ជីវិតកម្សាន្ដ

បទ FLOWER របស់ Jisoo បង្កើតកំណត់ត្រាថ្មីមានអ្នកទស្សនាច្រើនជាងគេក្នុងឆ្នាំនេះ

បានផុស

១ year មុន

នៅ

ថ្ងៃពុធ ២៧ ធ្នូ ២០២៣

ដោយ

ឆ្នាំ ២០២៣ គឺជាឆ្នាំមួយទៀតដែលក្រុម BLACKPINK ទទួលបានភាពជោគជ័យដ៏អស្ចារ្យ មិនថាជាការងារក្រោមឈ្មោះក្រុមតន្ត្រី ឬការងារទោលដោយបុគ្គលម្នាក់ៗនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងកាលពីពេលថ្មីៗនេះផងដែរ YouTube Music បានចេញផ្សាយការសង្ខេបបទចម្រៀងពេញនិយមរបស់សិល្បករជាច្រើនដែលត្រូវបានចាក់ផ្សាយពេញមួយឆ្នាំ២០២៣។ លទ្ធផលបង្ហាញថា Jisoo សមាជិកក្រុម BLACKPINK បានបំបែកកំណត់ត្រាថ្មីមួយ ដោយក្លាយជាសិល្បករតែមួយគត់ដែលមានចំនួនអ្នកទស្សនាច្រើនជាងគេក្នុងឆ្នាំនេះ។ ស្របពេលដែល FLOWER គឺ ចេញផ្សាយនៅថ្ងៃទី ៣១ ខែមីនា ការស្ទ្រីមសរុបមានចំនួន ៨០១លាននាក់ឯណោះ។

ចំណាត់ថ្នាក់លេខពីរ គឺបទចម្រៀង Seven ដោយ Jungkook សមាជិកក្រុម BTS ដែលមានអ្នកចូលទស្សនាជាង ៦០៩ លានដង ហើយចំណាត់ថ្នាក់លេខ ៣ គឺ Queencard មកពីក្រុមចម្រៀងស្រី G-IDLE ដែលមានអ្នកចូលទស្សនាជាង ៥៥០ លានដង។

យ៉ាងណាមិញ សម្រាប់ឆ្នាំ២០២៣នេះសមាជិកក្រុម BLACKPINK ម្នាក់ៗសុទ្ធតែទទួលបានជោគជ័យលើអាជីពរៀងៗខ្លួនក្នុងពេលដែល Jennie បើកក្រុមហ៊ុនផ្ទាល់ខ្លួនដែលមានឈ្មោះថា ODDATELIER ឬហៅកាត់ថា OA ខណៈ Lisa បានបំបែកកំណត់ត្រាលើ IG ដោយមានអ្នកតាមដាន១០០លាននាក់៕