រូបភាពរបស់ Brad Pitt ឆ្លងខួបកំណើតវ័យ៦០ឆ្នាំ សង្ហាមិនចាញ់កំលោះ

តារាហូលីវូដ Brad Pitt ទើបតែឆ្លងផុតថ្ងៃខួបកំណើតគម្រប់ ៦០ ឆ្នាំរបស់លោកកាលពីប៉ុន្មានថ្ងៃមុនប៉ុណ្ណោះ ហើយរូបថតចុងក្រោយរបស់បុរស់ចំណាស់រូបនេះ បានក្លាយចំណាប់អារម្មណ៍ដែលត្រូវបានទស្សនិកជនលើកមកជជែកព្រោងព្រាតលើបណ្ដាញអ់ីនធើណេត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពដែល​បានឃើញ Brad Pitt និងមិត្តស្រីរបស់គាត់ Ines de Ramon បានប្រារព្ធខួបកំណើតរបស់ជាមួយគ្នានៅ LA កាលពីថ្ងៃអង្គារ។ ក្នុងនោះតារាជើងចាស់ ​Brad បានបង្ហាញការភ្ញាក់ផ្អើលដល់មនុស្សគ្រប់គ្នា ដែលបានឃើញពីសកម្មភាពរបស់លោក។

យ៉ាងណាក៏ដោយ ត្បិតថាមានវ័យ៦០ឆ្នាំក៏ពិតមែន ប៉ុន្តែតារាហូលីវូដរូបនេះនៅតែបង្ហាញស្ទីលដ៏ស្រស់សង្ហា ព្រមទាំងសំលៀកបំពាក់ក្មេងជាងវ័យក្នុង​អាវ​ខ្មៅ​ដែលលាយ​ពណ៌​មាសយ៉ាងចែងចាំង។ មិនបង្អង់យូរ អ្នកគាំទ្ររបស់លោកបានបញ្ជេញមតិលើកសរសើរពីសម្រស់សាច់ចាំមិនចេះចាស់។ សូម្បីតែយុវវ័យជំនាន់ក្រោយ ក៏ពិបាកនឹងប្រជែងលើភាពសង្ហាឡូយឆាយរបស់ផលិតករភាពយន្តជនជាតិអាមេរិកផងដែរ។

សូមបញ្ចាក់ដែរថា Brad Pitt និង Ines de Ramon អ្នកទាំងពីរបានរួមរស់ជាមួយគ្នាអស់រយៈពេលមួយឆ្នាំហើយ។ ហើយនេះគឺជាទំនាក់ទំនងដំបូងរបស់គាត់ ចាប់តាំងពីការលែងលះដ៏ជូរចត់ជាមួយ Angelina Jolie មក គាត់បានបង្ហាញប្រាប់មហាជនថា នាងគឺមិត្តស្រីរបស់គាត់សព្វថ្ងៃនេះ៕

ប្រែសម្រួល៖ សាង ស្រីល័ក្ខ

ចុចអាន៖ម្ចាស់បទ “My Heart Will Go on” បាត់បង់ការគ្រប់គ្រងចលនារាងកាយទាំងស្រុង