ជីវិតកម្សាន្ដ

រឿង Mavel នឹងដូរតួឯក ក្រោយ Jonathan កំពុងមានរឿងក្ដីក្ដាំអាចជាប់ពន្ធនាគារ

បានផុស

៦ ខែ មុន

នៅ

ថ្ងៃអង្គារ ១៩ ធ្នូ ២០២៣

ដោយ

Jonathan Majors ដែលជាតារាហូលីវូដកំពុងឡើងកូដ ហើយគ្រោងនឹងដើរតួជាតួឯកក្នុងខ្សែភាពយន្តកំពូលវីរបុរស Marvel នាពេលខាងមុខ ត្រូវបានតុលាការទីក្រុងញូវយ៉ករកឃើញថា មានពិរុទ្ធភាពកាលពីថ្ងៃច័ន្ទ ពីបទចោទវាយដំមិត្តស្រីនៅខាងក្រោយឡាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាលក្រមនេះបានធ្វើឡើង បន្ទាប់ពីការកាត់ទោសរយៈពេលពីរសប្តាហ៍នៅក្នុងតុលាការរដ្ឋក្នុងក្រុង Manhattan។ គាត់ត្រូវចោទប្រកាន់ពីបទបង្ករបួសស្នាមពីរករណី និងបទបៀតបៀនផ្លូវភេទ។ លោកអាចនឹងត្រូវកាត់ទោសនៅថ្ងៃទី ០៦ ខែកុម្ភៈ ដោយប្រឈមមុខនឹងការជាប់គុក ១ឆ្នាំ ប៉ុន្តែព្រះរាជអាជ្ញាមិនបានបង្ហាញពីការកាត់ទោសដែលពួកគេគ្រោងនឹងស្វែងរកនោះទេ។ ស្របពេលដែលមេធាវីរបស់លោកមិនបានឆ្លើយតបភ្លាមៗ ចំពោះសំណើសុំការអត្ថាធិប្បាយទេ។

ចំណែកការិយាល័យមេធាវីស្រុក Manhattan បានសាទរចំពោះសាលក្រមនេះ នៅក្នុងសេចក្តីថ្លែងការណ៍មួយដោយនិយាយថា ភស្តុតាងបានបង្ហាញពីវដ្តនៃការរំលោភបំពានផ្លូវចិត្ត និងការកើនឡើងនូវគំរូនៃការបង្ខិតបង្ខំដោយ Majors ។

រដ្ឋអាជ្ញាបាននិយាយថា Majors បានវាយដំមិត្តស្រីរបស់គាត់ឈ្មោះ Grace Jabbari នៅក្នុងឡានជួលមួយនៅទីក្រុង Manhattan ក្នុងខែមីនា ដោយធ្វើឲ្យនាងបាក់ម្រាមដៃ និងហើមដៃ និងត្រចៀក។ ហើយ Jabbari ក៏បានផ្តល់សក្ខីកម្មថា Majors បានវាយដំរាងកាយនាងយ៉ាងខ្លាំង បន្ទាប់ពីនាងបានឃើញសារស្រីៗផ្ញើរចូលទូរស័ព្ទរបស់គាត់ រហូតធ្វើឲ្យផ្ទុះដោយកំហឹងឡើងមក។

យ៉ាងណាមិញ ក្រោយត្រូវប៉ូលិសចាប់ខ្លួន Majors ត្រូវបានទម្លាក់ដោយក្រុមហ៊ុនគ្រប់គ្រងផ្ទាល់ខ្លួន ក្រុមហ៊ុនទំនាក់ទំនងសាធារណៈ និងអ្នកផ្សាយពាណិជ្ជកម្មមួយចំនួន។ ជាពិសេសប៉ុន្មានម៉ោងបន្ទាប់ពីសាលក្រមបានប្រកាស អ្នកនាំពាក្យរបស់ Walt Disney-owned (DIS.N) Marvel និយាយថា ស្ទូឌីយោបានទម្លាក់តួសម្តែងពីគម្រោងនាពេលអនាគត ខណៈដែល Majors សម្ដែងជាតួអាក្រក់ដែលគេស្គាល់ថាជា Kang the Conqueror នៅក្នុងរឿង “Ant-Man” ក្នុងឆ្នាំនេះ ហើយលោកគ្រោងនឹងដើរតួជាតួឯកនៅឆ្នាំ ២០២៦ នៃការចេញផ្សាយ “Avengers: The Kang Dynasty” ។

សូមបញ្ចាក់ដែរថា Majors មានវ័យ ៣៤ ឆ្នាំបានសម្តែងក្នុងខ្សែភាពយន្តឆ្នាំ ២០១៩ “The Last Black Man in San Francisco” មុនពេលលេចមុខក្នុងភាពយន្តកីឡាកាស “Creed III” និងបង្ហាញខ្លួននៅក្នុងរឿង “Ant-Man and the Wasp: Quantumania” ៕