ជីវិតកម្សាន្ដ

រឿងរ៉ាវកំពុងផ្ទុះខ្លាំង នៅវិស័យកម្សាន្តក្នុងប្រទេសកូរ៉េខាងត្បូង ប្រចាំឆ្នាំ ២០២៣

បានផុស

១ year មុន

នៅ

ថ្ងៃសុក្រ ២៩ ធ្នូ ២០២៣

ដោយ

ក្រុមហ៊ុនប្រឹក្សាទិន្នន័យ PIMAI បានធ្វើការស្ទង់មតិផ្តោតលើបុគ្គលចំនួន ៣០០០ ដែលមានអាយុពី ២០ ទៅ ៦៩ ឆ្នាំទូទាំងប្រទេសកូរ៉េ ដោយសួរអំពីបញ្ហាកំពូលនៃឧស្សាហកម្មកម្សាន្តរបស់ប្រទេសកូរ៉េក្នុងឆ្នាំ ២០២៣។

ការស្ទង់មតិបានបង្ហាញថា ករណីគ្រឿងញៀនដ៏ល្បីល្បាញ ទទួលបានចំណាត់ថ្នាក់លេខ១ ជាមួយនឹងការបោះឆ្នោត (៣១.៣ភាគរយ) ដូចដែលបានប្រកាសនៅថ្ងៃទី ២៨ ខែធ្នូ ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីមានភាពចម្រូងចម្រាសគ្រឿងញៀនពាក់ព័ន្ធនឹង Yoo Ah-in កាលពីដើមឆ្នាំនេះ ការចោទប្រកាន់លើការប្រើប្រាស់គ្រឿងញៀនរបស់ Lee Sun-kyun និង G-Dragon បានកើតឡើងនៅក្នុងខែតុលា ដែលបានក្លាយជាបញ្ហាសង្គមធ្ងន់ធ្ងរនៅក្នុងប្រទេសកូរ៉េ។ Lee Sun-kyun ដែលស្ថិតក្រោមការស៊ើបអង្កេតរបស់ប៉ូលិស ត្រូវបានគេរកឃើញថាស្លាប់កាលពីថ្ងៃទី ២៧ ខែធ្នូ។ ក្រោយមក មានសេចក្តីរាយការណ៍មកថា ភរិយារបស់លោក គឺតារាសម្តែង Jeon Hye-jin កំពុងរក្សាការប្រុងប្រយ័ត្នពីភ្នែកមហាជន។

ចំណាត់ថ្នាក់ទី២ បានទៅ KBS’s Greatest Crisis’ (១៤.០ភាគរយ) ។ KBS បានប្រឈមមុខនឹងវិបត្តិដ៏ធំបំផុតរបស់ខ្លួនក្នុងរយៈពេល ៥០ ឆ្នាំដោយសារតែការធ្លាក់ចុះផ្នែកហិរញ្ញវត្ថុដែលបានព្យាករណ៍ពីការបំបែកនៃការប្រមូលថ្លៃផ្សាយ និងបញ្ហាប្រឈមជាបន្តបន្ទាប់ដូចជាការគ្រប់គ្រងខ្ជិល និងការបាត់បង់ការប្រកួតប្រជែងមាតិកា។

ចំណែកចំណាតថ្នាក់លេខ៣ និងទី ៤ ត្រូវបានកាន់កាប់ដោយ BTS Military Enlistment (១១.០ភាគរយ) និង Physical 100 K-Content Power’ (៨.៥ភាគរយ) រៀងគ្នា។

ដោយឡែក ចំណាតថ្នាក់លេខ៥ ត្រូវបានយកដោយជម្លោះកិច្ចសន្យាដែលកើតចេញពីជម្លោះរវាង FIFTY FIFTY និងភ្នាក់ងាររបស់ពួកគេ (៨.៣ភាគរយ) ។

ព័ត៌មាននៃការធ្លាក់ចុះនៅក្នុងខ្សែភាពយន្តកូរ៉េជាប់ចំណាត់ថ្នាក់ទី ៦ (៨.១ភាគរយ) បន្ទាប់មកដោយការតស៊ូអំណាចសម្រាប់សិទ្ធិគ្រប់គ្រងរបស់ SM Entertainment នៅលេខ ៧ (៦.ភាគរយ)។ ព័ត៌មាននៃខ្សែភាពយន្តជប៉ុនដែលទទួលបានជោគជ័យដូចជា ‘The First Slam Dunk’ និង Suzume ចំពេលមានការធ្លាក់ចុះជាបន្តបន្ទាប់នៃភាពយន្តកូរ៉េបានជាប់ចំណាត់ថ្នាក់ទី ៨ (៤.៨ភាគរយ) ។

យ៉ាងណាមិញ ក្នុងនោះក៏មានដំណឹងអកុសលនៃការស្លាប់ផងដែរ ដោយ Yoon Jung-hee, Hyun Mi, Byun Hee-bong និងការស្លាប់របស់ Seo Se-won ជាប់ចំណាត់ថ្នាក់ទី ៩ (៤.៧ភាគរយ) ។ ជាចុងក្រោយ ព័ត៌មាននៃការលែងលះរបស់គូស្នេហ៍តារាល្បីៗ ទទួលបានចំណាត់ថ្នាក់ទី ១០ (៣.០ភាគរយ) ៕

អត្ថបទ៖ សាង ស្រីល័ក្ខ

ចុចអាន៖សូម្បីតែពិធីបុណ្យសព Lee Sun Kyun ត្រូវរំខានដោយភ្ញៀវដែលមិនបានអញ្ជើញ