ជីវិតកម្សាន្ដ

តារាប្រុសកូរ៉េទាំង ៥ មកដល់ពេលនេះ នៅតែរកចំណូលបានច្រើនជាងគេ

បានផុស

១ year មុន

នៅ

ថ្ងៃអង្គារ ២១ វិច្ឆិកា ២០២៣

ដោយ

កំពូលតារាប្រុសកូរ៉េទាំង៥ មកដល់ពេលនេះពួកគេនៅតែមានតម្លៃខ្លួនខ្ពស់បំផុត នៅឆ្នាំ ២០២៣ ខណៈដែលទស្សនាវដ្ដី GQ India ចាត់ចំណាត់ថ្នាក់តារាប្រុសកូរ៉េដែលរកចំណូលបានច្រើនជាងគេ តើពួកគេជាហើយពួកគេម្នាក់ៗរកបានជាប់ៗគ្នាគ្មានចន្លោះឆ្នាំនោះទេ។

ខាងក្រោមនេះ កំពូលតារាប្រុសកូរ៉េទាំង៥ នៅតម្លៃខ្ពស់បំផុត៖

១ Kim Soo Hyun

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព័ត៌មានពី Siasat Daily បង្ហាញថា Kim Soo Hyun ដែលជាតួឯកក្នុងរឿង It’s Okay Not to Be Okay ទទួលបានប្រាក់ខែ ៤២៣,០០០ ដុល្លារក្នុងមួយវគ្គ ។ នេះផ្តល់ឲ្យគាត់នូវទ្រព្យសម្បត្តិសុទ្ធគឺ ១១៧ លានដុល្លារអាមេរិក។

២ Lee Jung Jae

Lee Jung Jae បានជោគជ័យលើវិថីអាជីពជាតារាសម្តែង ពីភាពល្បីល្បាញនៃស៊េរី Squid Game ដែលធ្វើឲ្យគាត់ទទួលបានប្រាក់ខែ ២៤៨,០០០ ដុល្លារក្នុងមួយវគ្គ។ បើយោងតាម Celebrity Net Worth បានបញ្ជាក់ថា Lee Jung Jae មានទ្រព្យសម្បត្តិសុទ្ធ១២ លានដុល្លារអាមេរិក។

៣ Song Joong Ki

Song Joong Ki ជាតារាសម្ដែងដែលអាចសម្ដែងបានច្រើនតួ និងស្នាដៃដ៏អស្ចារ្យទាំងអស់ រួមទាំង Descendants of the Sun និង Reborn Rich ដែលការវាយតម្លៃបានកើនឡើងខ្ពស់ ដូច្នេះហើយទើបធ្វើឲ្យគាត់មានការទាមទារពីអ្នកដឹកនាំជាច្រើន ។ ព័ត៌មានពី Siasat Daily បញ្ជាក់ថា Song Joong Ki ទទួលបានប្រាក់ខែ ១៧០,០០០ ដុល្លារក្នុងមួយវគ្គ និងមានទ្រព្យសម្បត្តិសុទ្ធ ២៤ លានដុល្លារអាមេរិក ។

៤ Hyun Bin

Hyun Bin ល្បីល្បាញតាំងពីមុនសម្តែងក្នុងរឿង Crash Landing On You ប្រជាប្រិយភាពរបស់គាត់មិនដែលធ្លាក់ចុះទេ។ ទោះបីជាអ្នករៀបការហើយមានកូនក៏ដោយ។ Hyun Bin ទទួលបានប្រាក់ខែ ១១៣,០០០ ដុល្លារ ជាងនេះទៅទៀត លោកមានទ្រព្យសម្បត្តិសុទ្ធ ២១ លានដុល្លារអាមេរិកបន្ថែមទៀត។

៥ Lee Min Ho

Lee Min Ho ជាបុរសម្នាក់ក្នុងចំណោមវីរបុរសគ្រប់សម័យកាលរបស់ជនជាតិកូរ៉េ។ នៅក្នុងរឿង Boys Over Flowers និងរឿង The Heirs and The King: Eternal Monarch តារាសម្ដែងប្រុសរូបនេះ ទទួលបានប្រាក់បៀវត្សរ៍ចំនួន ៨០,០០០ដុល្លារ និងមានទ្រព្យសម្បត្តិសុទ្ធចំនួន ២៦ លានដុល្លារឯណោះ៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖លទ្ធផលតេស្តសក់របស់ G-Dragon ចេញចំពេលចោទប្រកាន់ពីការប្រើប្រាស់ថ្នាំញៀន