ជីវិតកម្សាន្ដ

ប្រធានសមាគមសិល្បករខ្មែរ ចាត់ទុកទង្វើស្ត្រីតាំងខ្លួនអ្នកស្នងរូបព្រះនាងឥន្ទ្រទេវី ជាការមើលងាយវប្បធម៌ដូនតាខ្មែរ

បានផុស

១ year មុន

នៅ

ថ្ងៃអង្គារ ៩ មករា ២០២៤

ដោយ

ថ្មីៗ នេះ ផ្ទុះការរិះគន់លើទង្វើរបស់ស្ត្រីលក់អនឡាញម្នាក់ ដែលតាំងខ្លួនជាអ្នកស្នងរូបព្រះនាងឥន្ទ្រទេវីចូលសណ្ឋិត បង្កការភ្ញាក់ផ្អើលពេញបណ្ដាញសង្គម។ ក្នុងនោះ មហាជនមួយចំនួន ក៏បានស្នើក្រសួងពាក់ព័ន្ធចាត់វិធានការលើបុគ្គលរូបនោះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកងាកមកប្រធានសមាគមសិល្បករខ្មែរអ្នកនាង ចន ច័ន្ទលក្ខិណា ភ្លាមៗ នោះ ក៏បានចេញមុខស្នើសុំក្រសួងមានចំណាត់ការលើស្ត្រីរូបនោះផងដែរ។ យ៉ាងណាមិញ ជាថ្មីម្តងទៀត អ្នកនាង ចន ច័ន្ទលក្ខិណា ប្រធានសមាគមសិល្បករខ្មែរ បានចាត់ទុកទង្វើស្ត្រីតាំងខ្លួនជាអ្នកស្នងរូប ព្រះនាងឥន្ទ្រទេវី គឺជាការមើលងាយវប្បធម៌ដ៏ផូរផង់របស់ដូនតាខ្មែរ។

អ្នកនាង ចន ច័ន្ទលក្ខិណា បានលើកឡើងថា «ពេលគេទាក់ទងទៅ ជួយលើកទូរស័ព្ទផង កុំឮហើយបិទ ព្រោះតែខ្ញុំមហាគោរពដូនតាហ្នឹងហើយទើបខ្ញុំរិះគន់ បញ្ជាក់ ខ្ញុំអត់រិះគន់រឿងអ្នកស្នងរូប ឬ បារមីព្រះនាងសណ្ឋិតទេ បើសណ្ឋិតហើយក៏សណ្ឋិតចុះ តែកុំតាំងខ្លួនមកជួយសង្គមជាតិ និងតាំងខ្លួនជាអ្នកបង្កើតក្បាច់របាំខ្មែរ ព្រោះទង្វើអ្នកកំពុងមើលងាយវប្បធម៌ដ៏ផូរផង់របស់ដូនតាខ្មែរ»។

អ្នកនាង ចន ច័ន្ទលក្ខិណា បានបញ្ជាក់ថា «កុំតាំងខ្លួនឈាមខ្មែរទាំងដែលខ្លួនបំផ្លាញព្រះកិត្តិនាមព្រះមហាវីរក្សត្រខ្មែរ ខ្ញុំមិនចាំបាច់ឆាតសួរទៀតទេ ព្រោះខ្ញុំស្គាល់សំបកខ្លួន ឲ្យគេឆាតសួរ ហើយបបួលគេទៅអាសនៈព្រះម៉ែរបស់អ្នក កុំឆ្លាតពេក»។

អ្នកនាង ចន ច័ន្ទលក្ខិណា បន្ថែមដែរថា «គេថាឲ្យប្រធានសមាគមសិល្បៈនៅឲ្យស្ងៀម គេថាខ្ញុំអត់ពាក់ព័ន្ធទេ ប្រធានសមាគមសិល្បៈអត់ស្គាល់វប្បធម៌ជាតិខ្លួនឯងមែន? គេថាខ្ញុំចង់ល្បី មនុស្សចង់ល្បីគេផុសក្នុងផេក អត់ផុសក្នុងអាខោនអញ្ចឹងទេ ផេកខ្ញុំ 1M like & Follower ណា ចាំបាច់អីមកផុសការងារចង់ល្បីក្នុងអាខោន? យកគំនិត និងទង្វើខ្លួនឯងមកថាឲ្យខ្ញុំ»៕

អត្ថបទ ៖ ចាន់រ៉ា