ជីវិតកម្សាន្ដ

អាន គុណកូឡា រកបានទ្រនំផលិតកម្មថ្មី ក្រោយស្ងប់ស្ងាត់សិល្បៈមួយរយៈ

បានផុស

១ year មុន

នៅ

ថ្ងៃពុធ ៣ មករា ២០២៤

ដោយ

ទីបំផុត តារាចម្រៀងម្ចាស់បទ “សង្សារ ១ ថ្ងៃ សង្សារ ១ ជីវិត” លោក អាន គុណកូឡា បានរកឃើញទ្រនំផលិតកម្មថ្មី ដើម្បីឈរឈ្មោះវិញហើយ បន្ទាប់ពីអវត្តមានក្លាយជាអ្នកចម្រៀងឯករាជ្យក្រៅផលិតកម្មមួយរយៈពេលកន្លងមកនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ តារាចម្រៀងលោក អាន គុណកូឡា មួយរយៈចុងក្រោយនេះ ត្រូវបានទស្សនិកជនកត់សម្គាល់ថា សម្រាប់អាជីពសិល្បៈហាក់មិនមានសន្ទុះដូចមុនៗ ឡើយ ពោល ចាប់តាំងពីលោកបាត់មុខមួយរយៈមក។ ចំពោះការបាត់មុខរបស់លោក អាន គុណកូឡា ពីវិថីសិល្បៈចម្រៀងច្រើនឆ្នាំមកនោះ បានធ្វើឲ្យអ្នកគាំទ្រមានចម្ងល់គ្រប់គ្នា ដោយយល់ថា លោកបោះបង់ការងារសិល្បៈចោលទាំងស្រុង ខណៈកន្លងមកហាក់មិនដែលឃើញលេចមុខលើឆាកប្រគំតន្ត្រីតាមកម្មវិធីនានាទេ។

យ៉ាងណាមិញ ក្រោយមកក៏ស្រាប់តែលេចឮដំណឹងថា លោកបានសម្រេចវិលចូលវិថីសិល្បៈជាថ្មីឡើងវិញជាមួយឱកាសចូលច្រៀងនៅផលិតកម្មថ្មីសាន់ដេ ជាផ្លូវការផងដែរ។ លោក អាន គុណកូឡា បានបញ្ជាក់ថា «ខ្ញុំបាទ អាន គុណកូឡា សូមថ្លែងអំណរគុណដល់អគ្គនាយកក្រុមហ៊ុនផលិតកម្មសាន់ដេ ដែលបានផ្តល់កិត្តិយស និងវត្តមាន ខ្ញុំបាទ បានចូលក្នុងមហាគ្រួសារសាន់ដេ»។

លោកបាននិយាយបន្តថា «ខ្ញុំបាទ អាន គុណកូឡា សូមគោរពជូនពរលោកអគ្គនាយក និងក្រុមការងាររបស់ផលិតកម្មសាន់ដេ គ្រប់ជាន់ថ្នាក់ មានសុខភាពល្អ និងជោគជ័យគ្រប់ភារកិច្ច»។ ចំណែកនៅលើផេកផ្លូវការរបស់ផលិតកម្មសាន់ដេ ក៏បានប្រកាសពីដំណឹង នៃការស្វាគមន៍តារាចម្រៀងលោក អាន គុណកូឡា ផងដែរ។

ផលិតកម្មសាន់ដេ បានលើកឡើងថា «Wow ត្រឡប់មកវិញជាមួយម្ចាស់បទ”សង្សារ ១ ថ្ងៃ សង្សារ ១ ជីវិត” សូមស្វាគមន៍ លោក អាន គុណកូឡា ចូលមកគ្រួសារសាន់ដេ ជាផ្លូវការ តស់ អ្នកណាហ្វេនៗ idol ខ្លះ កុំភ្លេចរង់ចាំបទថ្មី idol នៅថ្ងៃស្អែកម៉ោង ១២ ថ្ងៃត្រង់ លើយូធូប Sunday Production បទ: ស្រលាញ់អ្នកណាជ្រើសអ្នកនោះទៅ ច្រៀងដោយ : អាន គុណកូឡា»៕

អត្ថបទ ៖ ចាន់រ៉ា