ជីវិតកម្សាន្ដ

Best បង្ហោះសារអរគុណបុរសពីរនាក់ ក្រោយឪពុកជួបរឿងអាស្រូវកេរ្តិ៍ខ្មាស់

បានផុស

១ year មុន

នៅ

ថ្ងៃព្រហស្បតិ៍ ១៤ ធ្នូ ២០២៣

ដោយ

បន្ទាប់ពីរឿងរ៉ាវដែលទាក់ទងនឹងឪពុក Somrak Khamsing នូវរឿងអាស្រូវបៀតបៀនផ្លូវភេទលើក្មេងស្រីអាយុ១៧ឆ្នាំ មហាជនជាច្រើនបានផ្ញើការគាំទ្រ និងលើកទឹកចិត្តដល់តារាស្រី Best Rakwanee Khamsing យ៉ាងច្រើន។

ជាមួយគ្នានេះដែរយោងតាមការចុះផ្សាយរបស់thairathបានបញ្ចាក់ពីការបង្ហោះរូបភាពច្រើនសន្លឹកលើបណ្តាញសង្គមរបស់ Best ដោយមានបុរសពីរនាក់ឈរក្បែរនាងនោះគឺ Patrick SPD និង Kyutae Oppa ក៏ដូចជាអ្នកគាំទ្រដែលបានមកផ្តល់ការគាំទ្រនៅក្នុងព្រឹត្តិការណ៍នេះ អមដោយជខេបសិនបញ្ចាក់ថា៖

“អរគុណខ្លាំងណាស់ ចំពោះបុរសទាំងពីរនាក់ដែលបានមកគាំទ្រពួកខ្ញុំ។ ម្នាក់ទៀតកំពុងរង់ចាំនៅខាងក្រោយឆាក ម្នាក់ទៀតកំពុងរង់ចាំនៅក្នុងឡាន។ ខ្ញុំរីករាយណាស់ដែលបានមកជួបគ្នា។ ហើយក៏សូមអរគុណដល់អ្នកគាំទ្រក្លឹប របស់ best ដូចគ្នាដែលចាំលើកទឹកចិត្តនិងជាកំលាំងមករហូត”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ កាលប៉ុន្មានថ្ងៃមុនកើតរឿងអាស្រូវលើឪពុក តារាស្រីរូបនេះបានចេញមុខបើកចំហជាលើកដំបូងនៅចំពោះមុខក្រុមអ្នកសារព័ត៌មានទាំងទឹកភ្នែកហូរ ហើយក៏មិនចង់ជឿថារឿងរ៉ាវទាងនេះបានកើតឡើងលើនាង និងក្រុមគ្រួសារឡើយ។

យ៉ាងណាមិញ ករណីនៃរឿងអាស្រូវរបស់អតីតអ្នកប្រដាល់ Somrak Khamsing បានក្លាយជាបញ្ហាកំពុងតែកក្រើកនៅក្នុងប្រទេសថៃ ហើយក៏បានក្លាយជារឿងដែលមនុស្សជាច្រើនចាប់អារម្មណ៍ និងតាមដានខ្លាំង។ ចំណែកក្រុមស៊ើបអង្កេតមួយ ត្រូវបានបញ្ជូនទៅកាន់តំបន់នោះ ដើម្បីប្រមូលព័ត៌មានពីកាមេរ៉ា CCTV ត្រៀមរៀបចំរបាយការណ៍ស៊ើបអង្កេតប្រមូលភស្តុតាងបន្ថែមទៀតផងដែរ៕