ជីវិតកម្សាន្ដ

រយៈពេល១៧ឆ្នាំ Yoona នៅតែស្មោះត្រង់ជាមួយផលិតកម្ម SM ហើយយល់ព្រមបន្តកុងត្រាលើកទី៣

បានផុស

១ year មុន

នៅ

ថ្ងៃព្រហស្បតិ៍ ៤ មករា ២០២៤

ដោយ

យោងតាម OSEN នៅថ្ងៃទី ០៤ ខែមករា Yoona បានបញ្ចក់ពីការបន្តកុងត្រាជាមួយផលិតកម្មចាស់របស់នាង SM Entertainment ដោយនេះបង្ហាញពីការរក្សាភាពស្មោះត្រង់មិនផ្លាស់ប្តូរ ចាប់តាំងពីការបង្ហាញខ្លួនដំបូងរបស់សមាជិកក្រុម Girls’ Generation កាលពី ១៧ ឆ្នាំមុន។

បង្ហាញខ្លួនលើកដំបូងក្នុងឆ្នាំ ២០០៧ ក្នុងនាមជាសមាជិកក្រុម Girls’ Generation Yoona នាងបានចុះហត្ថលេខាលើកុងត្រាលើកទី៣ជាមួយផលិតកម្ម SM Entertainment។ ដំណើរការបន្តត្រូវបានបញ្ចប់ដោយរលូន ដោយផ្អែកលើការជឿជាក់ និងទំនុកចិត្តគ្នាទៅវិញទៅមករវាងសិល្បករ និងក្រុមហ៊ុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Yoona បានឡើងដល់លំដាប់កំពូលតារាទាំងការច្រៀងនិងការសម្ដែង ជាមួយនឹងសកម្មភាពដែលលាតសន្ធឹងលើកម្មវិធីផ្សេងៗ ការធ្វើជាម្ចាស់ផ្ទះ Gayo Daejejeon របស់ MBC អស់រយៈពេល៩ឆ្នាំជាប់ៗគ្នា និងសមត្ថភាពដ៏ពូកែក្នុងរឿងភាគ និងភាពយន្ត Yoona បន្តទទួលបានក្តីស្រឡាញ់ដ៏ធំធេងពីសាធារណជនទូទាំងពិភពលោក។

អ្វីដែលគួរឲ្យកត់សម្គាល់នោះគឺភាពលេចធ្លោរបស់នាងក្នុងការសម្ដែងថ្មីៗនេះក្នុងភាពយន្ត “Confidential Assignment” រហូតទទួលបានការទស្សនានិងភាពទាក់ទាញពីទស្សនិកជនចំនួន ៧.៨ លាននាក់ និង៧ លាននាក់រៀងគ្នា។ ក្នុងឆ្នាំ ២០១៩ ‘Exit’ ដែលមាន Yoona ដើរតួជាតួឯក បានប្រមូលផ្តុំអ្នកទស្សនា ៩.៤២ លាននាក់។ ជោគជ័យទាំងនេះបានពង្រឹងតួនាទីរបស់ Yoona ជាមហាក្សត្រី Box Office សឹងតែរាល់ឆ្នាំ។

លើសពីនេះទៀតសោត ការសម្ដែងរឿងភាគទូរទស្សន៍របស់នាងដ៏គួរឲ្យចាប់អារម្មណ៍ នោះគឺ ’Big Mouth’ របស់ MBC ដែលចាក់ផ្សាយក្នុងឆ្នាំ២០២២ ទទួលបានអ្នកទស្សនាខ្ពស់បំផុត ១៣.៧% នៅទូទាំងប្រទេស។ រឿង ‘King the Land’ របស់ JTBC ដែលនាងបានសម្តែងជាមួយ Lee Junho កាលពីឆ្នាំមុន ទទួលបានការវាយតម្លៃដល់ទៅ ១៣.៨% ឯណោះ។

គួរកត់សម្គាល់ថា ‘King the Land’ បានទទួលចំណាត់ថ្នាក់លេខ១ នៅក្នុងចំណាត់ថ្នាក់ទូរទស្សន៍កំពូលទាំង ១០ របស់ Netflix (ភាសាអង់គ្លេស និងមិនមែនភាសាអង់គ្លេស) កំឡុងពេលចាក់ផ្សាយរបស់ខ្លួន។ នេះជាលើកដំបូងដែលរឿងភាគដែលចាក់ផ្សាយក្នុងស្រុកដោយមិនរាប់បញ្ចូលរឿងភាគដើមរបស់ Netflix ដែលបានឈរនៅកំពូលតារាងចាប់តាំងពី ‘Extraordinary Attorney Woo’។ ‘King the Land’ ទទួលបានការចាប់អារម្មណ៍យ៉ាងខ្លាំងនៅទូទាំងពិភពលោក ដោយធ្វើឲ្យ Yoona ទទួលបានងារជាមហាក្សត្រីបែបកំប្លែងរ៉ូមែនទិក។

យ៉ាងណាក៏ដោយ Yoona គ្រោងនឹងចាប់ផ្តើមឆ្នាំថ្មីជាមួយនឹងការជួបអ្នកគាំទ្រនៅទីក្រុងសេអ៊ូលនៅថ្ងៃទី ៦-៧ ខែមករា។ បន្ទាប់ពីនេះ នាងនឹងចាប់ផ្ដើមដំណើរទេសចរណ៍ជួបជុំអ្នកគាំទ្រអាស៊ីក្នុងទីក្រុងសរុបចំនួន៨។ ជាងនេះទៅទៀត ក្នុងនាមជាតារាសម្ដែង នាងកំពុងទន្ទឹងរង់ចាំការបញ្ចាំងភាពយន្តបែបកំប្លែងមនោសញ្ចេតនាថ្មីរបស់នាងរឿង ‘2 O’Clock Date’នាងពេលខាងមុខ៕

អត្ថបទ៖ សាង ស្រីល័ក្ខ

ចុចអាន៖ដើមឆ្នាំ ២០២៤ Lee Jong-suk ប្រកាសកុងត្រាផ្តាច់មុខជាមួយទ្រនំថ្មី