ជីវិតកម្សាន្ដ

តារាថៃ ៤ គូ ស្រលាញ់គ្នាស្អិតរមួត មិនខ្វល់ពីអាយុជាឧបសគ្គស្នេហា

បានផុស

១១ ខែ មុន

នៅ

ថ្ងៃចន្ទ ២៥ ធ្នូ ២០២៣

ដោយ

សម្រាប់គូស្វាមីភរិយាជាច្រើនដែលមានមិត្តប្រុសក្មេងឬចាស់ជាងខ្លួន អ្នកប្រហែលជាគិតថាវាជាឧបសគ្គ។ ដោយសារតែពេលខ្លះភាពខុសគ្នានៃអាយុអាចបណ្តាលឲ្យមានសកម្មភាព និងគំនិតដែលមិនយល់ស្រប។ ជាលទ្ធផល មនុស្សមួយចំនួនដែលមានទំនាក់ទំនងស្នេហា អាចនឹងមានបញ្ហាហើយត្រូវបែកគ្នាយ៉ាងរហ័ស។

ទោះជាយ៉ាងណា ក៏នៅមានគូស្នេហ៍ជាច្រើនដែលមានអាយុខុសគ្នាផងដែរ ហើយអ្នកដែលនៅជាមួយគ្នា ក៏អាចយកឈ្នះលើភាពខុសគ្នានៃអាយុ បើទោះបីជាភាគីម្ខាងទៀតមានវ័យចំណាស់ នោះគឺដោយសារតែការស្រឡាញ់និងការយល់ដឹងដែលពួកគេមានចំពោះគ្នា។

ជាឧទាហរណ៍ គូស្នេហ៍នៅក្នុងឧស្សាហកម្មកម្សាន្តថៃ៣ដួងនេះ អាចត្រូវបានគេមើលឃើញថា ទោះជាពួកគេមានមិត្តប្រុសចាស់ឬក្មេងក៏ដោយ។ ប៉ុន្តែស្នេហាគឺល្អឥតខ្ចោះ និងគួរឲ្យច្រណែនបំផុតដែលមនុស្សជាច្រើនចង់បាន។

១ Aff Taksaorn និង Nonkul Chanon

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់គូស្នេហ៍មួយគូនេះ ដ្បិតថាស្នេហារបស់ពួកគេនៅអាយុខុសគ្នាក៏ពិតមែន ប៉ុន្តែមិនមែនជាបញ្ហាសម្រាប់ Aff និងNonkul ទេ។ បើទោះជាអាយុខុសគ្នាដល់១៦ឆ្នាំ ក៏ភាពទាក់ទាញនិងប្រជាប្រិយភាពរបស់ពួកគេ ហាក់មិនថយចុះទាល់តែសោះ។ ភាគីខាងស្រីក៏បានបង្ហោះរូបភាពគូស្នេហ៍ជាមួយមិត្តប្រុសវ័យក្មេង Nonkul ជាលើកដំបូង ធ្វើឲ្យអ្នកគាំទ្របញ្ចេញមតិអបអរដល់ក្ដីស្រលាញ់របស់ពួកគេជារឿយៗ។

២ Kelly Rattapong និង Ploy-Ploypailin

ទោះបីជាគូស្នេហ៍នេះមានអាយុខុសគ្នា១០ឆ្នាំ ក៏ស្នេហារបស់ពួកគេមិនមានឧបសគ្គអ្វីឡើយសម្រាប់ការរស់នៅក្នុងនាមជាប្ដីប្រពន្ធ។ កាលពីចុងឆ្នាំ២០២៣ តារាសម្ដែងប្រុសលោក Kelly ដែលមានវ័យ៥៣ឆ្នាំ និងភរិយាក្រៅវិស័យសិល្បៈថៃឈ្មោះ Ploy ទើបតែដឹកដៃគ្នាប្រារព្ធពិធីមង្គលការមួយ ក្រោមបរិយាកាសស្រស់ស្រាយ រ៉ូមែនទិក និងកក់ក្ដៅបំផុត។

៣ Vasu Sangsingkeo និង Primrata Dej-Udom

គម្លាតអាយុមិនមានបញ្ហាសម្រាប់គូស្នេហ៍មួយគូនេះទេ។ ទោះបីជាគម្លាតអាយុលើសពី ១៦ ឆ្នាំ វាមិនមែនជាឧបសគ្គធ្វើឲ្យទំនាក់ទំនងប្រេះឆាដែរ។ ផ្ទុយទៅវិញ គូនេះមានពេលផ្អែមល្ហែមកាន់តែច្រើនឡើងៗជារៀងរាល់ថ្ងៃ ហើយរឹតតែពិសេសទៀត តារាសម្ដែងប្រុសលោក Vasu Sangsingkeo ទោះមានវ័យអាយុ ៥៥ ឆ្នាំ តែសង្ហានិងក្មេងជាងវ័យមិនប្រែប្រួលទៅណាឡើយ។

៤ Ken theeradej និង Butsakorn Wongpuapan

គូស្នេហ៍ចុងក្រោយនេះ គឺជាគូស្នេហ៍វ័យចំណាស់បំផុតក្នុងវិស័យសិល្បៈថៃ ដែលមហាជនកោតសរសើរជារឿយៗ។ ថ្វីដ្បិតតែ Ken មានអាយុតិចជាងភរិយា ៧ ឆ្នាំ ប៉ុន្តែគម្លាតអាយុមិនមែនជាឧបសគ្គទាល់តែសោះ។ អ្នកទាំងពីរបានរួមដៃគ្នាសាងគ្រួសារដ៏កក់ក្តៅអស់រយៈពេលជាង ១៧ ឆ្នាំ ដោយមានកូនប្រុសសង្ហារដល់ទៅពីររូបនាបច្ចុប្បន្ន៕

អត្ថបទ៖ សាង ស្រីល័ក្ខ

ចុចអាន៖តារាស្រីថៃ១០រូប លេងខ្លួនអបអរបុណ្យណូអែលសុទ្ធតែប្លែកៗពីគ្នា