ជីវិតកម្សាន្ដ

ខួបកំណើតម្ដាយឆ្នាំនេះ Mai Davika យកក្រុមល្ខោនយីកេមកសម្ដែងដល់ផ្ទះ

បានផុស

១ year មុន

នៅ

ថ្ងៃសៅរ៍ ២៥ វិច្ឆិកា ២០២៣

ដោយ

តារាសម្ដែងនិងម៉ូដែល Mai Davika បានបង្កើតការភ្ញាក់ផ្អើលនិងពញ្ញាក់អារម្មណ៍អ្នកម្ដាយជាទីស្រលាញ់ក្នុងថ្ងៃកំណើត កាលពីថ្ងៃសុក្រ ទី២៤ ខែវិច្ឆិកា ឆ្នាំ២០២៣ ដោយនាងបានជួលក្រុមល្ខោនយីកេដែលអ្នកមានគុណចូលចិត្តមកសម្ដែងដល់ផ្ទះ។

ក្រៅពីជួលក្រុមល្ខោនយីកេមកសម្ដែងក្នុងផ្ទះ Mai Davika ក៏បានតុបតែងខ្លួននាងផ្ទាល់ជាតួល្ខោនពណ៌ខៀវខ្ចី ដើម្បីឲ្យថ្ងៃកំណើតរបស់អ្នកម្ដាយកាន់តែប្លែកអារម្មណ៍ ព្រមទាំងបង្ហាញការដឹងគុណដល់រូបគាត់ថែមទៀតផង។

តាមរយៈការបង្ហោះរូបភាពច្រើនសន្លឹកក្នុងបណ្ដាញសង្គម Instagram តារាសម្ដែងស្រីរូបនេះបានជូនពរនៅថ្ងៃខួបកំណើតរបស់ម្តាយរបស់នាងថា “Happy birthday Mommy @mommy.muay ឆ្នាំថ្មីនេះ ខ្ញុំចង់ធ្វើកម្មវិធីខួបកំណើតឲ្យម៉ាក់ Surprise។ តាំងពីក្មេងមក Mommy តែងនាំ Mai ទៅ មើលការសម្ដែងល្ខោន ប៉ុន្តែកូនមិនចាំច្បាស់ថាមានអាយុប៉ុន្មានទេ។ អាចថាប្រហែលអាយុ ៣ ឆ្នាំ កូនបានទៅមើលជាមួយម៉ាក់ជាញឹកញាប់។ ម៉ាក់ពិតជាចូលចិត្តមើលល្ខោន ហើយកាលពីខែមុនខ្ញុំនៅតែទៅមើលវាដដែល។ ដូច្នេះហើយទើបសម្រេចចិត្តថាឆ្នាំនេះ Mai នឹងនាំក្រុម Pornthepphonthawee ទៅសម្ដែងនៅផ្ទះតែម្ដង។ Mai បានទាក់ទងក្រុមល្ខោនអស់រយៈពេលប្រាំពីរខែ ដោយរក្សាការសម្ងាត់អស់រយៈពេលជាយូរដោយមិនឲ្យម្តាយដឹង។ ថ្ងៃនេះខ្ញុំឃើញម៉ាក់សប្បាយចិត្ត ខ្ញុំសប្បាយចិត្តណាស់ រីករាយថ្ងៃកំណើតម៉ាក់”។

យ៉ាងណាមិញ ក្រោយបង្ហោះរូបភាពគួរឲ្យស្រលាញ់នៅលើ IG មហាជនជាច្រើនបានចូលរួមបញ្ចេញមតិជូនពរថ្ងៃកំណើតដល់អ្នកម្ដាយរបស់តារាស្រី Mai ក្នុងនោះមានទាំងអ្នកសរសើរពីភាពគួរឲ្យស្រឡាញ់របស់កូនស្រី និងការដឹងគុណមួយ ដែលធ្វើឲ្យអ្នកម្ដាយរំភើបនិងសប្បាយចិត្តក្នុងថ្ងៃដ៏ពិសេស៕