Aom ប្រារព្ធខួបកំណើតឈានចូលវ័យ៣៦ឆ្នាំ ខណៈទស្សនិកជនសឹងមិនជឿថាជាការពិត

តារាសម្ដែងថៃ​រាង​តូច​ច្រឡឹង​ Aom Sushar Manaying ​កាល​ពី​ទី០៩ ខែមករា ឆ្នាំ២០២៤ បាន​បង្ហោះ​រូបភាព​អបអរ​ថ្ងៃ​ខួប​កំណើត​របស់​ខ្លួន​ក្នុងវ័យ៣៦ឆ្នាំ ខណៈដែលអ្នកគាំទ្រ ជាពិសេសទស្សនិកជនដែលទស្សនាភាពយន្តរបស់នាងហាក់មិនចង់ជឿ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្ដាញសង្គម IG ផ្ទាល់ខ្លួន Aom Sushar បានសរសេរខេបសិនអបអរខួបកំណើតរបស់នាងលើរូបភាពប៉ុន្មានសន្លឹកថា “នៅថ្ងៃខួបកំណើតរបស់ខ្ញុំ ខ្ញុំមិនមែនទើបតែប្រារព្ធមួយឆ្នាំទៀតនោះទេ ខ្ញុំកំពុងប្រារព្ធនូវភាពពិសេសនៃភាពជាខ្ញុំ។ សូមអរគុណដល់កូនៗ maneemejai, kie.kosit297, minddmakeup, pedhoz ដែលបានបង្កើតរូបភាពសម្រាប់ខួបកំណើតរបស់ Aom ឆ្នាំនេះ”។

យ៉ាងណាក៏ដោយ នៅពេលដែលទស្សនិកជនជាច្រើនដែលធ្លាប់តែទស្សនាភាពយន្តដែលនាងដើរតួឯកកន្លងមកគិតស្មានថាតារាស្រីដ៏មានទេព​កោសល្យ​រូបនេះត្រឹមអាយុ២០ស្ដើងប៉ុណ្ណោះ។ ប៉ុន្តែនៅពេលពួកគេដឹងភ្លាមៗ ម្នាក់ៗបានចូលមកបញ្ចេញមតិថា បើមិនបង្ហើបប្រាប់ប្រាកដណាស់សឹងថាគ្មានអ្នកជឿឡើយ។ ដោយសារតែកន្លងមកនាងតែងតែដើរតួជាក្មេងស្រីបែបស៊ីវល័យ និងក្រមិចក្រមើមបែបតួអង្គស្រីដែលគួរឲ្យស្រលាញ់ប៉ុណ្ណោះ។

លើសពីនេះទៀតសោត មហាជនមួយចំនួនថែមទៀតហាក់យល់ស្របថា Aom មាន​អាយុ​៣៦​ឆ្នាំ​ក៏ពិតមែន ប៉ុន្តែ​​មុខមាត់ក្មេងជាងវ័យរបស់នាងនេះហើយ ដែលតែងតែប្រជែងជាមួយក្មេងៗស្រកក្រោយក្នុងភាពយន្តភាគថៃកន្លងមក។ អ្វីដែលកាន់តែគួរឲ្យចាប់អារម្មណ៍ជាងនោះទៀត​​ មិនថាកេរ្តិ៍ឈ្មោះល្បីល្បាញ ឬសម្រស់ស្អាតជាងវ័យនោះទេ សូម្បីតែជីវិតឯកជនដែលនាងមានមិត្តប្រុសជាអ្នកជំនួញប្រាក់លាន ក៏ត្រូវមហាជនតាមដានជាប់លាប់មិនលួសពេលផងដែរ៕

អត្ថបទ៖ សាង ស្រីល័ក្ខ

ចុចអាន៖៤៥ឆ្នាំហើយ តែ Pong Nawat នៅតែអាចបង្អួតសាច់ដុំទ្រូង អង្រួនបេះដូងហ្វេនស្រីៗ