ជីវិតកម្សាន្ដ

ករុណា ពេជ្រ ចង់យកបទចាស់ៗ Cover ឡើងវិញ មុនលាឈប់ពីសិល្បៈ តែខ្វះការលើកទឹកចិត្ត

បានផុស

១ year មុន

នៅ

ថ្ងៃអាទិត្យ ២៤ ធ្នូ ២០២៣

ដោយ

ខណៈអាជីពសិល្បៈអំឡុងមួយរយៈនេះហាក់ស្ងប់ស្ងាត់ តារាចម្រៀងលោក ករុណា ពេជ្រ បានបង្ហាញពីចេតនាចង់យកបទចម្រៀងចាស់ៗ ល្បីៗ Cover ឡើងវិញ មុនលាឈប់ពីសិល្បៈ ប៉ុន្តែខ្វះការផ្តល់កម្លាំងចិត្តពីអ្នកនៅជុំវិញខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ករុណា ពេជ្រ បានបញ្ជាក់ឲ្យដឹងថា លោកមានបំណងចង់យកបទចាស់ៗ ល្បីៗ ពីមុនមកCover ឡើងវិញ មុនលាឈប់ពីសិល្បៈ ប៉ុន្តែអត់មានអ្នកណាផ្តល់កម្លាំងចិត្តសោះ មានតែគេមើលរំលង ចុងក្រោយមិនហ៊ាននិយាយ បានត្រឹមឆ្អែតចិត្ត រួចធ្វើជាបន្លប់ខ្លួនឯង ម្តងរត់ទៅនេះ ម្តងរត់ទៅនោះ ដើម្បីលួងខ្លួនឯងថាកំពុងរវល់ខ្លាំងណាស់។

លោក ករុណា ពេជ្រ បាននិយាយបន្តថា «គិតយូរៗ ទៅ អាណិតខ្លួនឯងខ្លោចចិត្តទីបំផុត ព្រោះគ្មានអ្នកណាជួយយើងបានទេក្រៅពីខ្លួនឯង ឲ្យកម្លាំងចិត្តខ្លួនឯងនៅពេលដែលខ្លួនឯងលែងមានគេឲ្យតម្លៃ So sad ប៉ុន្តែនៅតែអរគុណបងៗ ខាងព័ត៌មាន ក៏ដូច Page ផ្សេងៗ នៅតែព្យាយាមគាស់កកាយ អ្វីៗ ដែលខ្ញុំធ្លាប់មាននៅក្នុងវិស័យសិល្បៈ ទាំងចាស់ទាំងថ្មី ជួយផ្សព្វផ្សាយឲ្យបងប្អូន ក៏ដូចក្មេងៗ ជំនាន់ក្រោយបានស្គាល់នៅសិល្បករម្នាក់នេះ»។

លោក ករុណា ពេជ្រ បានបន្ថែមថា «Drama បែបលាយរឿងពិតខ្លះ បញ្ជាក់ឆ្លងឆ្នាំបងប្អូនកុំហៅករុណា ពេជ្រ ច្រៀងអី ព្រោះ ករុណា ពេជ្រ រវល់ទៅ Countdown នៅប្រទេសថៃហើយ ចុងក្រោយលួងខ្លួនឯងទៀត»។ ទោះយ៉ាងណា មានអ្នកគាំទ្រលោក ករុណា ពេជ្រ បានលើកទឹកចិត្តឲ្យតារារូបនេះ បន្តអាជីព និង Cover ឡើងវិញនូវបទចាស់ៗ របស់ខ្លួន៕

អត្ថបទ ៖ ចាន់រ៉ា