Ahn Eun Jin វិះនឹងរបូតរ៉ូប ពេលកំពុងដើរ​លើ​កម្រាល​ព្រំ​ក្រហមទទួលពានរង្វាន់

ក្នុងអំឡុងពេលដើរលើកម្រាលព្រំក្រហមលើកទី៤៤ក្នុងកម្មវិធី Blue Dragon Film Awards ដែលធ្វើឡើងនៅថ្ងៃទី ២៤ ខែវិច្ឆិកា (ម៉ោងនៅកូរ៉េ) តារាសម្តែង Ahn Eun Jin ជួបប្រទះនឹងបញ្ហារ៉ូបវិះនឹងរបូតចេញពីខ្លួន។

ជាសំណាងល្អ ពិធីករនៅលើកម្រាលព្រំក្រហមបានជួយ Ahn Eun Jin យ៉ាងឆាប់រហ័ស ដោយបង្ហាញពីវិជ្ជាជីវៈរបស់ពួកគេ។ ស្របពេលដែលនៅថ្ងៃនោះតារាសម្ដែងរូបនេះ បានដើរលើកម្រាលព្រំក្រហមក្នុងសំលៀកបំពាក់ប្រាក់ ១០០លានវ៉ុន​ ដោយ​បាន​ធ្វើ​តាម​នីតិវិធី​​ឈរ​នៅ​ចំពោះ​មុខ​អ្នក​សារ​ព័ត៌មាន ​នាងបានកាន់​រូប​ភាព​ផ្សេងៗ​ប្រហែល​មួយ​នាទី។

ថ្វីត្បិតតែរ៉ូបរបស់នាងធ្លាក់ចុះបន្តិច ហើយបានបង្ហាញពីផ្នែកខ្លះនៃអាវទ្រនាប់ខាងក្នុងឲ្យឃើញច្បាស់។ ប៉ុន្តែអ្នកសម្របសម្រួលកម្មវិធីកម្រាលព្រំក្រហមបានមកជិតនាង ហើយជូនដំណឹងដល់នាងអំពីភាពមិនប្រក្រតីនេះ។ ពិធីករ​ទាំង​ពីរ​បាន​កាន់​កាត​ដើម្បី​បិទបាំង​ដើមទ្រូងរបស់ Ahn Eun Jin ភ្លាមៗ ដោយឲ្យនាងសម្រួល ឬលើករ៉ូបខិតមកខាងលើតាមវិញ។

យ៉ាងណាមិញ សម្រាប់ Ahn Eun Jin បានប្រកួតប្រជែងដណ្តើមពានរង្វាន់ឲ្យក្លាយជាតារាសម្តែងថ្មីល្អបំផុត ក្នុងកម្មវិធី ’44th Blue Dragon Awards ប៉ុន្តែពានរង្វាន់នេះត្រូវបានទៅលើGo Min Si ក្នុងភាពយន្ត Smugglers ទៅវិញ៕

ប្រែសម្រួល៖ សាង ស្រីល័ក្ខ