ជីវិតកម្សាន្ដ

ពេជ្រ សោភា ទម្លាយរឿងបែកគ្នាជាមួយ ឆឹម សក្កដា ខណៈអ្នកគាំទ្រយល់ថាជាការសម្តែង

បានផុស

១២ ខែ មុន

នៅ

ថ្ងៃព្រហស្បតិ៍ ២៨ ធ្នូ ២០២៣

ដោយ

តារាចម្រៀងអ្នកនាង ពេជ្រ សោភា ថ្មីៗនេះបានទម្លាយយ៉ាងភ្ញាក់ផ្អើលថា ចំណងស្នេហារវាងនាង និងគូរដណ្ដឹងលោក ឆឹក សក្កដា ពេលនេះបានដើរដល់ផ្លូវបែកបាក់គ្នាហើយដោយនាងលើកហេតុផលថាមានជនទី៣ជ្រែកស្នេហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការកត់សម្គាល់នៅលើបណ្តាញសង្គមហ្វេសប៊ុករបស់អ្នកនាង ពេជ្រ សោភា ជារឿយៗគេតែងឃើញនាងបង្ហោះខ្លឹមសារហាក់កំពុងជួបបញ្ហាវិបត្តិផ្លូវចិត្តធ្វើឲ្យអ្នកគាំទ្រមួយចំនួនដាក់ការសង្ស័យលើការប្រះឆាស្នេហ៍ជាមួយគូរដណ្តឹងគឺលោក ឆឹម សក្កដា។ ទោះបីយ៉ាងណាស្រាប់តែថ្មីៗនេះ ពេជ្រ សោភា ក៏បានបង្ហោះខ្លឹមសារខ្លីបញ្ជាក់ថា“ពួកយើងបែកគ្នាហើយ”។ ជាមួយការលើកឡើងនេះ បានធ្វើឲ្យអ្នកគាំទ្រចូលខមមិនថាសម្តីនេះគឺ សោភា អាចគ្រាន់តែនិយាយលេងសើចប៉ុណ្ណោះ។

អ្នកនាង ពេជ្រ សោភា បានរៀបរាប់ឆ្លើយតបតាមរយ: ការ Live ថា «គ្មានមិត្ត ១០០ឆ្នាំទេ ព្រោះយើងបែកគ្នាហើ យ….ឥឡូវខ្ញុំបែកគ្នាហើយ ចំណែកអ្នកដែលលួចស្រលាញ់គេនៅពេលឃើញគេបែកគ្នាសប្បាយហើយមើលទៅ»។ ពេជ្រ សោភា បានបន្តថា «ជឿខ្ញុំទៅស្រលាញ់គ្នាសុខៗគ្មានអ្នកណាចង់នៅម្នាក់ទេ គឺគ្មានទេហើយ មិនដែលកំពុងឱបគ្នាសុខៗចង់នៅម្នាក់ឯងឡើយហើយបើស្រលាញ់គ្នាកុំសូវជួបគ្នាញឹកពេកនាំឲ្យបញ្ហា»។

និយាយដល់ចំណុចនេះមានអ្នកគាំទ្រនាងសួរថាចង់ Prank លេងមែន ? ភ្លាមៗនោះ ពេជ្រ សោភា បានបញ្ជាក់ថា “ខ្ញុំបែកគ្នាមែនតើ ខ្ញុំបែកគ្នាម្តងហ្នឹងមិនទុកឲ្យខ្លួនខ្ញុំទំនេរយូរទេ ខ្ញុំបែកគ្នាភ្លាម ខ្ញុំមានភ្លាមតែម្តងចាំមើលខ្ញុំផុសអ្នកថ្មី…..បែកគ្នាមែនតើដែលឃើញជុំគ្នាអត់? មនុស្សរាប់អានគ្នាទោះបីខ្ញុំបែកគ្នាក៏ខ្ញុំរក្សាមិត្តភាពជាធម្មតាមិនចាំបាច់ឈ្លោះបញ្ចោរគ្នាឬ Live ប្រាប់គេថាឈ្លោះគ្នា គឺអត់ទេ“។

