ជីវិតកម្សាន្ដ

តារាសម្ដែងជើងចាស់ គង់ ប៊ុនសុន ត្អូញត្អែរលក់នំមិនដាច់ លើកដៃសំពះសុំសប្បុរសជនជួយ

បានផុស

១ year មុន

នៅ

ថ្ងៃសៅរ៍ ៣០ ធ្នូ ២០២៣

ដោយ

អតីតតារាភាពយន្តជើងចាស់អ្នកស្រី គង់ ប៊ុនសុន គេសង្កេតឃើញថា បច្ចុប្បន្នជីវិតកាន់តែជួបការលំបាកខ្លាំង ខណៈមុខរបរលក់នំនៅតាមចិញ្ចើមផ្លូវមិនសូវលក់ដាច់ ពោលរកបានព្រឹកខ្វះល្ងាច។ តែទោះយ៉ាងណា តារាជើងចាស់រូបនេះ នៅប្រឹងខំត្រដរលក់នំចិញ្ចឹមជីវិត ហាលក្តៅ ខ្យល់ ភ្លៀង ដើម្បីក្រពះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមកតារាសម្តែងអ្នកស្រី គង់ ប៊ុនសុន ក៏បានធ្លាក់ខ្លួនឈឺដេកដួលនៅលើកន្ទេលក្នុងបន្ទប់ជួលតែម្នាក់ឯងគួរឲ្យអាណិត និងសង្វេគបំផុត។ យ៉ាងណា ដោយសារការខ្វះខាត និងលក់នំមិនសូវដាច់ ថ្មីៗ នេះ អ្នកស្រី គង់ ប៊ុនសុន បានត្អូញត្អែរលក់នំមិនដាច់ លើកដៃសំពះសុំសប្បុរសជនជួយឧបត្ថម្ភចិញ្ចឹមជីវិត។

អ្នកស្រីបានរៀបរាប់ថា «ក្នុងឱកាសឆ្នាំសកល ឆ្នាំថ្មី ២០២៤ នេះ នាងខ្ញុំ សូមជូនពរបងប្អូនគ្រប់ក្រុមគ្រួសារ សូមមានសេចក្ដីសុខ សុភមង្គល សំណាងល្អ។ នាងខ្ញុំ សុំកាដូរ ព្រោះនាងខ្ញុំលក់នំមិនសូវដាច់ទេ ដាច់ដើម ហើយសុំការឧបត្ថម្ភតិចតួចតាមរយៈ QR code ខ្ញុំ ខាងក្រោមនេះ សូមអរគុណ»។

កត់សម្គាល់ តារាសម្តែង គង់ ប៊ុនសុន ត្រូវបានអ្នកធ្វើដំណើរប្រទះឃើញអង្គុយលក់នំហាលខ្យល់ភ្លៀងរងាញ័រខ្លួន ដើម្បីរកប្រាក់ចិញ្ចឹមជីវិត ព្រោះរាល់ថ្ងៃគាត់មានវ័យកាន់តែចាស់ទៅហើយ។ តាមរយៈរូបភាពដែលបានបង្ហោះនៅលើបណ្ដាញសង្គមហ្វេសប៊ុក បង្កការចាប់អារម្មណ៍ និងក្តីអាណិតអាសូរសម្រាប់មហាជនអ្នកគាំទ្រ ពិសអ្នកធ្វើដំណើរឆ្លងកាត់។

អ្នកស្រី គង់ ប៊ុនសុន គឺជាសិល្បការិនីម្នាក់ ក្នុងចំណោមអ្នកសិល្បៈវ័យជរាមួយចំនួនទៀត ដែលកំពុងមានជីវភាពខ្វះខាត និងជំងឺប្រចាំកាយ។ ប៉ុន្តែអ្វីដែលអភ័ព្វជាងគេទៀតនោះ ពុំមានកូនចៅដែលមានដៃរឹងស្មាមាំជួយជ្រោមជ្រែងនោះទេ ដោយគាត់ត្រូវដើររាល់ថ្ងៃ ដើម្បីលក់នំតាមផ្លូវ ឬ បាំងឆ័ត្រអង្គុយលក់នំពេលមេឃកំពុងរលឹម និងហាលខ្យល់ថ្ងៃជាដើម៕

អត្ថបទ ៖ ចាន់រ៉ា