ជីវិតកម្សាន្ដ

តាមពិតតួកាច Benz កាត់សក់លេងស្ទីលថ្មីដោយសារចង់រម្លឹក២៤ឆ្នាំមុន ដែលនាងដើរតួដណ្ដើមស្វាមីគេ

បានផុស

១ year មុន

នៅ

ថ្ងៃសុក្រ ៥ មករា ២០២៤

ដោយ

តារាសម្ដែងជើងចាស់នាង Benz Pornchita កាលពីប៉ុន្មានថ្ងៃមុននេះទើបតែបង្ហោះនូវរូបភាពប៉ុន្មាសន្លឹកក្នុងស្ទីលតុបតែងខ្លួនប្លែកខុសមុន។ ក្រោយមកទើបដឹងថា នាងតុបតែងតាមស្ទាយចាស់កាល២៤ឆ្នាំមុន ដែលក្នុងភាពយន្តមួយមានចំណងជើងថា Mia Luang នាឆ្នាំ១៩៩៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីតារាសម្តែងស្រី Benz Pornchita Na Songkhla បង្អួតរាងរៅដ៏សិចស៊ីក្នុងឈុតក្រហមឆ្អិនឆ្អៅ ព្រមទាំងម៉ូដសក់កាត់រះច្រើនតង់។ មហាជនជាច្រើនបានសរសើរពីសម្រស់សាច់ចាំរបស់តួឆ្នាស់ឆ្នើមរូបនេះថា ពេលវេលាកន្លងទៅបែបណានាងនៅតែស្អាតបែបនាងដដែល។

យ៉ាងណាក៏ដោយ ដែលតាមការពិតនាងកាត់សក់លេងស្ទីលថ្មីនេះគឺដើម្បីរម្លឹកដល់ភាពយន្តមួយមានចំណងជើងថា Mia Luang ផលិតនៅឆ្នាំ១៩៩៩ ។ កាលណោះ Benz Pornchita សម្ដែងជាតួនាង Ornin ដណ្ដើមស្វាមីពីតួស្រី Wiganda ជាឧត្តមភរិយាដ៏ល្អស៊ូទ្រាំនឹងអាកប្បកិរិយាមិនសមរម្យរបស់ស្វាមីជានិច្ច។

លើសពីនេះ Benz Pornchita បានសរសេរខេបសិនលើគណនី IG ផ្ទាល់ខ្លួនថា “Ornin បានត្រឡប់មកវិញហើយ! មានអ្នកណាចាំរឿងនេះទេ? អ្នកណាខ្លះធ្លាប់កាត់សក់បែបនេះ ប្រាប់ខ្ញុំផង” មុននឹងបន្ថែម hashtags #MiaLuang #Orin។

យ៉ាងណាក៏ដោយ ក្រោយបានឃើញរូបភាពរបស់នាងប៉ុន្មានសន្លឹករួចមក អ្នកគាំទ្រជាច្រើន សម្រុកចូលទៅបញ្ចេញមតិ សរសើរពីសម្រស់ និងភាពស៊ិចស៊ីរបស់នាង។ ទោះបីជានាងជាសព្វថ្ងៃ នាងក្លាយជាម្តាយដែលមានកូន ៣នាក់ក៏ដោយ ប៉ុន្តែគ្រប់គ្នានៅតែចាត់ទុកថា តួនាទីមួយនេះហើយដែលនាំឲ្យតារាស្រី Benz លេចមុខក្នុងវិស័យសិល្បៈមកទល់សព្វថ្ងៃ។

មិនត្រឹមប៉ុណ្ណឹងនោះទេ អ្នកគាំទ្របានលើកទឹកចិត្តឲ្យនាងត្រលប់មកសម្តែងវិញ បើទោះបីជាភាពយន្ត Mia Luang បានកន្លងផុតទៅ ២៤ឆ្នាំ និងត្រូវបានគេផលិតឡើងវិញជាច្រើនកំណែហើយក្ដី។ ប៉ុន្តែបើយើងក្រឡេកទៅមើលទេពកោសល្យសម្ដែងរបស់តារាជើងចាស់រូបនេះ ច្បាស់ជាគ្មានអ្នកណាហ៊ានដូចជំនាន់ Benz ទេ៕