧស្សាហកម្មកម្សាន្តចិន និងមានមាឌធំជាងតារាស្រីផ្សេងៗ”។

នៅលើទឹកដីនៃប្រទេសចិន តារាស្រីៗជាច្រើនបានធ្វើតាមស្តង់ដារនៃភាពស្រស់ស្អាតគឺ ស ស្គមខ្លាំង និងស្គមពេក រហូតធ្វើឲ្យឆ្អឹងឃើញយ៉ាងច្បាស់ ហើយចង្កេះរបស់ពួកគេសមនឹងទទឹងនៃក្រដាស A4 ប៉ុណ្ណោះ។ ប្រការនេះ ធ្វើឲ្យតារាស្រីរូបនេះ រងការរិះគន់និងប្រមាថពីសំណាក់មហាជន ចំពោះរាងកាយដ៏ធ្ងន់របស់នាង អស់រយៈពេលជិត៣ឆ្នាំ។

ប្រឈមមុខនឹងមតិអាក្រក់រាប់មិនអស់អំពីរូបរាងរបស់នាង Liu Yifei មិនអើពើនឹងពួកគេ។ តារាស្រីរូបនេះបដិសេធមិនធ្វើតាមនិន្នាការកែសម្ផស្សខ្លាំង ហើយមិនប្រញាប់សម្រកទម្ងន់ដើម្បីរាងស្លីមដើម្បីផ្គាប់ចិត្តមហាជន។ ទំនុកចិត្តនៃទេពអប្សរជួយសាធារណជនចិនផ្លាស់ប្តូរទស្សនៈរបស់ពួកគេលើភាពស្រស់ស្អាតបន្តិចម្តងៗ ។

ក្រោយមក នៅលើបណ្ដាញសង្គម Weibo កាលពីថ្ងៃទី ១៧ ខែវិច្ឆិកា មតិមហាជនបានយល់ស្របដោយថា “ខ្ញុំសរសើររូបរាងកាយរបស់ Liu Yifei នាងមានសម្រស់ដ៏សខ្ចី ជាពិសេសមានសុខភាពល្អ។ នាងក៏មិនធ្វើតាមសោភ័ណភាពស្គមស្គាំងដែរ។ នាងធ្វើឲ្យមានអារម្មណ៍ថា រូបរាងរបស់មនុស្សស្រីគ្រប់រូបមានភាពទាក់ទាញរៀងៗខ្លួន ។

ទោះយ៉ាងណា យោងតាម QQ តារាសម្ដែង Liu Yifei បានបង្ហាញទស្សនិកជនថា ភាពស្រស់ស្អាត មិនចាំបាច់មានភាពល្អឥតខ្ចោះគ្រប់ផ្នែកនោះទេ គ្រប់ទំហំរាងកាយក៏អាចស្រស់ស្អាតបានតាមចិត្ត។ ទំនុកចិត្តរបស់ Liu Yifei បានបង្ហាញឱ្យឃើញថា រូបរាងស្រឡូន ក៏ជាសម្រស់មួយប្រភេទដែរ។ នាងបានកាត់បន្ថយការព្រួយបារម្មណ៍របស់នារីអំពីទំហំរាងកាយ។ សំខាន់បំផុតនោះ តារាស្រីរូបនេះ បំផុសគំនិតឲ្យនារីៗ ស្រឡាញ់រូបរាងកាយរបស់ពួកគេ ឲ្យកាន់តែមានភាពក្លាហាន និងបង្ហាញពីភាពខុសប្លែកគ្នារបស់ពួកគេ” ។

គេហទំព័រព័ត៌មានបានបញ្ជាក់ថា សម្រស់របស់ Liu Yifei មិនត្រឹមតែស្ថិតនៅក្នុងរូបរាងរបស់នាងប៉ុណ្ណោះទេ ថែមទាំងបញ្ចេញពីនិស្ស័យភាពជឿជាក់ ភាពស្ងប់ស្ងាត់ និងអាកប្បកិរិយាល្អនៅក្នុងខ្លួននាងផងដែរ។ នេះហើយជាអ្វីដែលធ្វើឲ្យតារាស្រីរូបនេះ ខុសប្លែកពីសម្រស់ដ៏ទៃទៀត ដែលមានមន្តស្នេហ៍ដែលមិនអាចបំភ្លេចបាន។ ដូច្នេះហើយ ជាច្រើនទស្សវត្សរ៍បានកន្លងផុតទៅ Liu Yifei នៅតែជារូបតំណាងសម្រស់ ដែលពិបាកសម្រាប់អ្នកណាម្នាក់ក្នុងការដណ្តើមយកនៅក្នុង showbiz របស់ចិន៕