ជីវិតកម្សាន្ដ

ស្ងាត់ៗ ជុំ លីណូ ក្លាយជាម្ចាស់ភាគហ៊ុនផលិតផលមួយនាំចូលពីក្រៅប្រទេស ចាយទុនរាប់ម៉ឺនដុល្លារ

បានផុស

១ year មុន

នៅ

ថ្ងៃពុធ ២៧ ធ្នូ ២០២៣

ដោយ

តារាចម្រៀងចូលចិត្តស្ដាយបែបយុវវ័យលោក ជុំ លីណូ គេកត់សម្គាល់ថាសម្រាប់អាជីពសិល្បរបស់លោកបច្ចុប្បន្ននៅតែរក្សាបានការគាំទ្រ និងមានប្រជាប្រិយភាពដូចដើម ខណៈដែលពេលនេះលោកក៏ជ្រែកខ្លួនចាប់មុខជំនួញជាច្រើនទៀតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់ មិនត្រឹមតែជោគជ័យលើមុខជំនួញផ្សេងៗ និងអាជីពសិល្បប៉ុណ្ណោះទេចំពោះតារាចម្រៀងល្បីឈ្មោះលោក ជុំ លីណូ ថ្មីៗនេះធ្លាយដំណឹងថា លោកបានបោះទុនរាប់ម៉ឺនដុល្លារដើម្បីក្លាយជាម្ចាស់ភាគហ៊ុនផលិតផលផ្នែកស្បែក និងសម្រស់ដែលនាំចូលពីក្រៅប្រទេសក្នុងការប្រកួតប្រជែងទីផ្សារស្រុកខ្មែរទៀតផង។

យ៉ាងណាមួយរយៈចុងក្រោយនេះ គេឃើញថាតារាល្បីៗជាច្រើនបានថតប្រូម៉ូត និងបង្ហាញការគាំទ្រលើផលិតផលឡេយីហោ អឹមស្មួត ដែលត្រូវបានគេអះអាងថាជាការផលិតរូបមន្ត ដោយជនជាតិថៃកាត់អាមេរិកដែលមានឯកទេសផ្នែកស្បែក និងសម្រស់តែគេមិននឹកស្មានថា ផលិតផលនេះគឺជាភាគហ៊ុនរបស់តារាចម្រៀងលោក ជុំ លីណូ និងស្រ្តីម្នាក់ដែលជាអ្នកជំនួញឆ្នើមផ្នែកអាជីវកម្មដែលកំពុងជោគជ័យខ្លាំងនៅក្នុងវិស័យអនឡាញផងដែរ។

លោក ជុំ លីណូ បានប្រាប់ «កម្ពុជាថ្មី» តាមទូរស័ព្ទថាលោក ពិតជាមានភាគហ៊ុនជាមួយបងប្អូនដែលនាំចូលផលិតផលខាងលើប្រាកដមែន។ លោកបញ្ជាក់ថា បន្ថែមមូលហេតុដែលលោកបោះទុនចូលភាគហ៊ុននោះដោយសារមានទំនុកចិត្ត និងជឿជាក់ថាផលិតមួយនេះអាចបំពេញតម្រូវការដល់អតិថិជននៅក្នុងស្រុក ព្រោះជាប្រភេទឡេដែលផ្ដល់សំណើមខ្ពស់ដល់ស្បែកធ្វើឲ្យស្បែកស ទន់ ម៉ត់ រលោង ជាពិសេសចូលដល់រដូវធ្លាក់ខ្យល់ប្រភេទឡេអឹមស៊្មូត កាន់តែផ្តល់ភាពជឿជាក់ដល់អតិថិជនគ្រប់ទីកន្លែង។

សូមបញ្ជាក់ថា តារាចម្រៀងលោកជុំ លីណូ ថ្មីៗនេះក៏បានរកឃើញផលិតកម្មធំ ដើម្បីឈរឈ្មោះឡើងវិញហើយបន្ទាប់ពីអវត្តមានក្លាយជាអ្នកចម្រៀងឯករាជ្រ ក្រៅផលិតកម្មមានរយៈពេលច្រើនឆ្នាំកន្លងមកនោះ។ ផលិតកម្មថ្មីដែលលោកចូលច្រៀងនោះគឺ Galaxy៕

អត្ថបទ៖ ចាន់រ៉ា