ទស្សនា​អាពាហ៍​ពិពាហ៍​របស់តួកំប្លែងថៃ Kohtee Aramboy សាមញ្ញខ្លាំង តែមានសុភមង្គល

កាលពីថ្ងៃ១៧ ខែធ្នូឆ្នាំ ២០២៣ តារាកំប្លែងប្រចាំប្រទេសថៃលោក Kohtee Aramboy  និងមិត្តស្រី Kwang Suphak បានសម្រេចចិត្តរៀប​អាពាហ៍​ពិពាហ៍ចាប់ផ្តើមជីវិតរួមគ្នាជាប្តីប្រពន្ធផ្លូវការ​ បន្ទាប់ពីគូស្នេហ៍នេះបានសេពគប់គ្នាជី១០ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីរបស់តួកំប្លែងក្នុងរឿង“ប្រុសលក់ខ្លួន” គេសង្កេតឃើញថាមានតែសាច់ញាតិនិងក្រុមមិត្តជិតស្និតតែប៉ុណ្ណោះដែលត្រូវបាន Kohtee Aramboy  អញ្ញើញឲ្យចូលរួម។​ ក្នុងនោះផងដែរតារាកំប្លែងរូបនេះក៏ធ្លាប់បានលើកឡើងថា មិនមែនលោកមិនចង់អញ្ញើញមនុស្សគ្រប់គ្នា ប៉ុន្តែលោកបានប្រាប់ហេតុផលថា អ្នកខ្លះនៅឆ្ងាយពេក ឬមានការងារច្រើនមិនអាចចូលរួមបាន។

ទោះយ៉ាងណាក៏ដោយ ដ្បិតថាក្នុងពិធីដ៏សំខាន់មួយនេះមិនសូវមានភ្ញៀវក៏ពិតមែន​ ប៉ុន្តែតាមរយៈការបង្ហោះរបស់បងប្អូននិងមិត្តរបស់ Kohtee Aramboy គឺបង្ហាញពីភាពរីករាយនិងមានសុភមង្គលខ្លាំង ពីសំណាក់ឪពុកម្ដាយកូនកំលោះនិងកូនក្រមុំទាំងសងខាង។ ស្របពេលដែលទស្សនិកជនជាច្រើនបានសម្រុកចូលទៅបញ្ចេញមតិ ជូនពរដល់គូស្នេហ៍ថ្មីថ្មោងជួបតែសុខសប្បាយ​ និងស្រលាញ់គ្នាដល់ចាស់រៀងៗខ្លួន។

សូមបញ្ចាក់ដែរថា Kohtee Aramboy និងមិត្តស្រីបាន​រួម​រស់​ជាមួយ​គ្នា​អស់​រយៈ​ពេល ១០ ឆ្នាំ​មក​ហើយ ដោយ​ពួក​គេ​ឆ្លង​កាត់​ការ​ឡើង​ចុះ​ជា​ច្រើន​ដង។ រហូតមកដល់ឆ្នាំ ២០១៧ Kohtee បានសម្រេចចិត្ត Surprise ដោយសុំរៀបការនៅ Maldives គម្រោងរៀបចំពិធីមង្គលការបានសម្រេចថានឹងធ្វើនៅចុងឆ្នាំ២០១៧ ឬដើមឆ្នាំ ២០១៨ ប៉ុន្តែការផ្ទុះឡើងនៃជំងឺកូវីដបានកើតឡើង។ រហូត​ដល់​គូស្នេហ៍​ត្រូវ​ទុក​រឿង​អាពាហ៍​ពិពាហ៍​មួយឡែកសិន។​

ក្រោមកនៅខែមិថុនា ឆ្នាំ ២០២៣​ តារាកំប្លែង Kohtee បានសម្រេចចិត្តសុំមិត្តស្រីរៀបការម្តងទៀត នៅពាក់កណ្តាលកម្មវិធី Today Show ដោយមានការចូលរួមជាសាក្សីពីពិធីករនៃកម្មវិធីផងដែរ៕

សូមទស្សនារូបភាពពិធីមង្គលការរបស់តួកំប្លែងថៃ Kohtee Aramboy ខាងក្រោម៖

អត្ថបទ៖ សាង​ ស្រីល័ក្ខ

ចុចអាន៖សេពគប់គ្នាជិត១០ឆ្នាំ តួកំប្លែងថៃក្នុងរឿង “ប្រុសលក់ខ្លួន” ចូលរោងការថ្ងៃនេះ