ជីវិតកម្សាន្ដ

សាយ សឹងមិនជឿថា ទិវារត់ប្រណាំងអន្តរជាតិពាក់កណ្ដាលម៉ារ៉ាតុងឆ្នាំនេះ មានអ្នកចូលច្រើនលើការរំពឹង

បានផុស

១ year មុន

នៅ

ថ្ងៃចន្ទ ១១ ធ្នូ ២០២៣

ដោយ

តារាចម្រៀង Original Song លោក អ៊ួន បឋម ហៅ សាយ បានសម្តែងក្តីរំភើបខ្លាំង ខណៈដែល “ទិវារត់ប្រណាំងអន្តរជាតិពាក់កណ្ដាលម៉ារ៉ាតុងនៅអង្គរវត្ត” ឆ្នាំនេះមានអ្នកមកពីជុំវិញពិភពលោកបានមកចូលចូលរួមក្នុងព្រឹត្តិការណ៍មួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាយ បានថ្លែងឲ្យ«កម្ពុជាថ្មី» ដឹងពីអារម្មណ៍ផ្ទាល់ ខ្លួនថា លោកមិននឹកស្មានថាឆ្នាំនេះពិតជាមានអ្នកមកចូលរួមរត់ច្រើនមែននៅក្នុងទិវារត់ប្រណាំងអន្តរជាតិពាក់កណ្ដាលម៉ារ៉ាតុងនៅអង្គរវត្ត។

សាយ បញ្ជាក់ដែរថា «មនុស្សម្នាប្រមាណជាង ១ម៉ឺននាក់មានទាំងភ្ញៀវជាតិ-អន្តរជាតិមកពីជាង ៧០ប្រទេស ជុំវិញពិភពលោកបានមកចូលចូលរួម។ ខ្ញុំពិតជាមានអារម្មណ៍រំភើប និងសប្បាយចិត្តនៅពេលដែរបានឃើញខេត្តសៀមរាប ជាពិសេសតំបន់អង្គរមានភ្ញៀវអ៊ូអរកុះករឡើងវិញ»។

តារាចម្រៀង សាយ បានបន្ថែមថា «សូមអរគុណដល់អ្នករៀបចំកម្មវិធី ក៏ដូចជាម្ចាស់ឧបត្ថម្ភធំដែលបានរៀបចំព្រឹត្តិការណ៍នេះឡើងធ្វើឲ្យទីក្រុងសៀមរាប ក៏ដូចជាអង្គរវត្តមានសភាពរស់រវើកបែបនេះ»។

សូមបញ្ជាក់ថា ទិវារត់ប្រណាំងអន្ដរជាតិពាក់កណ្ដាលម៉ារ៉ាតុងលើកទី២៨ នៅមុខប្រាសាទអង្គរវត្ត ខេត្តសៀមរាប គឺបានចាប់ផ្ដើមជាផ្លូវការកាលពីថ្ងៃទី០៣ ខែធ្នូ ឆ្នាំ២០២៣ ដោយមានអ្នកចូលរួមសរុប ១០,១៥៤នាក់ ដែលកើនឡើងប្រមាណ ៤០% បើធៀបនឹងកាលពីឆ្នាំ២០២២ ៕

អត្ថបទ៖ ចាន់រ៉ា