ជីវិតកម្សាន្ដ

ស្នេហា៤ឆ្នាំរបស់ Cheer និងមិត្តប្រុសហៃសូ ពេលនេះបន្សល់ទុកត្រឹមមិត្តភាព

បានផុស

១២ ខែ មុន

នៅ

ថ្ងៃចន្ទ ១១ ធ្នូ ២០២៣

ដោយ

ជាដំណឹងមួយដ៏គួរឲ្យភ្ញាក់ផ្អើលក្នុងវិស័យកម្សាន្តថៃមុនដំណាច់ឆ្នាំ២០២៣ ចំពោះដំណឹងនៃការបែកបាក់របស់គូស្នេហ៍តារាសម្ដែងស្រី Cheer Thikumporn និងមិត្តប្រុស Hi-So Big Bencharongkul បន្ទាប់ពីពួកគេទាំងពីរបានរួមរស់ជាមួយគ្នាអស់យៈពេល៤ឆ្នាំ ស្របពេលដែលមហាជនជាច្រើន ក៏កំពុងរង់ចាំដំណឹងល្អពីគូនេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ កន្លងមកមានព័ត៌មានទាក់ទងនឹងរឿងស្នេហារបស់គូស្នេហ៍មួយគូនេះថា បានបែកបាកគ្នាជាយូរណាស់មកហើយ។ ប៉ុន្តែក្រោយមកស្រាប់តែពួកគេបានចេញមុខទម្លាយព័ត៌មាននៃការបែកបាក់ស្នេហា ជាមួយរូបភាពផ្អែមល្ហែម រហូតមកដល់ពេលថ្មីៗនេះ តារាសម្តែងនិងពិធីការិនី Boom Supaporn បាននិយាយក្នុងកម្មវិធី Tour of Malong ថា គូស្នេហ៍មួយគូនេះបានសម្រេចចិត្តចែកផ្លូវគ្នា នៅសល់តែមិត្តភាពល្អប៉ុណ្ណោះ។

ពិធីការិនី ស្រីរូបនេះបានបញ្ចាក់ច្បាស់ៗថា “ព័ត៌មាននេះត្រូវបានគេដឹងពីមុនមក! ពួកគេបានបង្កជម្លោះជាមួយគ្នាកាលកន្លងមក។ តាមពិតអ្នកទាំងពីរបានស្គាល់គ្នារយៈពេល៦ឆ្នាំ ហើយពិតជាបានរួមរស់ជាមួយគ្នាប្រហែល៤ឆ្នាំកន្លះ តែយ៉ាងណា ស្ថានភាពរបស់ពួកគេពេលនេះបានបញ្ចប់ នឹងនៅតែចាត់ទុកគ្នាជាមិត្តធម្មតា”។

យ៉ាងណាមិញ បើទោះជាមានព័ត៌មានលេចឮពីទំនាក់ទំនាក់ទំនង៤ឆ្នាំរបស់ Cheer Thikumporn និងមិត្តប្រុសដែលជាអ្នកស្នងមរតករបស់គ្រួសារអ្នកជំនួញដ៏ល្បីល្បាញ Hi-So Big Bencharongkul ប្រែជាប្រេះឆាកក្ដី។ ទស្សនិកជនមានតែរង់ចាំតារាសម្ដែងស្រីរូបនេះ ចេញមកផ្ដល់បទសម្ភាសន៍ឲ្យកាន់តែច្បាស់ និងដូចពាក្យចចាមអារ៉ាមដូចគេចុះផ្សាយឬអត់៕