ជីវិតកម្សាន្ដ
មីណា បញ្ជក់មូលហេតុធ្លោយមាត់ទើបបណ្ដាលឲ្យធ្លាក់ពីលើឆាកតន្ត្រីនៅស្វាយរៀង
មហាជនអ្នកគាំទ្រភ្ញាក់ផ្អើលគ្រប់គ្នា បន្ទាប់ពីមានការចែករំលែកនូវឃ្លីបវីដេអូជុំវិញហេតុការណ៍តារាចម្រៀងស្រីវ័យក្មេង កញ្ញា មីណា បានធ្លាក់ពីលើឆាក នៃការប្រគំតន្ត្រីផ្សាយផ្ទាល់មួយ កំឡុងពេលនាងចូលរួមច្រៀងរាំនៅខេត្តស្វាយរៀង។
បន្ទាប់ពីជួបហេតុការណ៍ធ្លាក់ពីលើឆាកប្រគំតន្ត្រីនេះ គេឃើញមានអ្នកគាំទ្រជាច្រើនបានបង្ហាញការបារម្ភ និងចង់ដឹងសុខទុក្ខរបស់កញ្ញា មីណា ផងដែរ។ ទន្ទឹមគ្នា នៃការចង់ដឹងសុខទុក្ខនេះដែរ តារាស្រី មីណា បានបញ្ជាក់ពីច្បាស់ពីមូលហេតុ និងសុំទោសទៅអ្នកគាំទ្រ ក្រោយជួបនូវរឿងរ៉ាវដ៏ភ្ញាក់ផ្អើលនោះ។
ស្រីស្អាត មីណា បានប្រាប់ឲ្យដឹងតាមបណ្ដាញសង្គមកាលពីថ្ងៃទី ២២ ខែវិច្ឆិកា ឆ្នាំ ២០២៣ ចំពោះ មូលហេតុបណ្តាលឲ្យធ្លាក់ពីលើឆាកតន្ត្រីនោះថា រឿងនេះកើតដោយសារតែការនិយាយធ្លោយមាត់របស់ខ្លួនដោយអចេតនា។
តារាចម្រៀង មីណា បានលើកឡើងថា «ខ្ញុំបាននិយាយខុសមាត់បន្តិច ដោយអចេតនា ដោយពុំដឹងខ្លួនថាកំពុងធ្លោយច្រឡំមាត់និយាយពាក្យអ្វី? ពាក្យស្លាប់ ជាពាក្យដែលខ្ញុំមិនងាយនិយាយ សុំទោសដែលធ្វើមិនបានល្អ»។ ក្រោយមានការបកស្រាយបែបនេះ ក៏មានអ្នកគាំទ្រមួយចំនួនបង្ហាញការលើកទឹកចិត្តដល់នាង និងសរសើរចំពោះការតាំងស្មារតីបានល្អ។
គេកត់សម្គាល់ដែរថា ទោះបីជាកំឡុងពេលនោះ កញ្ញា មីណា បានធ្លាក់ពីលើឆាកតន្ត្រីក៏ពិតមែន តែនាងនៅតែព្យាយាមរក្សាជំហរស្មារតីក្រោកឡើងមកលើឆាកតន្ត្រីវិញ និងបន្តការច្រៀងសម្តែងបានចំនួន ២ បទ ដើម្បីតម្រូវទៅតាមកម្មវិធីដែលបានគ្រោងទុក ដោយមិនឲ្យខូចកម្មវិធីនោះទេ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ៤ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ១ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៧ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ៣ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៣ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