ជីវិតកម្សាន្ដ

ពេជ្រ សោភា រងការជេរប្រមាថមើលងាយពីបុរសម្នាក់

បានផុស

១ year មុន

នៅ

ថ្ងៃសៅរ៍ ៩ ធ្នូ ២០២៣

ដោយ

កំពូលតារាចម្រៀងអ្នកនាង ពេជ្រ សោភា សុខៗ ស្រាប់តែលេចមុខបុរសម្នាក់ ផ្ញើសារជេរប្រមាថមើលងាយយ៉ាងធ្ងន់ធ្ងន់ដោយមិនដឹងមូលហេតុ បង្កការភ្ញាក់ផ្អើលដល់មហាជនអ្នកគាំទ្រ និងអ្នកប្រើប្រាស់បណ្ដាញសង្គមហ្វេសប៊ុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈខ្លឹមសារដែលត្រូវបានម្ចាស់គណនីហ្វេសប៊ុកឈ្មោះ Som Nang ប្រើសម្តីមិនសមរម្យដោយការជេរប្រមាថតារាចម្រៀង ពេជ្រ សោភា បាននិយាយដោយខ្លីថា «មីសំផឹង មីឆ្កែ…»។ យ៉ាងណាមិញ ភ្លាមៗ គេឃើញ ពេជ្រ សោភា បានតបយ៉ាងត្រជាក់ និងចិត្តធ្ងន់ថា «សួស្តីអូន ! ឥឡូវនឹង បង កំពុងរវល់ជាមួយការងារ សុំទោសដែលឆ្លើយតបទៅវិញយឺត….»។

ដោយឡែកបន្ទាប់មកទៀត តារាចម្រៀងអ្នកនាង ពេជ្រ សោភា បានបង្ហោះភ្ជាប់ខ្លឹមសាររបស់បុរសនោះ ដោយនាងសរសេរថា «មិនខឹងទេ ព្រោះមិនដែលស្គាល់ផង គ្រាន់ឆ្ងល់ថា កើតអ្វីនៅក្នុងខ្លួន? អូនជាមនុស្សប្រុសណា ត្រូវចាំ ស្រីៗ មុនស្រលាញ់គាត់គួរគិតសិន មើលមុខហើយទៅ»។ យ៉ាងណា គេមិនទាន់ដឹងទេថា តើ ពេជ្រ សោភា នឹងមានវិធានការផ្លូវច្បាប់(ប្តឹង)លើបុគ្គលរូបនោះ ឬយ៉ាងណាទេ?។

តាមរយៈការបញ្ចេញមតិពីសំណាក់បុរសខាងលើនេះ បានធ្វើឲ្យមហាជនជាច្រើននាក់សម្តែងការមិនពេញចិត្តឡើយ ខណៈមានអ្នកគាំទ្រច្រើនទៀត បាននាំគ្នាចូលទៅធ្វើការខំមិនពីក្រោម ដោយម្នាក់ៗ បានលើកទឹកចិត្ត និងសរសើរចំពោះភាពអត់ធ្មត់របស់អ្នកនាង ពេជ្រ សោភា ដែលធ្វើការឆ្លើយតបដោយចិត្តត្រជាក់ទៅលើបុរសរូបនោះ៕

អត្ថបទ ៖ ចាន់រ៉ា