ជីវិតកម្សាន្ដ

Best និយាយទាំងទឹកភ្នែក ក្រោយឪពុកផ្ទុះរឿងអាស្រូវបៀតបៀនផ្លូវភេទលើក្មេងវ័យ១៧ឆ្នាំ

បានផុស

៦ ខែ មុន

នៅ

ថ្ងៃពុធ ១៣ ធ្នូ ២០២៣

ដោយ

តារាសម្ដែង Best Rakwanee Kamsing បានចេញមុខបើកចំហជាលើកដំបូងនៅចំពោះមុខក្រុមអ្នកសារព័ត៌មាន បន្ទាប់ពីឪពុករបស់នាងនិងជាអតីតអ្នកប្រដាល់លោក Somrak Kamsing ផ្ទុះនូវរឿងអាស្រូវរំលោភក្មេងអាយុ១៧ឆ្នាំកាលពីពេលថ្មីៗនេះ។

តួឯកស្រីក្នុងរឿង “បេះដូងអ្នកសង្រ្គោះ” និយាយទាំងទឹកភ្នែក នៅពេលរំលឹកពីរឿងឪពុករបស់នាងថា “គាត់ធ្វើខុស យើងមានតែរង់ចាំភស្តុតាងសិន។ ខ្ញុំទទួលស្គាល់ថាវាពិបាកណាស់ក្នុងការចេញមកនិយាយ។ តែបើប៉ាពិតជាខុស គាត់ត្រូវទទួលកំហុសមួយនេះ។ ហើយខ្ញុំព្រមទទួលស្គាល់ថា ប៉ាម៉ាក់ពិតជាលែងលះគ្នាមែន។ ប៉ុន្តែពួកគាត់នៅតែរស់ក្រោមដំបូលតែមួយដដែល។ ការលាតត្រដាងមួយនេះ វាជាបញ្ហាធ្ងន់ធ្ងរដែលខ្ញុំមិនគិតថានឹងកើតឡើងចំពោះគ្រួសារខ្ញុំទេ។ ប៉ុន្តែខ្ញុំត្រូវតែបន្តទៅមុខ និងលើកទឹកចិត្តគ្នាទៅវិញទៅមក សូមអរគុណដល់អ្នកទាំងអស់គ្នាដែលបានគាំទ្រ និងនៅក្បែរពួកយើង”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ Best បានបញ្ចាក់បន្ថែមទៀតថា នាងនិងគ្រួសារមានតែរង់ចាំមើលថា តើសំណុំរឿងមួយនេះ មេធាវីនឹងត្រូវដោះស្រាយបែបណា។ ទាំងនាងនិងគ្រួសារទាំងមូល មានតែត្រូវរង់ចាំអនុវត្តតាមនីតិវិធីច្បាប់ប៉ុណ្ណោះ។

ទោះយ៉ាងណាក៏ដោយ កូនស្រីអតីតម្ចាស់មេដាយមាសកីឡាប្រដាល់ស្ម័គ្រចិត្តអូឡាំពិកឆ្នាំ ១៩៩៦ រូបនេះបានខ្ទប់មុខយំបន្តិច ទើបន្ធូរអារម្មណ៍ហើយប្រាប់អ្នកសារព័ត៌មានបន្តទៀតថា “ក្រោយពេលកើតហេតុ ខ្ញុំនៅតែមិនបាននិយាយជាមួយប៉ារបស់ខ្ញុំទេ។ ខ្ញុំមិនដឹងថាគាត់មានអារម្មណ៍យ៉ាងណានោះទេ! ប៉ុន្តែគ្មាននរណាម្នាក់នៅគ្រប់ភាគីមានអារម្មណ៍ល្អអំពីរឿងអាស្រូវបែបនេះឡើយ។ មនុស្សគ្រប់គ្នាបានបាត់បង់អារម្មណ៍រួចទៅហើយ រួមទាំងអ្នករងរបួសផងដែរ។ ខ្ញុំចង់ឲ្យអ្នករាល់គ្នាបញ្ចេញយោបល់ដោយការលើកទឹកចិត្ត ជាជាងជាន់ពួកយើងបន្ថែម”។

សូមបញ្ចាក់ដែរថា ករណីមួយនេះបានក្លាយជារឿងកំពុងតែកក្រើកនៅក្នុងប្រទេសថៃ ហើយក៏បានក្លាយជារឿងដែលមនុស្សជាច្រើនចាប់អារម្មណ៍ និងតាមដានខ្លាំង។ ចំណែកក្រុមស៊ើបអង្កេតមួយ ត្រូវបានបញ្ជូនទៅកាន់តំបន់នោះ ដើម្បីប្រមូលព័ត៌មានពីកាមេរ៉ា CCTV ត្រៀមរៀបចំរបាយការណ៍ស៊ើបអង្កេតប្រមូលភស្តុតាងបន្ថែមទៀតផងដែរ៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖Best ត្រូវគេជេរប្រមាថយ៉ាងចាស់ដៃ ក្រោយឪពុកពាក់ព័ន្ធរឿងអាស្រូវរំលោភក្មេងអាយុ១៧ឆ្នាំ

ចុចអាន៖Ice និងម្ដាយ បង្ហោះសារប្លែកៗ អ្នកគាំទ្រចូលមកលើកទឹកចិត្តព្រោងព្រាត