ជីវិតកម្សាន្ដ

Jennie ទម្លាយអារម្មណ៍ពិតថា លែងគេងលក់ក្រោយ Lee Hyori ធ្លាប់ធ្វើសកម្មភាពមួយដាក់នាង

បានផុស

១ year មុន

នៅ

ថ្ងៃសុក្រ ៥ មករា ២០២៤

ដោយ

អំឡុងពេលសមាជិកក្រុម BLACKPINK បង្ហាញខ្លួនក្នុងកម្មវិធី “The Seasons Season 4: Lee Hyori’s Red Carpet” របស់ Lee Hyori តារាស្រីរូបនេះបានបង្ហាញថាពិធីការនីរូបនេះបានធ្វើអ្វីមួយដែលធ្វើឲ្យនាងគេងមិនលក់។

កាលពីថ្ងៃទី ០២ ខែមករា ការថតជាលើកដំបូងសម្រាប់រដូវកាលទី៤ នៃ “The Seasons: Lee Hyori’s Red Carpet” ត្រូវបានធ្វើឡើងនៅអគារថ្មីរបស់ KBS ក្នុងទីក្រុង Yeouido-dong សង្កាត់ Yeongdeungpo-gu ទីក្រុងសេអ៊ូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីការបង្កើតទីភ្នាក់ងារទោលរបស់នាង ODD ATTELIER (OA) Jennie បានបង្ហាញខ្លួនជាភ្ញៀវសម្រាប់ការថតកម្មវិធីលើកដំបូង។ សមាជិកក្រុម BLACKPINK បានបង្ហាញឈុតជាមួយនឹងផ្កាសម្រាប់ Lee Hyori ។

យ៉ាងណាក៏ដោយ មុនជួបមុខគ្នា សមាជិកក្រុម BLACKPINK រូបនេះបានសរសេរសំបុត្រទៅកាន់ Lee Hyori ថា “អបអរសាទរវគ្គទីមួយនៃ ‘The Seasons’ អរគុណដែលបានអញ្ជើញខ្ញុំ។ ខ្ញុំមិនអាចសប្បាយចិត្តជាងនេះទេ ដែលបានជួបនិងស្គាល់អ្នកដែលជា idol របស់ខ្ញុំជារៀងរហូត។ ខ្ញុំពិតជាស្រឡាញ់អ្នកច្រើន”។

ជាការឆ្លើយតប Lee Hyori បាននិយាយបែបលេងសើចទៅកាន់ Jennie ថា នាងមិនបានផ្តល់ព័ត៌មានកិច្ចសន្យារបស់នាងទេ។ ទោះបីជាបែបនេះក្ដី នាងបានអរគុណ Jennie ដោយស្មោះចំពោះសារផ្ញើមកនាង។ បន្ទាប់មក Lee Hyori បានបញ្ចេញមតិលើប្រជាប្រិយភាពដ៏លើសលប់របស់ Jennie ថា “ពេលខ្ញុំគិតពី Jennie ខ្ញុំចាំថា មានមនុស្សប៉ុន្មាននាក់មកពីជុំវិញពិភពលោកចង់អញ្ជើញនាងមែនទេ? នាងរវល់ណាស់”។

ប៉ុន្តែ Jennie បានបង្ហើបវិញថានាងគឺជាអ្នកគាំទ្រ Hyori “នៅពេលដែលខ្ញុំបានទទួលការហៅឲ្យមកទីនេះ ខ្ញុំពិតជាភ័យណាស់ ព្រោះខ្ញុំខកខានបង្ហាញមុខមួយរយៈហើយ ស្រាប់តែបង្ហាញវត្តមាននៅក្នុងកម្មវិធីទូរទស្សន៍មួយ។ ប៉ុន្តែខ្ញុំមកទីនេះដើម្បីជួប Hyori អរគុណដែលបានអញ្ជើញខ្ញុំ” ។

យ៉ាងណាមិញ នេះក៏មិនមែនជាលើកទីមួយនោះទេដែលអ្នកទាំងពីរជួបគ្នា ខណៈដែល Lee Hyori បានបង្ហាញទំនាក់ទំនងអតីតកាលរបស់នាងជាមួយសមាជិកក្រុម BLACKPINK ថាបានជួប Jennie ពីរដង។ ម្តងក្នុងអំឡុងពេលផ្សព្វផ្សាយបទចម្រៀង “Black” រហូតធ្វើឲ្យកាលណោះ Hyori បានយកដៃស្ទាបថ្ពាល់ Jennie ដែលជាមនុស្សនាងមិនធ្លាប់ស្គាល់សោះ ហើយក៏ជាពេលមួយដែលJennie ប្រាប់វិញថា កាលណោះនាងភ័យខ្លាំងរហូតដល់គេងមិនលក់ផងដែរ៕