ជីវិតកម្សាន្ដ

G-Dragon បង្ហាញស្ថានភាពផ្ទាល់ខ្លួន ក្រោយជួបរឿងអាស្រូវគ្រឿងញៀន

បានផុស

១ year មុន

នៅ

ថ្ងៃចន្ទ ១១ ធ្នូ ២០២៣

ដោយ

តារាចម្រៀង Kwon Ji-yong ឬ G-Dragon បានចែករំលែកពីស្ថានភាពបច្ចុប្បន្នរបស់លោកនៅថ្ងៃទី ១១ ខែធ្នូ ដោយបានបញ្ចេញរូបថតនៃជីវិតប្រចាំថ្ងៃបង្ហាញដល់អ្នកគាំទ្រឲ្យបានដឹង ក្រោយប៉ូលិសតេស្តរកសារធាតុគ្រឿងញៀនមិនឃើញកាលកន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការបង្ហោះលើ SNS របស់អតីតសមាជិកក្រុម BigBang រូបនេះបានបង្ហាញពីទិដ្ឋភាពនៃជីវិតប្រចាំថ្ងៃរបស់ របស់លោក ដូចជាការកាត់សក់ និងការសរសេរជាដើម។ ក្នុងនោះផងដែរ រូបថតរបស់លោកបានទាក់ទាញទស្សនិកជនទូទាំងពិភពលោក ក្នុងពេលដែលលោកបានបង្ហាញពីអារម្មណ៍ផ្ទាល់ខ្លួនប្រាប់ទៅកាន់អ្នកគាំទ្រ។

G-Dragon បានសរសេរខេបសិនបញ្ចាក់ពីអារម្មណ៍ថា “បើទោះបីជាវាហាក់ដូចជាបញ្ហាចំពោះអ្នកដទៃក៏ដោយ បើវាមិនមែនជាបញ្ហាសម្រាប់ខ្ញុំ ចម្លើយនឹងខុសគ្នា។ ប្រសិនបើខ្ញុំត្រូវរស់នៅក្នុងជីវិតរបស់ខ្ញុំ ចម្លើយគឺថាខ្ញុំជានរណាពេលនេះ។ ខ្ញុំមិនទាន់ដឹងថាអ្នកណាត្រូវឬខុសទេ។ ពេលនេះស្តង់ដាររបស់ខ្ញុំកាន់តែរឹងមាំ ខ្ញុំមិនដាក់ខ្លួនខ្ញុំទៅនឹងស្ថានភាពរបស់អ្នកដ៏ទៃ ឬត្រូវបានគេធ្វើខុសនោះទេ។ មិនថាការខ្វល់ខ្វាយរបស់នរណាម្នាក់ចំពោះអ្នកដោយស្មោះប៉ុណ្ណា ឬជីវិតរបស់អ្នកមើលទៅខាងក្រៅយ៉ាងណានោះទេ អ្វីដែលសំខាន់បំផុតនោះគឺថាអ្នកស្គាល់ខ្លួនឯង”។

ក្នុងនោះថែមទៀត G-Dragon បានចែករំលែកសម្រង់សម្ដីដ៏មានអត្ថន័យ ចែកជូនដល់អ្នគគាំត្រដ៏ស្មោះស័គ្រ្មរបស់លោកថា “អ្នកដែលមិនដឹង មិននិយាយ! អ្នកដែលនិយាយ គឺមិនដឹង”។

សូមរម្លឹកដែរថា G-Dragon ទើបត្រូវបានគេចោទប្រកាន់ពីបទប្រើប្រាស់គ្រឿងញៀន ដោយអះអាងពីភាពគ្មានកំហុសរបស់ខ្លួន លោកបានស្ម័គ្រចិត្តចូលប៉ុស្តិ៍ប៉ូលិសដើម្បីធ្វើតេស្តរកសារធាតុញៀន។ បន្ទាប់ពីការធ្វើតេស្តបឋម សេវាកោសល្យវិច្ច័យជាតិ (NFS) បានធ្វើការវិភាគលម្អិតនៃសំណាកសក់ និងក្រចក ទាំងបង្ហាញលទ្ធផលអវិជ្ជមាននៃសារធាតុគ្រឿងញៀន ហើយក៏បង្ហាញថាលោកមិនមានកំហុសឡើយ។

ជាងនេះទៅទៀត កាលពីប៉ុន្មានថ្ងៃមកនេះ មានសេចក្តីរាយការណ៍ថា G-Dragon កំពុងពិភាក្សាលើកិច្ចសន្យាផ្តាច់មុខជាមួយក្រុមហ៊ុន Galaxy Corporation (Galaxy) ដោយបង្ហាញប្រាប់ពីការត្រលប់មកវិញរបស់លោក ក្នុងនាមជាតារាចម្រៀងអាជីព៕

ប្រែសម្រួល៖ សាង ស្រីល័ក្ខ

ប្រភព៖korea.postsen

ចុចអាន៖សមាជិក BLACKPINK ទាំង៤រូប ជាប់ឈ្មោះក្នុងចំណោមអ្នកមានឥទ្ធិពលម៉ូដឆ្នាំ ២០២៣