IG របស់ Lisa មានអ្នកតាមដានជិតដល់ ១០០ លាននាក់ ខណៈគេទាយថានាងនឹងក្លាយជាតារាឈានមុខ

ដោយមានការទន្ទឹងរង់ចាំយ៉ាងខ្លាំងពីទស្សនិកជនទូទាំងពិភពលោក ដែលគេជឿថាអ្នកតាមដានលើ Instagram របស់ Lisa សមាជិកក្រុម BLACKPINK កាន់តែកៀកដល់ទៅ ១០០ លាននាក់​ក្នុងពេលឆាប់ៗនេះ ហើយនាងនឹងក្លាយជាតារាឈានមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណា បឋមពីការពិនិត្យនៅលើគេហទំព័រ tucktools.com បានរកឃើញថា អ្នកតាមដាន Instagram របស់ Lisa មានចំនួន ៩៩,៩១៩,៩៥០នាក់ ហើយនៅពេលដែល IG របស់ Lisa ឈានដល់ ១០០ លាននាក់ វាអាចនឹងនាំឲ្យមានការផ្លាស់ប្តូរជាច្រើនឲ្យកាន់តែប្រសើរឡើង។ ហើយ​តាម​ការ​វិភាគ​ខ្លីៗ គេ​បាន​រក​ឃើញ​ដូច​ខាង​ក្រោម៖

– Lisa នឹង​ក្លាយ​ជា​តារា K-POP ដំបូង​គេ​ដែល​មាន​អ្នក Follow ដល់​ទៅ ១០០ លាន​នាក់​នៅ​លើ Instagram។

– តម្លៃនៃការផ្សាយពាណិជ្ជកម្មនៅលើ IG អាចនឹងកើនឡើងខ្ពស់ ដែលត្រូវបានរកឃើញដំបូង Lisa រកចំណូលបាន ៥៧៥,០០០ដុល្លារអាមេរិក។

– នាងនឹងក្លាយជាការយកចិត្តទុកដាក់កាន់តែខ្លាំងឡើងនៃឧស្សាហកម្មតន្ត្រីពិភពលោក។ បន្ថែមពីលើសមត្ថភាពដែលត្រូវបានទទួលយករួចហើយ ក្នុងនាមជាអ្នកដែលនឹងសរសេរជំពូកថ្មីនៅក្នុងប្រវត្តិសាស្រ្តនៃឧស្សាហកម្ម K-POP។

– ឱកាសដើម្បីបង្កើតអំណាចទន់របស់នាងនឹងកាន់តែធំ។ តាំងពីដើមមក អ្វីក៏ដោយដែលនាងបង្ហាញតែងតែក្លាយជាអ្វីដែលទស្សនិកជននិងអ្នកគាំទ្រចង់បានដូចគ្នា។

លើសពីនេះទៀតសោត គេរំពឹងថាចំនួនអ្នកតាមដាន Instagram របស់ Lisa សមាជិកក្រុម BLACKPINK អាចនឹងកើនឡើងដល់ ១០០ លាននាក់ក្នុងរយៈពេលពីរបីថ្ងៃ។ កាន់តែមានព័ត៌មានថា កុងត្រារបស់ក្រុមជាមួយផលិតកម្ម YG Entertainment កាន់តែមាន ការចាប់អារម្មណ៍កាន់តែខ្លាំងទៅលើនាងលើសមុនទៀត៕

អត្ថបទ៖ សាង ស្រីល័ក្ខ

ចុចអាន៖ប៉ុស្តិ៍លេខ៣ ត្រៀមជំរុញតារាសម្ដែងប្រុសថ្មី ឲ្យពូកែដើរតាមគន្លង Mark និង Nadech