ជីវិតកម្សាន្ដ

លោក សុះ ម៉ាច ប្រកាសឲ្យប្រុងប្រយ័ត្ន ខណៈ Account Facebook ត្រូវជនខិលខូចលួចគ្រប់គ្រង

បានផុស

១ year មុន

នៅ

ថ្ងៃអង្គារ ១២ ធ្នូ ២០២៣

ដោយ

មហាជនច្បាស់ជាបានជ្រាបហើយពីវត្តមានរបស់លោក សុះ ម៉ាច ដោយគិតមកទល់ពេលនេះ លោកបានចូលប្រឡូកក្នុងអាជីពសិល្ប:ជាអ្នកចម្រៀងមានរយ:ពេលជាច្រើនឆ្នាំមកហើយ ខណៈដែលប្រជាប្រិយភាព និងភាពល្បីល្បាញរបស់លោក គឺនៅតែរក្សាបានដូចដើមពោលពុំមានការចុះថមថយនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងអាជីពជាអ្នកចម្រៀងច្រើនឆ្នាំមកនេះតារាចម្រៀងជើងចាស់រូបនេះក៏ធ្លាប់កាន់ការងារជាប្រធានសមាគមសិល្បករខ្មែរចំនួន ២អាណត្តិផងដែរ។ ទោះបីយ៉ាងណាថ្មីៗនេះ ស្រាបតែលោកបានប្រកាសយ៉ាងភ្ញាក់ផ្អើលឲ្យអ្នកគាំទ្រមានការប្រុងប្រយ័ត្ន ខណៈ Account Facebook ត្រូវជនខិលខូចលួចគ្រប់គ្រងក្នុងចេតនាប្រព្រឹត្តរឿងមិនល្អ។

លោក សុះ ម៉ាច បានលើកឡើងថា «តើអ្នកព្យាយាម Hack Facebook របស់ខ្ញុំដើម្បីអ្វី?ខ្ញុំសូមសរសើរដែលអ្នកអាចធ្វើបានសម្រេច។ សូមប្រិយមិត្ត បងប្អូនមេត្តាកុំយល់ច្រឡំ ប្រសិនបើ Account នេះសរសេរ ឬក៏បង្ហោះរូបភាពអ្វីដែលប្រាសចាកនូវសីលធម៌ សុជីវធម៌ និងច្បាប់សង្គមជាតិនោះមិនមែនជាខ្ញុំនោះទេ»។

តារាចម្រៀងលោក សុះ ម៉ាច បានបញ្ជាក់បន្ថែមថា គណនី Facebook លោកពេលនេះត្រូវបានអ្នកដទៃគ្រប់គ្រងទៅហើយ ដូច្នេះលោកក៏នឹងឈប់ប្រើតទៅទៀតដែរ។ ជាមួយគ្នានេះលោក សុះ ម៉ាច នៅតែទទូចស្នើដល់មហាជន អ្នកគាំទ្រ ឲ្យមានការប្រុងប្រ័ត្នខ្ពស់លើករណីនេះផងដែរ។

គួរបញ្ជាក់ថា លោក សុះ ម៉ាច កន្លងមក គឺជាអតតីប្រធានសមាគមសិល្បករខ្មែរ ២អាណត្តិ និងតារាចម្រៀងជើងចាស់ដ៏មានប្រជាប្រិយភាពរហូតមកដល់ពេលបច្ចុប្បន្ន។ លោក សុះ ម៉ាច បានជាប់ឈាមជ័រជាអ្នកសិល្បៈ ព្រោះលោកគឺត្រូវជាកូនប្រុសបង្កើតរបស់លោក តាសុះ ម៉ាត់ តារាចម្រៀងល្បីនិងសម្បូរស្នេហ៍ក្នុងទសវត្សរ៍ឆ្នាំ៦០-៧០៕

អត្ថបទ៖ ចាន់រ៉ា