ជីវិតកម្សាន្ដ

ទម្លាយថ្លៃសម្រាលកូនទី២ របស់ Mew សក្តិសមជាកូនសេដ្ឋីថៃពិតមែន

បានផុស

១ year មុន

នៅ

ថ្ងៃចន្ទ ១៨ ធ្នូ ២០២៣

ដោយ

តារាសម្ដែងរាងតូចច្រឡឹង Mew Nittha បានសម្រាលកូនប្រុសទីពីរដោយជោគជ័យ កាលពីថ្ងៃទី ១៧ ខែធ្នូ កន្លងទៅនេះ សម្រាប់ការសម្រាលកូនលើកនេះនាងនិងស្វាមីបានជ្រើសរើសនៅមន្ទីរពេទ្យដ៏ល្បីប្រចាំប្រទេសថៃ Bumrungrad International ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈគណនីផ្ទាល់ខ្លួនរបស់ Mew Nittha បានសរសេរខេបសិនពេញដោយអត្ថន័យថា “Welcome to the world baby” ខណៈស្វាមីរបស់នាងគឺលោក Saint Kuhapremkit បានបង្ហោះរូបភាពរួមគ្នាជាមួយភរិយា ព្រមទាំងកូនប្រុសដែលទើបនឹងកើតដោយស្វាគមន៍យ៉ាងកក់ក្ដៅ។

ទោះយ៉ាងណាក៏ដោយ ក្នុងនោះផងដែរទស្សនិកជនជាច្រើនបានសង្កេតឃើញថា ការសម្រាលកូនប្រុសទី២លើកនេះគូស្វាមីហៃសូបានជ្រើសរើសមន្ទីរពេទ្យលំដាប់ប្រទេសហើយតម្លៃអាចនឹងថ្លៃមិនខានទេ។ មន្ទីរពេទ្យ Bumrungrad International ជាមន្ទីរពេទ្យមានតម្លៃខ្ពស់ ហើយក៏មានតែលំដាប់អ្នកមានៗតែប៉ុណ្ណោះដែលប្រើប្រាស់សេវារបស់Bumrungrad បាន។

វាបានបែងចែកដូចខាងក្រោមដុចជា៖

-តម្លៃដឹកជញ្ជូនធម្មតា (Normal Delivery) តម្លៃ ៨៥,០០០ បាត។

-ការសម្រាលធម្មតាដោយប្រើថ្នាំសណ្តំឆ្អឹងខ្នង (Normal Delivery with Epidural Block) តម្លៃ ៩៩,០០០ បាត។

-ផ្នែកវះកាត់ (Cesarean Section) តម្លៃ ១០៩,០០០ បាត។

-ការវះកាត់ស្បូនក្នុងការមានផ្ទៃពោះភ្លោះ (Twin Cesarean Section) តម្លៃ ១៩៩,០០០ បាត។

យ៉ាងណាមិញមិនមែនជារឿងចម្លែកនោះទេ ដែល Mew និង ស្វាមីបានជ្រើសរើសអ្វីដែលល្អបំផុតសម្រាប់កូនប្រុសរបស់ពួកគេតាំងពីថ្ងៃដំបូងដែលទារកបានបើកភ្នែកចូលទៅក្នុងពិភពលោក។ ហើយនេះពិតជាសក្តិសមជាកូនមហាសេដ្ឋីពិតៗ ព្រោះឪពុករបស់ក្មេងគឺជាអ្នកមានប្រចាំស្រុកថៃយូរណាស់មកហើយ៕