ជីវិតកម្សាន្ដ

ទោះវះកាត់ច្រមុះបែបណា Han So Hee នៅតែស្អាតខ្លាំងសម្រាប់អ្នកគាំទ្រ

បានផុស

១ year មុន

នៅ

ថ្ងៃចន្ទ ១៨ ធ្នូ ២០២៣

ដោយ

ទស្សនិកជនសុទ្ធតែដឹងហើយថា តារាសម្ដែងកូរ៉េខាងត្បូង Han So-Hee បានវះកាត់កែច្រមុះរបស់នាងកាលកន្លងមក ហើយនាងក៏ធ្លាប់សារភាពប្រាប់អ្នកគាំទ្រត្រង់ៗថា ពីទម្រង់ច្រមុះខុសប្លែកពីមុនឆ្ងាយគឺដោយសារតែកែកុនសុទ្ធសាធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរនាងបានបញ្ចាក់ថា “ខ្ញុំមានអារម្មណ៍ភ័យ! ដោយសារតែការវះកាត់ច្រមុះនៅតែរលាក ហើយការហើមនៅតែមិនបាត់។ លើកនេះមិនមែនវះកាត់ទេ! ដើម្បីធ្វើឲ្យច្រមុះកាន់តែលេចធ្លោ ប៉ុន្តែដោយសារតែច្រមុះរបស់ខ្ញុំពីមុនគឺកោង ខ្ញុំអាចដកដង្ហើមបានតែម្ខាងប៉ុណ្ណោះ។ ហើយខ្ញុំតែងតែស្រមុករាល់ពេលគេង ការវះកាត់នេះ ដើម្បីរក្សាច្រមុះរបស់ខ្ញុំពីការកោងដូចមុន។ ប៉ុន្តែដោយសារវារលាក ឆ្អឹងខាងក្នុងច្រមុះត្រូវបត់ ហើយចុងច្រមុះត្រូវបានភ្ជាប់ ដូច្នេះ វាគឺជាការវះកាត់ដើម្បីស្ដារច្រមុះរបស់ខ្ញុំទៅជារូបរាងដើមវិញ”។

ទោះយ៉ាងណាក៏ដោយ កាលពីពេលថ្មីៗនេះ Han So Hee បានធ្វើដំណើរទៅចូលរួមកម្មវិធីសម្ពោធនាឡិកាប្រណិតម៉ាក Omega ក្នុងនាមជា Brand Ambassador ប្រចាំទីក្រុងហុងកុង ដោយស្លៀករ៉ូបដ៏ប្រណិតពណ៌ខ្មៅស្រស់ស្អាត បង្អួតសម្រស់ពណ៌សរបស់នាង។ ហើយអ្វីដែលចាប់អារម្មណ៍គឺទម្រង់ច្រមុះដែលខុសពីមុន វាស្អាតខ្លាំងសឹងថាប្ដូរមុខមាត់របស់នាង។

យ៉ាងណាមិញ អ្នកគាំទ្រនៅតែចាត់ទុកថា Han So Hee ជាស្រីស្អាត ហើយមិនមានអ្វីទាស់ឡើយ ទោះនាងវះកាត់ច្រមុះប្ដូរខុសទម្រង់ដើមក្ដី។ ប៉ុន្តែយ៉ាងណាក៏ដោយ នាងនៅតែស្រស់ស្អាត និងមានមន្តស្នេហ៍មិនប្រែប្រួលសម្រាប់ទស្សនិកជនរបស់នាង៕