ព័ត៌មានដែលថាតារាជើងចាស់ហុងកុង Zhou Hai Mei ​ ទទួល​មរណភាព​គឺជាការពិត

បន្ទាប់ពីមានពាក្យចចាមអារ៉ាមថាអតីតតារាសម្តែងដ៏ល្បីល្បាញ Zhou Hai Mei ឬ Cathy Zhou បាន​ស្លាប់ រឿងនេះបានបង្កការភ្ញាក់ផ្អើលយ៉ាងខ្លាំងដល់អ្នកគាំទ្រ រហូតដល់អ្នកស្និទ្ធស្នាលចេញមុខបដិសេធថាមិនមែនជាការពិតឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមកតារាសម្ដែងជើងចាស់រូបនេះបាន​សារភាព​ថា គាត់​មាន​ជំងឺ​សន្លប់។ ដោយសារតែគាត់សន្លប់នៅក្នុងផ្ទះ ហើយកំពុងសម្រាកព្យាបាលនៅមន្ទីរពេទ្យនូវឡើយទេ។

ទោះយ៉ាងណាក៏ដោយ កាលពេលថ្មីៗនេះ ភ្នាក់ងាររបស់ស្ទូឌីយោបានចេញសេចក្តីថ្លែងការណ៍មួយកាលពីថ្ងៃទី ១២ ខែធ្នូ ដោយបញ្ជាក់ជាផ្លូវការថាតារាសម្ដែង Zhou Hai Mei បានទទួលមរណភាពកាលពីថ្ងៃទី ១១ ខែធ្នូ។ មូលហេតុនៃការស្លាប់គឺបណ្តាលមកពីការមិនឆ្លើយតបទៅនឹងការព្យាបាល។

លើសពីនេះទៀត នៅមុនពេលគាត់ស្លាប់ ការអាប់ដេតចុងក្រោយនៅលើគណនី Douyin របស់គាត់គឺនៅថ្ងៃទី ០៨ ខែធ្នូដោយគាត់បានបង្ហោះរូបថតជាច្រើនសន្លឹកពីតួនាទីអតីតកាលសម្ដែងហើយសួរថា “តើអ្នកស្គាល់ខ្ញុំក្នុងរឿងអ្វី?”

សូមបញ្ចាក់ដែរថា Zhou Hai Mei ឬហៅកាត់ថា Cathy Zhou ជាភាសាអង់គ្លេស បច្ចុប្បន្នមានអាយុ ៥៧ ឆ្នាំ ជាតារាសម្តែងហុងកុងដ៏ល្បីល្បាញ ដែលកាលពីអតីតកាលធ្លាប់ល្បីខ្លាំងនៅអាស៊ី នៅចុងទស្សវត្សរ៍ឆ្នាំ១៩៨០ និងដើមទសវត្សរ៍ឆ្នាំ ១៩៩០ គាត់ត្រូវបានគេចាត់ទុកថាជាតួសម្តែងរឿងដ៏ល្បីល្បាញបំផុតទាំង ១០ នៅហុងកុងក្នុងរយៈពេល ៣ ឆ្នាំជាប់ៗគ្នា។ ​ក្នុងនោះផងដែរ គាត់ទទួលបានភាពល្បីល្បាញដោយសារតួនាទីរបស់ជា Zhou Zhiruo នៅក្នុងរឿងភាគ TVB ឆ្នាំ ១៩៩៤ រឿង The Heaven Sword និង Dragon Sabre ដែលជាការសម្របខ្លួននៃប្រលោមលោកក្បាច់គុនដែលសរសេរដោយអ្នកនិពន្ធប្រលោមលោក Louis Cha ៕

ប្រែសម្រួល៖ សាង ស្រីល័ក្ខ

ប្រភព៖The Star

ចុចអាន៖ជាប់ពន្ធនាគារ ​៥ ឆ្នាំ តារាចម្រៀង Jung Joon Young នឹងមានសេរីភាពវិញនៅឆ្នាំ ២០២៤