ជីវិតកម្សាន្ដ

តារាបរទេសច្រើនរូប បង្អួតសម្រស់ប្លែកៗគ្នា ក្នុងកម្មវិធីកម្រាលព្រំក្រហម Golden Globes ឆ្នាំ ២០២៤

បានផុស

១ year មុន

នៅ

ថ្ងៃអង្គារ ៩ មករា ២០២៤

ដោយ

កម្រាលព្រំក្រហម 2024 Golden Globes នៅក្នុងឆ្នាំនេះមានភាពរស់រវើកជាមួយនឹងវត្តមានរបស់តារាបរទេសល្បីៗជាច្រើនក្នុងឈុតអ្នករចនាម៉ូដស៊ិចស៊ីប្លែកៗពីគ្នា។ អ្វីដែលកាន់តែពិសេសខ្លាំងកម្មវិធីកម្រាលព្រំក្រហម២០២៤ បានធ្វើឲ្យតារាស្រីៗជាច្រើនប្រជែងសម្រស់គ្នាយ៉ាងខ្លាំងក្លាបំផុត។

អ្នកទីមួយគឺ តារាសម្តែង Rosamund Pike បានមកដល់ពិធីប្រគល់ពានរង្វាន់ 2024 Golden Globe នៅព្រឹកថ្ងៃទី ០៨ ខែមករាក្នុងនាមជាបេក្ខភាព។ មុនពេលនោះ នាងបានជួបឧបទ្ទវហេតុពេលជិះស្គី ធ្វើឲ្យមុខនាងមានស្លាកស្នាម ។ Rosamund Pike បានសម្រេចចិត្តពាក់ស្បៃមុខ ហើយក្លាយជាតារាបង្ហាញម៉ូដនៃពិធីប្រគល់ពានរង្វាន់ឆ្នាំនេះ ជាមួយនឹងស្ទីលដ៏គួរឲ្យចាប់អារម្មណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Jennifer Lopez បានឈរនៅលើកំរាលព្រំក្រហមជាមួយនឹងរ៉ូបពណ៌ផ្កាឈូកសំយេះដៃ បង្ហាញស្មាដ៏ទាក់ទាញរបស់នាងនៅអាយុ ៥៥ ឆ្នាំ។ ចំណែកតារាសម្ដែង Jennifer Aniston បានជ្រើសរើសរ៉ូបពណ៌ខ្មៅដ៏សាមញ្ញ ប៉ុន្តែក៏ទាកទាញភ្នែកទស្សនិកជនក្រឡេកមើលនាងសឹងតែគ្រប់ៗគ្នា។

Elizabeth Olsen ស្លៀករ៉ូបពណ៌សដ៏ប្រណិត ជាមួយនឹងក្រណាត់ចរ និងលំនាំក្រឡោតអូសដី ខណៈដែល Naomi Watts ជ្រើសរើសរ៉ូបពណ៌ប្រផេះមានអង្កាំលម្អិតអមជាមួយនឹងឈុត។

Elle Fanning នៅតែមើលទៅដូចព្រះនាងនៅលើកម្រាលព្រំក្រហម ដោយសារស្ទីលឆើតឆាយ និងបែបនារីដ៏ទាន់សម័យរបស់នាង ជាមួយនឹងបូដ៏ធំនៅលើដើមទ្រូង។

Meryl Streep ស្ថិតឈុតសំពត់វែងសក្តិសមជាមួយអាវស និងអាវក្រៅគ្របពីលើមួយជាន់ទៀតបង្ហាញស្ទីលបែបវ័យក្មេង ប៉ុន្តែទាកទាញការចាប់អារម្មណ៍មិនធម្មតា។

Selena Gomez ស្លៀករ៉ូបពណ៌ក្រហមសិចស៊ីជាមួយនឹងកែងជើងខ្ពស់ ក្នុងពេលដែលមហាជនក្នុងកម្មវិធីលើកសរសើរពីសម្រស់តារាស្រីរូបនេះថាស្អាតឥតខ្ចោះ។ ចំណែកឯ Taylor Swift បានជ្រើសរើសរ៉ូបពណ៌ខៀវដ៏ស្រស់ស្អាត ដើម្បីបង្ហាញខ្លូនឲ្យដូចរូបចម្លាក់តាំងលម្អ៕