សមាជិក BLACKPINK ទាំង៤រូប ជាប់ឈ្មោះក្នុងចំណោមអ្នកមានឥទ្ធិពលម៉ូដឆ្នាំ ២០២៣

កាលពីពេលថ្មីៗនេះ Lefty បានបង្ហាញបញ្ជីឈ្មោះរបស់ខ្លួននៃកំពូលអ្នកបង្ហាញម៉ូដឆ្នើមប្រចាំឆ្នាំ២០២៣ ហើយសមាជិក BLACKPINK ដែលមានដូចជា Jisoo, Jennie, Rosé និង Lisa បានឈានមុខគេក្នុងពិភពម៉ូដទាំងអស់បានចូលក្នុងបញ្ជីឥទ្ធិពល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្អែកលើរង្វាស់ដូចជា EMV (Earned Media Value) និង ER (អត្រាការចូលរួម) Lefty បានបញ្ចាក់អំពីឥទ្ធិពលដ៏គួរឲ្យចាប់អារម្មណ៍ដែលសមាជិក BLACKPINK នីមួយៗមានរៀងៗខ្លួន។

ចំពោះអ្នកដែលដណ្តើមបានចំណាត់ថ្នាក់លេខ២ បានទៅលើ Jennie ដែលមាន EMV ចំនួន ៣១៥ លានដុល្លារ និង ER ចំនួន ៨.៥ភាគរយ ។ តាមពីក្រោយយ៉ាងប្រកៀកក្នុងចំណាត់ថ្នាក់លេខ ៤ គឺ Rosé ដោយទទួលបាន EMV ២៤៦ លានដុល្លារ និង ER ៧.៤ភាគរយ ។

ដោយឡែក Jisoo វិញបានជាប់ចំណាត់ថ្នាក់ទី ៥ ជាមួយនឹង EMV ២១៣លានដុល្លារ និង ER ៧.៧ភាគរយ ស្របពេលដែល Lisa ទទួលបានចំណាត់ថ្នាក់ទី ៧ ជាមួយនឹងពី EMV ចំនួន១៣៤ លានដុល្លារ និង ER ៧.២ភាគរយ ឯណោះ។

យ៉ាងណាមិញ ឥទ្ធិពលរបស់ Jisoo, Jennie, Rosé និង Lisa មានលើទិដ្ឋភាពនៃវិស័យម៉ូដនៃសំលៀកបំពាកលើ Instagram គឺមិនអាចប្រកែកបានឡើយនាបច្ចុបន្បន្ននេះ។ ដូច្នេះមិនមែនជារឿងចម្លែកឡើយ ទាក់ទងនឹងតារាស្រីមកពីក្រុម BLACKPINK ក្លាយជាបុគ្គលមានឥទ្ធិពលម៉ូដក្នុងឆ្នាំ ២០២៣៕

ប្រែសម្រួល៖ សាង ស្រីល័ក្ខ

ប្រភព៖koreaboo

ចុចអាន៖Dispatch ទម្លាយស្ថានភាពកិច្ចសន្យាផ្ទាល់ខ្លួនរបស់ BLACKPINK ជាមួយ YG