ជីវិតកម្សាន្ដ

ដល់ថ្ងៃកំណត់ហើយ តើក្រុមសម្តែង ទុំទាវ២០២១ អាចចូលខ្លួនបំភ្លឺតាមការកោះហៅដែរឬទេ

បានផុស

៤ years មុន

នៅ

ថ្ងៃពុធ ១០ កុម្ភៈ ២០២១

ដោយ

ទីបំផុតក្រុមសម្តែងរឿង ទុំទាវ២០២១ នៅវេលាម៉ោង៩ព្រឹកថ្ងៃទី១០ ខែកុម្ភៈ ឆ្នាំ២០២១នេះត្រូវដល់វេលាកំណត់ត្រូវចូលខ្លួនបំភ្លឺតាមការកោះហៅរបស់ក្រសួងវប្បធម៌និងវិចិត្រសិល្បៈចំពោះករណីដែលធ្វើឲ្យប៉ះពាល់ធ្ងន់ធ្ងរដល់វប្បធម៌ ប្រពៃណី និងសាសនាជាតិ។

បើយោងតាមសេចក្តីប្រកាសរបស់ក្រសួងបានបញ្ជាក់ថា ក្នុងករណីក្រុមសម្តែងរឿងទុំទាវ២០២១ មិនចូលខ្លួនបំភ្លឺតាមការកំណត់ក្រសួងនឹងបន្តនិតិវិធីចាត់ការតាមផ្លូវច្បាប់ ខណៈមហាជនចង់ឲ្យក្រុមនេះទទួលការពិន័យធ្ងន់ធ្ងរនិងទោសតាមច្បាប់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកបើតាមការឲ្យដឹងពីលោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គមបានបញ្ជាក់ដែរថា ករណីនេះគឺមិនអាចសុំទោសហើយរួចខ្លួននោះទេ ដូច្នេះសូមរង់ចាំមើលលទ្ធផលវេលាម៉ោង៩ព្រឹកនេះនៅក្រសួងវប្បធម៌។ ចំណែកមហាជននិងអ្នកគាំទ្រគិតរហូតមកទល់ពេលនេះនៅតែបន្តការរិះគន់ខ្លាំងហើយស្នើឲ្យក្រសួងត្រូវដាក់ពិន័យឲ្យធ្ងន់ធ្ងរលើក្រុមនេះ៕

អត្ថបទ ៖ ចាន់រ៉ា