ម្តាយ Angelina ស្រស់ស្អាតបែបនេះ ទើបបន្តជំនាន់សម្រស់ដល់កូននិងចៅស្រី

បើទោះបីជា​ពេលនេះ Marcheline Bertrand បាន​លាចាក​លោក​តាំងពីឆ្នាំ២០០៧​​ ព្រោះតែ​ជំងឺ​មហារីក​អូវែ​ក្នុង​វ័យ ៥៦ ឆ្នាំ​ក៏ដោយ។ ប៉ុន្តែ​សម្រស់​របស់​នាង​នៅតែ​ត្រូវបាន​ទស្សនិកជន​ទូទាំងពិភពលោក លើក​ឡើង​ឥតឈប់ឈរ។ ជាពិសេសនោះគឺភាពស្រស់ស្អាតដែលតារាហូលីវូដរូបនេះមានបន្តឲ្យ Angelina Jolie​ និងចៅស្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងពេលសម្ដែងភាពយន្តម្ដាយរបស់ Angelina Jolie​ គឺជាស្រីស្អាតដែលអ្នកណាៗក៏លើកសរសើរពីសម្រស់ល្អឯករបស់នាងផងដែរ។​ ថ្វីបើមកដល់ពេលនេះលែងមានវត្តមានលោកស្រីលើលោកនេះក៏ពិតមែន ប៉ុន្តែកេរ្ត៍ឈ្មោះរបស់តារាសម្ដែងជើងចាស់ Marcheline Bertrand តែងតែជាប្រធានបទ នៅពេលដែលកូនស្រីរបស់ Angelina Jolie​ គឺ Shiloh Jolie Pitt កាន់តែធំពេញវ័យ។

ក្នុងនោះទស្សនិកជាច្រើនបានធ្វើការប្រៀបធៀបសម្រស់អ្នកទាំងបី ដោយសុទ្ធតែលើកឡើងដូចៗគ្នាថា Marcheline Bertrand មាន DNA ដ៏ស្រស់ស្អាតតាំងពីកំណើត រហូតចែកចាយទៅដល់តារា​សម្តែង Angelina Jolie និងព្រមទាំង Shiloh Jolie Pitt ដែលជាចៅស្រីបន្តវេន។

លើសពីនេះទៀតសោត កាលពីពេលថ្មីៗនេះ ទំព័រហ្វេកប៊ុករបស់ Angelina Jolie បានបង្ហោះរូបភាពជាច្រើនសន្លឹករបស់ម្ដាយ Marceline Bertrand, Angelina Jolie និង Shiloh Jolie Pitt ដោយបានប្រៀបធៀបសម្រស់ពីមួយជំនាន់ទៅមួយជំនាន់ ដោយគ្រាន់តែរូបភាពរបស់ Marcheline ប៉ុណ្ណោះ ដែលមនុស្សជាច្រើនបញ្ចេញចេញមតិថា នាងពិតជាស្រស់ស្អាតខ្លាំង និងល្អឥតខ្ចោះសក្តិសមជាមនុស្ស្រីស្អាតបំផុតដែលផ្ដល់ DNA ដល់កូននិងចៅស្រីពិតមែន៕

អត្ថបទ៖ សាង ស្រីល័ក្ខ

ចុចអាន៖២០២៤ ជាឆ្នាំដែលតារាបរទេស១០រូប រកចំណូលបានច្រើនជាងគេបង្អស់