ជីវិតកម្សាន្ដ

ខាត់ សុឃីម ថា គ្មានបារមីណាមកជួយដោះបំណុលទេ បើមិនប្រឹងដោយខ្លួនឯង

បានផុស

១ year មុន

នៅ

ថ្ងៃអង្គារ ២៦ ធ្នូ ២០២៣

ដោយ

អ្នកនាង ខាត់ សុឃីម ជាសិល្បការិនីដ៏មានប្រជាប្រិយភាព និងពហុ ជំនាញផ្នែកវិស័យសិល្បៈ ដែលអាចលេងបានគ្រប់ទម្រង់ ទាំងសម័យបុរាណ ខណៈការគាំទ្ររក្សាបានមិនចុះថមថយឡើយក្រោយប្រឡូកវិស័យមួយនេះយូរឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានៃការជោគជ័យលើវិស័យសិល្បៈ បច្ចុប្បន្នតារាស្រីអ្នកនាង ខាត់ សុឃីម បានចេញមកបញ្ជាក់ថា ការដែលខ្លួនដោះបំណុលគេរួចដោយសារតែការខិតខំប្រឹងប្រែងរកស៊ី ពោលគឺមិនមានបារមីណាមកជួយទេយើងបានទេ។ មិនតែប៉ុណ្ណោះ តារាពហុជំនាញរូបនេះក៏បានលើកឡើងនូវការអគុណចំពោះស្វាមីដែលតែងផ្ដល់ក្តីសុខសុភមង្គលសម្រាប់គ្រួសារ។

អ្នកនាង ខាត់ សុឃីម បានលើកឡើងតាមរយៈបណ្ដាញសង្គមនូវខ្លឹមសារថា “ជីវិតនេះរួចផុតពីបំណុល គឺដោយសារការប្រឹងប្រែងរកស៊ីទាំងយប់ថ្ងៃ មិនខ្លាចស្លាប់រស់ដើម្បីសងគេមិនមែនព្រោះតែបារមីណាមកជួយទេ អរគុណបារមីប្តីខ្ញុំដែលព្រមដើរកាន់ដៃប្រពន្ធដើម្បីគ្រួសារយើង”។ ការលើកឡើងរបស់អ្នកនាង ខាត់ សុឃីម ខាងលើនេះគេឃើញអ្នកគាំទ្រនាងមួយចំនួនបានបញ្ចេញមតិយល់ស្របផងដែរ។

ដោយឡែកកត់សម្គាល់ពីជីវិតរស់នៅឯកជនឃើញថាក្រោយជោគជ័យក្នុងវិស័យសិល្បៈយូរឆ្នាំមកនេះ បើក្រឡេកទៅមើលជីវិតគូររបស់តារាស្រីពហុ ជំនាញ ខាត់ សុឃីម រហូតមកដល់ពេលនេះកំពុងមានសុភមង្គលខ្លាំងណាស់ ខណៈអ្នកនាង ខាត់ សុឃីម និងស្វាមីតែងតែបង្ហាញពីក្ដីស្រឡាញ់នឹងភាពផ្អែមល្ហែមនៅក្នុងគ្រួសារដើម្បីឲ្យជីវិតគូរកាន់តែមានន័យថែមមួយកម្រិតទៀត។

ជាការពិតណាស់ សម្រាប់ចំណងស្នេហារបស់តារាស្រី អ្នកនាង ខាត់ សុឃីម និងស្វាមី លោក អ៊ិន សុបញ្ញា ហៅ ផាណូ បើគិតមកទល់ពេលនេះបានចាប់ផ្ដើមឡើងមានរយៈពេលជាង ១០ឆ្នាំមកហើយដោយចំណងដៃអាពាហ៍ពិពាហ៍ពួកគេទទួលបានកូនម្នាក់ផងដែរ។ លើសពីនេះ ជីវិតគូររបស់អ្នកទាំងពីរតែងទទួលបានការកោតសរសើរពីមហាជន និងអ្នកគាំទ្រគ្រប់គ្នា៕

អត្ថបទ៖ ចាន់រ៉ា