ទន្ទឹមគ្នាជាមួយការទម្លាយរឿងរ៉ាវបែកបាក់ស្នេហ៍ជាមួយគូរដណ្ដឹងយ៉ាងភ្ញាក់ផ្អើលនេះដែរ ពេជ្រ សោ ភា ក៏ពន្លយពាក្យត្រៀមបង្ហាញមុខជនទី៣ ដែលចូលមកជ្រៀតជ្រែកស្នេហ៍នាងផងដែរ។

យ៉ាងណា មហាជន និងអ្នកគាំទ្រមួយចំនួនបានគិតថា ការលើកឡើងរបស់ ពេជ្រ សោភា ខាងលើនេះអាចជាការនិយាយលេងសើច ខណៈថ្មីៗនេះនាងទើបចេញបទចម្រៀងមានចំណងជើងថា “គេចង់នៅម្នាក់ឯង” ដោយក្នុងនោះនាងក៏បានបង្ហោះខ្លឹមសារឲ្យស៊ីជម្រៅត្រូវនឹងអត្ថន័យ បទចម្រៀងនោះផងដែរ។

ខ្លឹមសារនោះអ្នកនាង ពេជ្រ សោភា បានរៀបរាប់ថា គេចង់នៅម្នាក់ឯងមួយរយៈសិនពាក្យទាំងនេះខ្ញុំដឹងថាគ្រាន់តែជាលេសជំនួសពាក្យបែក បើចង់បែកប្រាប់ខ្ញុំចំៗមកជូនពរ។ ដោយឡែក គេចាំបានថា កាលពីអំឡុងចុងខែកក្កដា ឆ្នាំ២០២៣ កន្លងទៅគេបានឃើញអ្នកទាំងពីរបង្ហាញនូវភាពផ្អែមល្ហែមជាមួយការផ្តិតមេដៃនៅលើក្រដាសស្នាមមួយ។

ប៉ុន្តែយ៉ាងណា តាមរយៈការផ្តិតមេដៃនេះពុំមែនជាមេដៃលែងលះគ្នាទេ ពោលគឺជាដំណឹងល្អរបស់ពួកគេទាំងពីរ។ នៅក្នុងវីដេអូនេះតារាសម្តែងលោក ឆឹម សក្កដា បានចោទជាសំណួរទៅកាន់ ពេជ្រ សោភា ថា តើនេះជាការផ្តឹមមេដៃលែងលះគ្នាមែនទេ?។ ភ្លាមៗនោះតារាចម្រៀង ពេជ្រ សោភា បានឆ្លើយតបវិញ ថា «ម៉េចត្រូវលែងលះ»។ តារាស្រី ពេជ្រ សោភា បានបញ្ជាក់ទៀតថាស្នាមមេដៃនេះជាការចុះអេតាស៊ីវិលដោយមានការដឹង ឮរបស់មេធាវីត្រឹមត្រូវ។

អ្នកនាង ពេជ្រ សោភា បានពន្លយពាក្យខ្លីទៀតថា ដាច់ឆ្នាំនឹងយើងនឹងប្តូរពីឈ្មោះគូរដណ្ដឹងមកជាប្តីប្រពន្ធវិញ។ ខណៈលោក ឆឹម សក្កដា ក៏បាននិយាយដែរថា ឈប់ញ៉ែខ្ញុំចាប់ពីថ្ងៃនេះតទៅ។ តាមរយៈការលើកឡើ នេះដែរ គឺមានន័យថាអ្នកទាំងពីរអាចនឹងមានដំណឹងចូលរោងការនាដើមឆ្នាំក្រោយ(២០២៤)នេះ៕

អត្ថបទ៖ ចាន់រ៉ា