ក្នុងចំណោមសមាជិក BLACKPINK មានតែ Rose ប៉ុណ្ណោះ ដែលស្ដេច Charles ព្រះរាជទានសិទ្ធិដូចសែរាជវង្ស

យោងតាមប្រភពពី allkpop បានបញ្ចាក់ឲ្យដឹងថា Rose​ នៃក្រុម BLACKPINK បានទទួលនូវសិទ្ធពិសេសជាងគេក្នុងចំណោមសមាជិក៣រូបផ្សេងទៀត ដោយក្នុងនោះនាងនឹងក្លាយជាមនុស្ស​សំខា​ន់ក្នុង​លំដាប់​របស់ចក្រភព​អង់គ្លេស ។

នៅលើវេទិកាអនឡាញ អ្នកលេងអ៊ីនធឺណេតបានចូលរួមក្នុងការពិភាក្សាអំពីសិទ្ធិពិសេសដែលផ្តល់ឲ្យតែ Rose សមាជិកក្រុម BLACKPINK ក្នុងនាមជាពលរដ្ឋពីរនៃប្រទេសកូរ៉េខាងត្បូង និងនូវែលសេឡង់។​

ទាក់​ទង​នឹង​បញ្ហា​នេះ ​ក៏ព្រោះតែ Rose កើត​ក្នុង​ប្រទេស​នូវែលសេឡង់ ហើយធំឡើងនៅប្រទេសអូស្ត្រាលី នាង​ត្រូវ​បាន​គេ​ចាត់​ថ្នាក់​ជា​ពលរដ្ឋ​ដ៏សំខាន់បំផុតមួយ។ ឋានៈ MBE របស់ Rose ដែលស្ដេច Charles បានប្រទានពានរង្វាន់មេដាយកិត្តិយស​ត្រូវបានគេទទួលស្គាល់ថាជា “Roseanne Park MBE” ហើយក៏ជាសិទ្ធមួយដែលផ្តល់ឲ្យនាងនូវការប្រើប្រាស់មុខងារនេះ​ ធំជាងគេបង្អស់ផងដែរ។

លើសពីនេះ នាងមានឱកាសទទួលបានឋានៈដូចសែរាជវង្ស ជាយោធា និងមានសិទ្ធអាចរៀបការនៅក្នុងវិហារ St. Paul’s Cathedral រួមជាមួយនឹងការរស់នៅស្របច្បាប់កសាងគ្រួសារមានកូនទៅថ្ងៃអនាគត។​ ជាពិសេសនោះគឺ នាងអាចប្រគល់និមិត្ត​សញ្ញា​នេះឲ្យគ្រួសារ​បន្ត​ថែមទៀត។

យ៉ាងណាមិញ អ្នកលេងអ៊ីនធឺណេតកូរ៉េមានការចាប់អារម្មណ៍ជាខ្លាំង ចំពោះឋានៈដ៏សំខាន់នេះដែលផ្តល់ឲ្យ Rose ដោយប្រដូចនាងទៅនឹងរាជវង្សពិត និងរំលឹកពីពេលវេលាជាច្រើនដែលសមាជិក BLACKPINK ត្រូវបានគេហៅថាជាមហាក្សត្រី។ ក្នុងនោះពួកគេមានការចាប់អារម្មណ៍ជាពិសេសចំពោះពិធីមង្គលការដ៏មានសក្តានុពលរបស់នាងនៅឯវិហារ St. Paul’s ជាប្រវត្តិសាស្ត្រ ដែលជាកន្លែងដ៏ល្បីល្បាញសម្រាប់រៀបចំពិធីមង្គលការរបស់ព្រះអង្គម្ចាស់ Charles III និងម្ចាស់ក្សត្រី Diana តែប៉ុណ្ណោះ។

សូមបញ្ចាក់ថា កាលពីថ្ងៃទី២២ ខែវិច្ឆិកា ឆ្នាំ ២០២៣ ស្តេច Charle បានព្រះរាជទានពានរង្វាន់កិត្តិយស Member of the Most Excellent Order of the British Empire (MBE) ជូនដល់សមាជិកទាំងបួនរបស់ BLACKPINK ក្នុងតួនាទីរបស់ពួកគេរៀងៗខ្លួន៕

ប្រែសម្រួល៖ សាង ​ស្រីល័ក្ខ

ចុចអាន៖ស្ដេច Charles ព្រះរាជទានពានរង្វាន់កិត្តិយសដែលមិនមែនគ្រប់គ្នាសុទ្ធតែទទួលបានទៅឲ្យ Blackpink