​ភស្តុតាងបន្ថែមទៀតបញ្ជាក់ថា Dilraba មានទំនាក់ទំនងស្នេហាជាមួយ Johnny Huang ៣ ឆ្នាំហើយ

ក្នុងរយៈពេលជាង៣ ឆ្នាំកន្លងមកនេះ កម្មវិធី Showbiz របស់ចិនបានផ្ទុះឡើងជាមួយនឹងពាក្យចចាមអារ៉ាមថា Dilraba Dilmurat កំពុងមានទំនាក់ទំនងស្នេហាជាមួយ Johnny Huang ។ ពួកគេ​ត្រូវ​បាន​គេ​និយាយ​ថា​មាន​អារម្មណ៍លើគ្នា ​បន្ទាប់​ពី​សម្ដែង​ក្នុង​រឿង Love Designer កាលឆ្នាំ២០២០។ ​ចាប់​តាំង​ពី​ពេល​នោះ​មក អ្នក​ទាំង​ពីរ​មិន​បាន​ឆ្លើយ​តប​អ្វី​ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ០៤ ខែធ្នូ យោងតាម ​​QQ ប្រភពនៅក្នុងឧស្សាហកម្មកម្សាន្តបាននិយាយថា Dilraba Dilmurat បានមកទីក្រុងសៀងហៃ ប្រទេសចិន​ ដើម្បីជូនពរលោក Johnny Huang រីករាយថ្ងៃកំណើតនៅចុងខែវិច្ឆិកា។ អ្នកលេងអ៊ីនធឺណេតក៏បានរកឃើញពិតប្រាកដនៅក្នុងទីក្រុងដូចគ្នា ដូច​ពាក្យ​ចចាមអារ៉ាមធ្លាប់លេចឡើងកន្លងមក។

ក្នុងនោះផងដែរ អាសយដ្ឋាន IP បណ្តាញសង្គមរបស់ Dilraba ត្រូវបានគេនិយាយថាការផ្លាស់ប្តូរមិនធម្មតា ហើយមិនត្រូវគ្នានឹងកាលវិភាគការងារដែលបានផ្សព្វផ្សាយជាសាធារណៈរបស់តារាសម្តែងនោះទេ។ ដូច្នេះហើយ ទស្សនិកជនជាច្រើនសង្ស័យថា តារាសម្ដែងកើតឆ្នាំ ១៩៩២ កែទីតាំងរបស់នាង ពេលអាប់ដេតបង្ហោះលើ Weibo ដើម្បីលាក់បាំងរឿងស្នេហារបស់ខ្លួន។

ដោយឡែក កាលពីមុន Johnny និង Dilraba បានបង្ហាញភស្តុតាងជាច្រើនដែលបង្ហាញថាពួកគេស្រលាញ់គ្នា។ ក្នុងឈុត អ្នកទាំងពីរមានកាយវិការស្និទ្ធស្នាលជាច្រើនលើសពីមិត្តរួមការងារ។ តារាមួយគូដែលកើតក្នុងឆ្នាំ ១៩៩២ ត្រូវបានគេប្រទះឃើញជួលអង្គរក្សដូចគ្នា ធ្វើការជាមួយអ្នករចនាម៉ូដដូចគ្នា ឬបង្ហាញកន្លែងរស់នៅស្រដៀងគ្នា។

នៅខែតុលា ឆ្នាំ ២០២០ លោក Johnny និង Dilraba ត្រូវបានលាតត្រដាងចំពោះភស្តុតាងនៃការពាក់ខ្សែកដូចគ្នា។ ការ​រចនា​ខ្សែដៃ​មាន​លក្ខណៈ​ស្រដៀង​នឹង​លេខ​៨ អាន​ថា បាបា ជា​ឈ្មោះ​ដូចគ្នា​នឹង Dilraba។ នៅដើមឆ្នាំ ២០២៣ ប្រភពមួយបាននិយាយថា Johnny និង Dilraba បានទៅអឺរ៉ុបដើម្បីធ្វើដំណើរជាមួយគ្នា។ ទស្សនិកជន​ម្នាក់​អះអាង​ថា​បាន​ជួប​នាងដោយ​ចៃដន្យ​នៅ​សារមន្ទីរ Louvre ក្នុង​ប្រទេស​បារាំងថែមទៀតផង។

ថ្មីៗ​នេះ ព័ត៌មាន​ស្នេហា​របស់ Dilraba និង Dilraba ម្តង​ហើយ​ម្តង​ទៀត​បាន​ក្លាយ​ជា​ប្រធាន​បទ​ពិភាក្សា​កំពូល១ នៅ​លើ​បណ្ដាញ​សង្គម Weibo។ ស្របពេលដែលនាងនៅតែជាប់ពាក់ព័ន្ធនឹងពាក្យចចាមអារ៉ាមថាមានផ្ទៃពោះ និងសម្រាលកូនជាមួយ​ Johnny ។ ទោះ​ជា​យ៉ាង​ណា ​ក្រុមហ៊ុន​គ្រប់គ្រង​សិល្បករ​ទាំង​ពីរ​មិន​បាន​និយាយ​ចេញ​ទេ។ ដូច្នេះហើយ អ្នកលេងអ៊ីនធឺណេតជឿថា ទំនាក់ទំនងរបស់គូស្នេហ៍មួយគូនេះ លើសពីមិត្តភាពទៅទៀត។

រឿងរ៉ាវ​ស្នេហា​របស់ Dilraba និង Johnny ត្រូវ​បាន​អ្នក​គាំទ្រ​របស់​តារា​សម្ដែង​រូប​នេះ​ជំទាស់​យ៉ាង​ខ្លាំង។ ពួកគេបានរិះគន់ Johnny ថាមានបុគ្គលិកលក្ខណៈមិនល្អ និងមិនសក្តិសមនឹង Dilraba ។ Johnny បានជាប់ពាក់ព័ន្ធក្នុងរឿងអាស្រូវអាពាហ៍ពិពាហ៍សម្ងាត់ រំលោភបំពាន និងក្បត់អតីតប្រពន្ធរបស់គាត់។

ទោះយ៉ាងណាក៏ដោយ ដោយសារតែរឿងអាស្រូវជីវិតឯកជនរបស់គ្រួសារខាងប្រុស ធ្វើឲ្យអ្នកសិល្បៈទាំងពីរមានអាជីពសិល្បៈរីកចម្រើន មិនចង់បាត់បង់អ្នកគាំទ្រច្រើន ទើបបណ្ដាញសារព័ត៌មានថា គូស្នេហ៍មួយគូនេះជ្រើសរើសស្រលាញ់គ្នាស្ងាត់ៗ៕

ប្រែសម្រួល៖ សាង ស្រីល័ក្ខ

ចុចអាន៖​ទស្សនិកជននៅតែចាត់ទុកតួ ម៉ារីម៉ា ជាស្រីស្អាត​បំផុត​នៅ​ហ្វីលីពីន ទោះមានវ័យកៀក ៤០ ឆ្នាំក្ដី