ជីវិតកម្សាន្ដ

Lee Jong Suk លក់អាគារមួយចេញក្នុងតម្លៃ ៣,២លានដុល្លារ ក្រោយជាម្ចាស់កម្មសិទ្ធិអស់ ៤ឆ្នាំ

បានផុស

៤ years មុន

នៅ

ថ្ងៃពុធ ១០ កុម្ភៈ ២០២១

ដោយ

យោងតាមរយៈសារព័ត៌មានកូរ៉េ បានចុះផ្សាយឱ្យដឹងតារាសម្ដែងប្រុសរូបសង្ហា Lee Jong Suk បានលក់អាគារមួយកន្លែងរបស់លោកដែលមានទំហំ ១៥៤.៨៨ ម៉ែត្រក្រឡា (១.៦៦៧ ហ្វីតការ៉េ) កាលពីដើមខែ នៅឯតំបន់ Hannam-dong ទីក្រុងសេអ៊ូល ដែលប្រជុំដោយអ្នកអភិជនរស់នៅ ត្រូវបានលក់ក្នុងតម្លៃ ៣,៥៩ ពាន់លានវ៉ុន (៣,២ លានដុល្លារអាមេរិក)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រឡប់មករម្លឹកសារជាថ្មីម្ដងទៀត តារាសម្ដែងប្រុសរូបនេះ បានទិញអាគារមួយនេះទុកជាទ្រព្យសម្បត្តិផ្ទាល់ខ្លួន ក្នុងឆ្នាំ ២០១៨ ក្នុងតម្លៃប្រមាណ ៣ ពាន់លានវ៉ុន (២,៦៨ លានដុល្លារអាមេរិក)។ រហូតមកដល់ពេលនេះមានសេចក្តីរាយការណ៍មកថា តារាសម្ដែងប្រុសរូបនេះ មិនមានឈ្មោះក្នុងបញ្ជីកម្មសិទ្ធិលើអចលនទ្រព្យនោះទៀតនោះទេ ព្រោះវាត្រូវបានកែសម្រួលជាបញ្ជីផ្ទេរសិទ្ធិកាន់កាប់ថ្មី។

ទោះបីជាមានព័ត៌មានចុះផ្សាយពីអាគាររបស់លោកត្រូវបានលក់ចេញយ៉ាងណាក៏ដោយ ក្នុងឆ្នាំ ២០២០ នេះ ក៏លោកមិនបានបាត់បង់ទ្រព្យការវិនិយោគសរុបនោះទេ។ ថែមទាំងទទួលបានប្រាក់ចំណេញដល់ ២,០៥ ពាន់លានវ៉ុនកូរ៉េ (១,៨ លានដុល្លារអាមេរិក) ពីអាគារដែលលោកបានលក់ថែមទៀត ក្រោយកាន់កាប់បាន ៤ឆ្នាំ។ ទន្ទឹមនឹងនេះដែរ Lee Jong Suk បានប្រកាសវិលចូលសិល្បៈវិញក្នុងឆ្នាំ ២០២១នេះ បន្ទាប់ពីរំសាយចេញពីយោធាកាលពីថ្ងៃទី ២ ខែមករាកន្លងទៅ៕

ផ្ដល់អត្ថបទដោយ៖Porman

ចុចអាន៖Lisa សមាជិក BLACKPINK កំពុងរងការវាយប្រហារពីការរើសអើងជាតិសាសន៍

ចុចអាន៖តាមពិត តារាប្រុសកូរ៉េរូបសង្ហាទាំងនេះ ជាអាយដលសំណព្វចិត្តរបស់តារាស្រីថៃ ៦ដួងនេះសោះ