ជីវិតកម្សាន្ដ

កាន់តែកៀកថ្ងៃ ! ហ៊ិន ច័ន្ទនីរ័ត្ន បញ្ចេញរូបថតប្រពៃណីកូនកម្លោះ-ក្រមុំ យ៉ាងស្អាត

បានផុស

១១ ខែ មុន

នៅ

ថ្ងៃព្រហស្បតិ៍ ១៤ ធ្នូ ២០២៣

ដោយ

គេចាំបានថា នៅថ្ងៃពិសេស សិរីសួស្ដីក្នុងពិធីពិសាស្លាដក់កន្សែង(ពិធីចូលស្តីដណ្តឹង) របស់ពិធីការិនី ហ៊ិន ច័ន្ទនីរ័ត្ន និងកម្លោះសង្ហា លោក ឌី ពេជ្រ មានការចូលរួមអបអរសាទរយ៉ាងច្រើនពីសំណាក់អ្នកគាំទ្រ និងសិល្បករ-សិល្បការិនីខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាដូចការកំណត់ នៅថ្ងៃទីថ្ងៃ ២២ ខែធ្នូ ឆ្នាំ ២០២៣ ខាងមុខនេះ គឺជាថ្ងៃពិសេស នៃសិរីសួស្ដីមង្គលអាពាហ៍ពិពាហ៍របស់ពិធីការិនី ហ៊ិន ច័ន្ទនីរ័ត្ន និងលោក ឌី ពេជ្រ ដែលគេរំពឹងថា ថ្ងៃមង្គលការ អ្នកទាំងពីរ បានអញ្ជើញភ្ញៀវចូលរួមយ៉ាងច្រើនកុះករផងដែរ។

តួយ៉ាងបើសង្កេតនៅលើទំព័រហ្វេសប៊ុករបស់ស្រីស្អាត ហ៊ិន ច័ន្ទនីរ័ត្ន កាន់តែកៀកថ្ងៃពិសេស នាងបានបញ្ចេញរូបថតប្រពៃណីកូនកម្លោះ-ក្រមុំយ៉ាងស្អាត បង្កការចាប់អារម្មណ៍ និងសរសើរដល់គូស្នេហ៍របស់អ្នកទាំងពីរ ទាំងស្អាត និងសមគ្នាខ្លាំង។ ក្នុងនោះ ក៏មានការអបអរ និងជូនពរពីសំណាក់អ្នកគាំទ្រចំពោះគូស្នេហ៍ពិធីការិនី ហ៊ិន ច័ន្ទនីរ័ត្ន និងលោក ឌី ពេជ្រ។

សូមបញ្ជាក់ដែរថា ពិធីការិនីសម្តីផ្អែម និងមានប្រជាប្រិយភាព កញ្ញា ហ៊ិន ច័ន្ទនីរ័ត្ន និងលោក ឌី ពេជ្រ បានរៀបចំពិធីពិសាស្លាដក់កន្សែង(ភ្ជាប់ពាក្យ)ជាផ្លូវការ កាលពីព្រឹកថ្ងៃទី ២៧ ខែតុលា ឆ្នាំ ២០២៣។ ពិធីភ្ជាប់ពាក្យរបស់កញ្ញា ហ៊ិន ច័ន្ទនីរ័ត្ន បានរៀបចំយ៉ាងអធិកអធមណាស់ ដោយមានការចូលរួមពីចាស់ទុំទាំងសងខាង និងមិត្តភ័ក្ដិសិល្បៈមួយចំនួនផងដែរ។ តាមរយៈរូបភាពដែលត្រូវបានចែកចាយនៅលើបណ្តាញសង្គមទទួលបានការសាទរ និងសរសើរពីសំណាក់មហាជនជាច្រើន។ រីឯពិធីមង្គលការរបស់ ហ៊ិន ច័ន្ទនីរ័ត្ន ត្រូវរៀបចំឡើងនៅថ្ងៃ ២២ ខែធ្នូ ឆ្នាំ ២០២៣ ខាងមុខនេះ៕

អត្ថបទ ៖ ចាន់រ៉ា