តើ​តារា​រូប​ណា​ខ្លះ​ដែល Dispatch នឹង​បង្ហាញ​ខ្លួន​ជា​គូស្នេហ៍​ថ្មី​នៅ​ថ្ងៃ​ទី ១ ខែ​មករា?

រៀងរាល់ថ្ងៃទី ០១ ខែមករា បានក្លាយជាប្រពៃណីមួយនៅពេលដែល Dispatch ទម្លាយពីគូស្នេហ៍ជាតារាប្រចាំឆ្នាំរបស់ខ្លួន។ ហើយអ្វីដែលខាងសារព័ត៌មានមួយនេះតែងតែលើកយកចងក្រងយ៉ាងល្អិតល្អន់ មិនត្រឹមតែភស្តុតាងរូបថតប៉ុណ្ណោះទេ ថែមទាំងមានព័ត៌មានលម្អិតគួរឲ្យទាក់ទាញ ដែលទុកចន្លោះតិចតួចសម្រាប់ការសង្ស័យអំពីភាពត្រឹមត្រូវនៃទំនាក់ទំនងទាំងនេះប៉ុណ្ណោះ។

មកដល់ចុងឆ្នាំ២០២៣នេះ​ គឺជាពេលវេលាវិលជុំនិងឆ្នាំថ្មីខាងមុខកាន់តែកៀកដូចគ្នា ដូច្នេះហើយអ្នកលេងអ៊ីនធឺណេតក្នុងប្រទេសកូរ៉េខាងត្បូងជាច្រើនហាក់មានការងឿងឆ្ងល់ម្តងទៀតថា តើគូស្នេហ៍តារាមួយណានឹងត្រូវបានបង្ហាញនៅឆ្នាំ ២០២៤ ខាងមុខ?

ក្រោយមក អ្នក​លេង​អ៊ីនធឺណិត​ម្នាក់​បាន​ធ្វើការទស្សទាយ​ថា ​គូស្នេហ៍​ដែល​ត្រូវ​បង្ហាញ​ដោយ Dispatch នៅ​ឆ្នាំ​នេះ​ នឹង​ជា​គូស្នេហ៍​តារាល្បីជួរមុខនៅក្នុងប្រទេសមិនខានឡើយ។

ជាមួយគ្នានេះដែរ អ្នក​លេង​អ៊ីនធឺណិត​ផ្សេង​ទៀត​បាន​ចូល​រួម​ក្នុង​សហគមន៍​អនឡាញ ​ដើម្បី​បញ្ចេញ​មតិ​លើ​ប្រធាន​បទ​នេះ​ផង​ដែរ។ ពួកគេបានបញ្ចេញមតិថា ឆ្នាំនេះអាចជាគូស្នេហ៍តារាសម្ដែងដែលលេចឮថា ពួកគេធ្លាប់សម្ដែងរឿងភាគជាមួយគ្នាកន្លងមក។ Dispatch អាចមិនចាប់​បានគូស្នេហ៍តារាចម្រៀងទៀតនោះទេ ព្រោះឆ្នាំ២០២៣ ក៏មានភត្តុតាងច្រើនទាក់ទងនឹងតារាចម្រៀងដែរ។

យ៉ាងណាមិញ ទស្សនិកជនជាច្រើនមានតែរង់ចាំការទម្លាយពីភត្តុងតាងសំខាន់របស់គូស្នេហ៍តារាល្បីៗប៉ុណ្ណោះ ថាតើដើមឆ្នាំ២០២៤ខាងមុខនេះ តារាប្រុសស្រីរូបណានឹងបង្ហាញវត្តមានលើកាសែតដ៏ល្បីមួយនេះ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រែសម្រួល៖ សាង ស្រីល័ក្ខ

ចុចអាន៖IU ចេញមុខការពារអ្នកគាំទ្រ ខណៈអង្គរក្សប្រើហិង្សា