ជីវិតកម្សាន្ដ

ធ្លាយដំណឹង យុគ ចិន្តា ជិតចូលរោងការ ខណៈ គង់ សុជាតិ ត្រៀមធ្វើអ្នកកំដរ

បានផុស

១ year មុន

នៅ

ថ្ងៃចន្ទ ១៨ ធ្នូ ២០២៣

ដោយ

ទស្សនិកជនភ្ញាក់ផ្អើល ខណៈថ្មីៗនេះ មានការទម្លាយថា ពិធីការិនី យុគ ចិន្តា ត្រៀមចូលរោងការឆាប់ៗ នេះ។ ប៉ុន្តែមិនទាន់មានការបញ្ជាក់ជាក់លាក់ថ្ងៃកំណត់ចូលរោងការ អ្នកនាង យុគ ចិន្តា នៅឡើយទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេចាំបានថា អ្នកនាង យុគ ចិន្តា ធ្លាប់ប្រកាសចូលរោងការម្តងរួចហើយ កាលពីកំឡុងឆ្នាំ ២០២២ កន្លងទៅ។ កាលនោះ អ្នកនាង យុគ ចិន្តា បានកក់សម្អាងការ និងចុងភៅរួចរាល់ហើយ ប៉ុន្តែពេលវេលាកំណត់មកដល់ពុំឃើញអ្នកនាង ដឹកដៃគូស្នេហ៍ចូលរោងការទៅវិញ សូម្បីតែពេលជួបជុំក្នុងកម្មវិធីមិត្តភ័ក្ដិម្នាក់ៗ បានចោទសួរអ្នកនាងគ្រប់ៗ គ្នា។

ទោះបីយ៉ាងណាថ្មីៗនេះ ក៏ស្រាប់តែពិធីការិនីរួមអាជីពស្និទ្ធស្នាល គឺ អ្នកនាង គង់ សុជាតិ បានទម្លាយថា អ្នកនាង យុគ ចិន្តា ជិតចូលរោងការឆាប់ៗនេះ។ មិនតែប៉ុណ្ណោះ គង់ សុជាតិ ក៏បញ្ជាក់ថា នាងត្រៀមធ្វើជាអ្នកកំដរអ្នកនាង យុគ ចិន្តា ទៀតផង។ អ្នកនាង គង់ សុជាតិ បានលើកឡើងដោយខ្លីថា «yeah … congratulations my friend យុគ ចិន្តា ជិតការហើយ គង់ សុជាតិ ធ្វើជាអ្នកកំដរ»។ តាមរយៈដំណឹងនេះ គេឃើញថា មានអ្នកគាំទ្រជាច្រើនបានសម្តែងការចូលរួមអបអរ និងជូនពរគ្រប់គ្នា។

គួរជម្រាបថា បច្ចុប្បន្ន អ្នកនាង យុគ ចិន្តា នៅតែជាពិធីការិនីល្បីឈ្មោះមួយរូប ដែលទទួលបានការគាំទ្រច្រើនពីសំណាក់ទស្សនិកជន ទោះពេលនេះមិនសូវលេចមុខខ្លាំងក្នុងអាជីពនេះដូចកាលពីមុនក្តី តែអ្នកនាងនៅតែរក្សាតំណែង និងកេរ្តិ៍ឈ្មោះបានយ៉ាងល្អ ដោយភាគច្រើនលេចមុខក្នុងកម្មវិធីធំៗ ប៉ុណ្ណោះ៕

អត្ថបទ ៖ ចាន់រ៉ា