ជីវិតកម្សាន្ដ

ភាគហ៊ុន YG កាន់តែធ្លាក់ចុះ បន្ទាប់ពី Jennie បើកក្រុមហ៊ុនផ្ទាល់ខ្លួន

បានផុស

១ year មុន

នៅ

ថ្ងៃពុធ ២៧ ធ្នូ ២០២៣

ដោយ

កាលពីថ្ងៃទី២៦ ខែធ្នូ ទីផ្សារនៃភាគហ៊ុនរបស់ YG Entertainment បានធ្លាក់ចុះម្តងទៀតនៅព្រឹកព្រលឹមនៃការបើកទីផ្សារ។ នោះត្រូវបានគេជឿថា វាជះឥទ្ធិពលដោយសារព័ត៌មានរបស់ Jennie សមាជិកក្រុម BLACKPINK ស្ថិតក្រោមផលិតកម្មយក្សមួយនេះ ដែលបង្កើតក្រុមហ៊ុនផ្ទាល់ខ្លួនរបស់នាង។

គិតត្រឹមម៉ោង ១០:០៨ ព្រឹក ថ្ងៃទី ២៦ ខែធ្នូ នៅថ្ងៃដដែលនេះ ភាគហ៊ុនរបស់ YG Entertainment ត្រូវបានជួញដូរក្នុងតម្លៃ ៥១,០០០ វ៉ុន (ប្រហែល ៣៩ ដុល្លារ) ដែលជាការថយចុះចំនួន ១,៩០០ វ៉ុន (៣.៦៥%) បើប្រៀបធៀបទៅនឹងថ្ងៃជួញដូរមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមក នៅថ្ងៃផ្សេងទៀត Jennie បានប្រកាសជាផ្លូវការអំពីការបង្កើតផលិតកម្មឯកជនរបស់នាង ក្រោមស្លាកសញ្ញាដែលមានឈ្មោះថា ODDATELIER ឬហៅកាត់ថា OA តាមរយៈប្រព័ន្ធផ្សព្វផ្សាយសង្គម SNS ។ ចាប់ពីឆ្នាំក្រោយទៅ Jennie នឹងធ្វើសកម្មភាពទោលរបស់នាងនៅក្រោមស្លាកកំណត់ត្រាផ្ទាល់ខ្លួន ខណៈដែលសកម្មភាពជាក្រុម នឹងបន្តស្ថិតក្រោមការគ្រប់គ្រងរបស់ YG Entertainment ដដែល។

យ៉ាងាំក៏ដោយ ការពិតដែលថាភាគហ៊ុនរបស់ YG ធ្លាក់ចុះខ្លាំងម្ដងទៀតនេះ បន្ទាប់ពីការប្រកាសស្លាកយីហោឯកជនរបស់ Jennie វាបានបង្ហាញម្តងទៀតពីឥទ្ធិពលដ៏អស្ចារ្យដែលតារាស្រីល្បីៗក្នុងវិស័យ K pop ថា ពួកនាងពិតមានមិនធម្មតានោះទេ។

សូមបញ្ជាក់ដែរថា កាលពីដើមខែនេះក្រុម BLACKPINK បានចុះកិច្ចសន្យាផ្តាច់មុខជាមួយផលិតកម្ម YG Entertainment សម្រាប់សកម្មភាពក្រុម។ ទោះជាយ៉ាងណាក៏ដោយ វាទំនងជាថាសមាជិកដូចជា Jennie អាចបន្តដំណើរផ្ទាល់ខ្លួនសម្រាប់សកម្មភាពទោលតែប៉ុណ្ណោះ៕